شهد " احكيلك ايه بس يا بابا مش عارفه والله "
الجد " احكي كل اللي عايزه تقوليه .. انا سامعك "
شهد " ابدا يا بابا خناقات بيني وبين سعد حاجات عاديه يعني .. وميار وعمر خايفه اوي الخناقات دي تأثر عليهم عشان دراستهم "
الجد " ولادك مش صغيرين ياشهد ... بلاش الحجج الفارغه دي "
شهد " حجج؟ حجج ايه يا بابا "
الجد " عايزه تطلقي ياشهد .. مش كدا ؟ "
شهد بصت لباباها باستغراب اوي ومعرفتش هوا ازاي عرف حاجه زي كدا
وبصت في الارض ومبقتش عارفه ترد عليه .. !
الجد " متستغربيش يا شهد .. انتي بنتي الوحيده وانا فاهمك وحافظك وعارف ايه جواكي بس سايبك تيجي تحكيلي لوحدك "
شهد " بابا انا .. "
الجد " متتكلميش يابنتي الا وقت متبقي عايزه تتكلمي .. فكري براحتك وخدي قرارك لوحدك .. دا مصيرك انتي وحياتك انتي .. ومتخليش حد يأثر عليكي وعلى قرارك يا بسمهندسه "
شهد مسكت ايد باباها وباستها
وجت ميار من جوا ومعاها الجيتار
شهد " يلا يا ميار "
الجد " يلا فين انتو هتتغدو معايا انهردا "
شهد " متتعبش نفسك يا بابا ملوش لزمه هيا ميار وراها اصلا مذاكره "
الجد " وهوا انا يعني اللي بعمل الاكل يا شهد .. ما الله يكرمها داده عطيات مش مخلياني محتاج حاجه .. اتعب نفسي ايه بس عيب عليكي الكلام دا قلتلك "
ميار " وغير دا كلو انا جعااااااانه فككو بأه ههههههه "
شهد " يابت "
الجد " ههههههه يلا ياحبيبت جدو عشان نروح ناكل زمانها خلصته "
وراحو كلهم على تربيزة السفره ولسه هيبدأو ياكلو جرس الباب رن
الجد " يا دادة عطياااات "
الداده " نعم "
الجد " افتحي الباب "
الداده " حاضر "
راحت فتحت الباب وعمر دخل
عمر " سلام عليكم "
الجد " اهلا اهلا ياعمر وعليكم السلام ياحبيبي تعالى "
شهد " انتا مش قلت مش هتيجي "
راح عمر سلم على جدو وباس على ايدو وراسو وقعد
ميار " عادي يا ماما منتي عارفه عمر مجنون "
عمر " مكنتش طايق البيت وهوا فيه "
الجد بص لشهد وهيا كمان بصتله
كانت نظرة باباها فيها نظرة عتاب اما شهد فـ كانت نظرتها نظرة اعتذار وانكسار ...
عمر حس انو لغبط اوي في الكلام بص لميار لقاها باصه في الارض ومكشره
جدهم حس ان في توتر في القعده وحاول يفكها شويه
الجد " الاصحيح يا عمر ليك عندي مفاجأه جامده جدا "
عمر " بجد والله ياجدو "
ميار " عارف جابلي ايه "
عمر " ايه "
ميار " جيتار "
عمر " ايوا بأه ياعم الله يسهلو "
ميار " هههههههههه ويسهلك بأه "
عمر " ها يا جدو جبتلي ايه "
شهد " بعد الاكل الكلام دا يا عمر كل دلوقتي "
عمر " حاضر "
خلصو اكل وقعدو شربو الشاي وعمر خد موبايلو الجديد من جدو وقامو سلمو عليه ومشيو
ركبو العربيه واتحركو عالبيت
وطول الطريق كانو هما التلاته " شهد وعمر وميار " ساكتين
وصلو تحت البيت
نزل عمر وميار
عمر بص لشهد
عمر " مش طالعه؟ "
شهد " لاء ورايا مشوار هخلصو واجي .. متعملش مشاكل في البيت وخد بالك من اختك ومتنزلش وتسيبها .. اقعد ذاكر ها "
عمر " طيب حاضر يا ماما "
شهد " عايز حاجه "
عمر " سلامتك "
شهد " ميار عايزه حاجه يا ماما "
ميار " سلامتك يا ماما "
شهد " الله يسلمك حبيبتي خدي بالك من نفسك "
ميار " حاضر "
شهد " يلا سلام "
وسابتهم ومشيت وهما طلعو عالبيت
شهد مسكت موبايلها واتصلت بماجد ..
" الو "
" ايوا يا ماجد فاضي .. ؟ "
" اه ياحبيبتي موريش حاجه انهردا "
" طب عايزه اشوفك شويه "
" بجد والله ؟ "
" اه "
" طب انا مستنيكي في الفيلا "
" ماشي مسافة الطريق "
وقفلت معاه من غير ما تقول حتى سلام ..
في البيت عند ميار وعمر
دخلو البيت لقو سعد قاعد في الصاله
ميار مسكت على ايد عمر قام مسك على ايدها جامد وهمس في ودنها " متخافيش "
ودخلو مع بعض
سعد شافهم بصلهم وابتسم ابتسامه مستفزه
سعد " اهلا اهلا بولادي الحلوييييييين وحشتوني فين حضن بابا "
ميار بصت لعمر ومسكت على ايدو اكتر .. عمر بص لباباه بقرف وبص لميار
عمر " ادخلي على اوضتك يا ميار "
ميار " لاء ادخل انتا كمان متقعدش هنا "
سعد " ايه دا ايه دا ايه دا في ايه .. ومالكو ماسكين ايد بعض كدا هههههههه انتو بتعدو الشارع في البيت ولا ايه هههههههه "
عمر اتنرفز واتخنق
عمر " ادخلي يا ميار قلت "
ميار بصتلو ودخلت اوضتها وقفلت عليها
اما عمر ف قعد عالكرسي قصاد باباه وحط ايدو على خدو يتفرج عليه
" ايه يابني في ايه "
" ابنك؟ ابنك ازاي يعني .. انا اسمي عمر اذا كنت متعرفش "
" ههههههههه انتا امك وزاك عليا شكلها صح؟ "
" امك؟ ووازاك ! ايه الكلام دا "
" في ايه يا عمر انتا هتعرفني ازاي اتكلم ولا ايه "
" لا العفو يا استاذ سعد .. دا حتى عيب "
" هههههه بس انتا شكلك جامد جدا وانتا كدا "
" هوا انتا هتفضل تايه كدا وبتضحك على ولا حاجه لحد امتى "
" مش بقولك هيا امك "
" اسمها ماما .. وبالنسبالك اسمها شهد "
" احترم نفسك في الكلام معايا يا عمر عيب كدا "
" ايييييييييييييييييييييه البرود اللي انتا فييييييييييييييه دا .. ما تفوووووووووق شويه .. انتا متعرفش انتا عامل ايه فينا
انتا مبتحسشششششششششش؟ متعرفش اللي حصل امبارح بسببك! متعرفش ان ميار خسرت صحبتها بسببك .. والله اعلم ايه الكلام اللي هيطلع عليها بسببك بردو .. انتا عايز ايه قوللي بس "
" ههههههههههههههههههههههههههههههه مش عارف اقولك ايه .. فكك زي ما بتقول "
" تصدق بأه ان انتا راجل معندكش دم "
سعد سمع الجمله دي قام ضارب عمر على وشه بالقلم
عمر بصلو وكل خليه في جسمه كانت بتترعش من العصبيه
" عارف لولا انتا المفروض بيقولو عنك ابويا .. كنت رديت عليك بجد "
" انتا مش محترم "
" فعلا انا اللي مش محترم .. "
ميار كل دا سامعاه في الاوضه وسامعه الزعيق ومش عارفه تعمل ايه
دخل عمر على ميار
" كويس انك مقلعتيش هدومك يلا بينا "
" على فين "
" عند جدو .. يلا "
" حاضر حاضر يلا "
مسك ايدها وطلعو برا الاوضه لقو سعد قاعج مولع سجاره وريحتها غريبه جدا
مشيو وجم يطلعو من باب الشقه سعد قام وقف قصادهم
سعد " رايحيييييييييييييين فيييييييييييييييييييييييييييييييين "
عمر " اقسم بالله هتقربلنا هرتكب فيك جنايه انهردا .. ابعد عني وخليك في اللي بتشمو دا "
سعد جه يمد ايده على عمر تاني بس المرادي عمر مسك ايدو
" يلا يا ميار "
وخرجو بسرعه وقفلو الباب ونزلو وميار كل دا بتعيط
وقفو على السلم تحت وعمر بص لميار
" هوا انا مش قلت دموعك دي متنزلش انتي مبتسمعيش الكلام ليه "
" حرام اللي بيحصل دا يا عمر .. "
عمر مسح دموعها وخدها في حضنه
" خلاص يا حبيبتي اهدي حصل خير مش هنروح تاني البيت طول ماهوا هناك اتفقنا "
ميار هزت راسها بـ ااه ...
وجم ينزلو من عالسلم للشارع موبايل عمر رن
" مين يا عمر "
" مش عارف رقم غريب استني كدا .. الو؟ "
" الو .. عمر !؟ "
" ايوا مين معايا "
ليست هناك تعليقات:
إرسال تعليق