عمر بصلها بصدمه وضربها على وشها
" اخرسسسسسسسي "
" مش هخرس هتكلم وهقول .. انتا اصلك عبييييييييييط
متعرفش حاجه
ابوك دا كان بيحب البنات زي عنيه .. انا عرفته بعد
ماعرفتك .. يابني دا كان مدلعني .. كان بيحبني جدااااااا
وانا بصراحه كنت بدلعو بردو .. عايز تعرف ازاي "
عمر بصلها بقرف ولسه هيمد ايده عليها بعدت ايدو
" شكلك عايز تعرف ازاي .. وانا بصراحه مش هبخل عليك
كنت مخليه واحد صحبي يراقبله مامتك .. بس مقولكش بأه ..
كل ما كنت بجيبله خبر كان يديني اللي انا عايزاه .. ويروح يتخانق مع .. ماما شهد
بتاعتكو دي "
" انتي بتقولي ايه "
" زي ما سمعت كدا .. مامتك يابني كانت مقضياها مع
واحد كدا بس ايه قممممممر يخربيتها عرفته ازاي دي ياعمر ؟ "
" ماتحترمي نفسك يابت انتي .. شكلك عايزه اللي
يربيكي من اول وجديد "
" لاء لاء لاء بقولك ايه .. انتا اللي تحترم نفسك
معايا دنا معايا اسرار بيوت تفضحك انتا وعيلتك كلها .. يابني باباك كان بيحشش
قدامي وامك بتقابل رجاله بردو قدامي ههههههههه "
" انتي حقيره "
" اما انتا بأه كنت بتشرب سجاير بس قدامي ..
ياخساره ميار منحرفتش زيكو كانت فضيحتكو دلوقتي تبأه بجلاجل "
عمر اتعصب اوي ومسكها من شعرها وشدها جامد
" اتفو عليكي .. قسما بالله كلمة زياده وهخليهم
يترحمو عليكي انهردا سمعتي "
رماها عالارض
ومشي ..
مكنش عارف يروح فين ولا يعمل ايه بعد الصدمه دي
حس انه كان مخدوع من الناس كلها
حس ان كل الناس كدابه ومحدش يستاهل ثقته
فضل ماشي في الشارع من غير هدف لحد ما ركب تاكسي
وراح عالمستشفى
في المستشفى كان ماجد وصل
الباب خبط
الجد " اتفضل "
ماجد " سلام عليكم "
الجد " اهلا اهلا يابني اتفضل وعليكم السلام ورحمة
الله وبركاته "
شهد " وعليكم السلام والرحمه "
الجد " طيب هروح انا اشرب حاجه في الكافتريا وراجع
"
شهد ابتسمت لباباها وفهمت انه عايز يسيبهم لوحدهم
طلع بابا شهد وراح قعد في الكافتريا ..
دور على عمر ملقاهوش
اتصل بالسواق
" الو "
" ايوا ياباشا "
" ايوا ياعم راضي انتا فين "
" انا مستني انسه ميار قدام المدرسه "
" طب جيبها عالمستشفى ياعم راضي متروحهاش عالبيت
"
" حاضر ياباشا "
" بقولك ايه "
" نعم ياباشا "
" عمر مكنش في البيت قبل ما تمشي "
" لا ياباشا مشفتوش "
" خلاص ماشي متتأخرش بأه وخد بالك من ميار "
" في عنيا حضرتك "
قفلو مع بعض والجد بدأ يقلق على عمر واتصل بيه
عمر بص في موبايله نظره استهزاء وفي سره قال "
اديني جايلكو "
كنسل على جدو وحط موبايله تاني في جيبه
الجد بص في الساعه لقاها 2 فكر ان عمر يكون في الحصه
بتاعته
طلب كوباية نسكافيه وقعد يشربه
في الغرفه عند شهد ..
" حبيبتي حمدلله عالسلامه "
" الله يسلمك "
" بصي بأه جبتلك ايه "
وطلعلها السلسله
" الله حلوه اوي ياماجد "
" اهو دي بأه حلاوة رجوعك ليا بالسلامه .. قومي
انتي بس وانا هجيبلك الدنيا كلها لو عايزه "
" كتير اوي كدا ياماجد "
" لا كتير ولا حاجه ياقمري .. انا اللي كتير عليا
اني شايف حبيبتي قدام عنيا دلوقتي "
" على فكره لولا بابا انا مكنتش كلمتك تاني لعلمك
"
" ليه بأه "
" بابا حكتله على كل حاجه "
ماجد اتخض وبصلها جامد
" كل حاجه !!؟ "
" ايييوا كل حاجه .. "
" وبعدين قالك ايه "
" طلبك عشان تيجي "
" بتتكلمي جد؟ يعني هوا مش عتبان علينا "
" لاء "
ماجد مسك ايدها وباسها عليها
في اللحظه دي كان عمر وصل المستشفى ومن غير ما يعدي
عالكافتريا طلع على طول عالغرفه
فتح الباب وشاف المنظر دا
فضل واقف باصص عليهم وهما باصين عليه ومحدش قادر يتكلم
عمر دخل الغرفه وراح وقف قصادهم وبصلهم
عمر " زي ما قالتلي .. زي ما قالتلي .. امك بتقابل
رجاله "
شهد " احترم نفسك ياقليل الادب "
ماجد " اسمعني بس ياعمري "
الجد كان خلص النسكافيه وطلع عالغرفه
ودخل الغرفه وعمر بيقول
" اوعى اسمع صوتك انتا فاهم .. انتو اصلكو عيله
متتعاشرش .. اب بيحشش وام بتاعت رجاله "
الجد " انتا متربتش "
عمر بص على جده وراه وراح لحد عنده
عمر " هههههه مين اللي هيربيني ياحسره .. ام طالعه
مع راجل .. ولا اب بيحشش وبيجري ورا بنات اد بنته "
جدو قام ضربه على وشه ومسك دراعه
الجد " الام اللي انتا بتتكلم عليها دي .. ضحت بكل
حاجه عشان تسعدك انتا واختك ومتكنوش عايزين حاجه من الدنيا .. الام دي فضلت انكو
تعيشو مرتاحين ومحترمين وهيا تتعذب مع راجل بيحشش وبيشرب وبيقابل ستات .. عشانكو
يابيه يامحترم .. الام اللي انتا بتتكلم عنها دي ليها قلب وبيحس ودفنت قلبها عشانك
انتا واختك .. عايز ايه تاني اكتر من كدا "
شهد فضلت تعيط وهيا بتسمع كلام باباها وماجد مسك ايدها
وطبطب عليها
عمر " الام دي انتا متعرفش انها كانت بتخرج مع ماجد
دا وهيا متجوزه وعندها ولد وبنت "
الجد " وانا عاتبتها وعرفتها غلطتها واللي حصل
انتهى خلاص وادي ربنا حلها من عنده وبعدين مامتك مغلطتش غلط اكبر من انها مشيت
شويه ورا مشاعرها .. وكانت دايما تطلب من ماجد يبعدو عن بعض عشانك انتا واختك وهوا
اللي كان بيرفض "
ماجد " حصل والله العظيم وانا اشهد بكدا "
الجد " كلنا بنغلط يا استاذ عمر .. وانتا فاهم قصدي
كويس اوي .. روح بوس على ايدها واعتذرلها ياراجل البيت يامحترم "
عمر " اعتذرلها بعد ايه .. بعد ما خلت شكلي زباله
قدام واحده متسواش "
الجد " تعالى ياماجد نطلع نجيب غدا وسيبهم يتكلمو
براحتهم "
ماجد " تحت امرك "
طلع ماجد والجد وشهد فضلت في الغرفه هيا وعمر
الجد اتصل بعم راضي سألو هوا فين قاللو انه داخل
عالمستشفى
طلب منه مينزل ميار يوصل المستشفى وياخدهم
راح ماجد والجد وقفو برا قدام المستشفى واستنو عم راضي
لحد ما وصل وركبو العربيه معاه
الجد " اطلع ياعم راضي عالمطعم اللي دايما بناكل
منه "
عم راضي " حاضر ياباشا "
ميار " في ايه ياجدو "
الجد " مفيش ياحبيبتي هنروح نجيب غدى "
ميار " طب مانطلبو دلفري "
الجد " معلش نروح نجيبو احسن "
ميار " وفين عمر "
الجد " مع ماما فوق "
ميار " طب انا هلكانه ومسلمتش على ماما هطلع انا
طيب "
الجد " لا ياحبيبتي خليكي معانا عشان تختاري الاكل
اللي عايزاه "
ميار " امممممم .. طيب حاضر "
ماجد " ماشي يا ميرو ياللي مش واخده بالك من عمو
ماجد خالص كدا "
ميار " معلش ياعمو والله ماقصدي عامل ايه "
ماجد " الحمدلله كويس انتي عامله ايه "
ميار " تمام الحمدلله "
في المستشفى ..
" تعالى ياعمر اقعد عايزه اتكلم معاك شويه "
راح عمر قعد من سكات ومش عايز يبص لشهد
" عمر "
" نعم "
" انا امك حببتك مش كدا "
عمر بصلها نظرة عتاب وبص تاني بعيد
" انا عارفه انك زعلان مني بس انا والله العظيم ما
عملت حاجه اكتر من اللي جدو قالك عليها
انتا فاهم غلط ياحبيبي .. ماجد دا انا كنت بقولو ابعد
عني اكتر ما كنت بشوفو .. ربنا يشهد على كلامي
انا هحكيلك كل حاجه بس فهمني هيا مين دي اللي قالتلك على
كل دا "
عمر حكالها على كل حاجه حصلت بينو وبين ياسمين
" انا دلوقتي فهمت هوا عرف ازاي يوم المستشفى لما
عملت حادثه ان ماجد كان معانا ولما ضربني قبل ما يعمل حادثه بردو وقتها عرف من
البنت دي .. طيب ياعمر سامحني انا اسفه ياحبيبي هات راسك ابوسها "
" اسفه هتعمل ايه يا ماما .. فكرك انا هيبأه ايه
شكلي بعد كدا "
" خلاص ياعمر انا هخلي ماجد يتصرف في الموضوع دا ..
"
" بردو ماجد "
" انا كنت فاكره ان غلطة عمري اني عرفت ماجد وحبيته .. اتاري غلطة عمري اني اتجوزت سعد .. والله ياعمر لما تعرفه اكتر هتحبه زي ما اختك بتحبو كدا .. بس انتا مش مديه فرصه "
" انا كنت فاكره ان غلطة عمري اني عرفت ماجد وحبيته .. اتاري غلطة عمري اني اتجوزت سعد .. والله ياعمر لما تعرفه اكتر هتحبه زي ما اختك بتحبو كدا .. بس انتا مش مديه فرصه "
" بعد كل اللي عرفتو دا يا ماما فرصة ايه دي اللي
اديهالو "
" عشان خاطر ماما لو لسه ليها خاطر عندك "
" اقولك ايه بس "
" قوللي انك سامحت ماما وهتدي ماجد فرصه "
" حاضر يا ماما "
" تعالى في حضني "
عمر راح حضن شهد وباسها على راسها
" انا اسف يا ماما بس انا بصراحه كنت هتجنن ومش
فاهم اي حاجه "
" ولا يهمك ياحبيبي "
والباب خبط والدكتور دخل
الدكتور " سلام عليكم "
عمر "وعليكم السلام اتفضل "
الدكتور" ازيك يامدام شهد "
شهد " الحمدلله يادكتور "
الدكتور " انا بصيت عالاشعه بدل ما اأجلها لبليل
"
عمر " ها يادكتور طمنا ايه الاخبار "
الدكتور " الحمدلله الاشعه سليمه ومفيش اي حاجه
الارتجاج كان خفيف "
شهد " طب والصداع اللي بحسو يادكتور "
الدكتور " دا نتيجة الارتجاج واي برشام للصداع
هيروحه هما يومين تلاته وهتخفي بس اهم حاجه الراحه التامه ومتجهديش نفسك في اي
تفكير يضايقك ولا تعلي صوتك او تزعقي "
شهد " حاضر يادكتور "
عمر " طب هيا ممكن تمشي امتى "
الدكتور " من دلوقتي لو حابه انا خلاص كتبتلها على
خروج "
شهد " بجد والله ؟ "
الدكتور " ههههههه اه والله "
عمر " شكرا يادكتور متشكرين جدا تعبنا حضرتك معانا
"
الدكتور " العفو لا تعب ولا حاجه عن اذنكم "
ومشي الدكتور
عمر بص لشهد وباس ايدها
" حمدلله على سلامتك ياماما "
" الله يسلمك ياحبيبي يلا كلم جدو قوللو عشان يجو
ياخدونا "
" حاضر "
عمر كلم جدو وراحو بعد ماجابو الغدا عالمستشفى خدو عمر
وشهد وروحو عالبيت
ماجد كان عايز يروح وبابا شهد اصر انو يتغدى معاهم
و قعدو يتغدو كلهم سوا
بعد الغدا
ماجد " طيب بمناسبة ان شهد خرجتلنا بالسلامه
وبمناسبة القعده الحلوه دي تسمحلي ياعمي اقول حاجه "
الجد " طبعا يابني اتفضل "
ماجد " شهد ؟ "
شهد " نعم "
ماجد بصلها وابتسملها وبص لباباها
ماجد " تسمحلي ياعمي اطلب ايد شهد بعد الاربعين
بتاعت سعد الله يرحمه "
الجد " والله يابني لو هيا موافقه انا مش هرفض اكيد
"
ماجد " عمر .. تسمحلي؟ "
عمر ابتسم " موافق "
ماجد " ميرو؟ "
ميار بفرحه كبيره " اكيد طبعا موافقه "
ماجد " شهد .. تتجوزيني ؟ "
شهد خدت نفس كبير اوي وابتسمت وهزت راسها بـ اه من غير
كلام ..
حلوه جدااااااااااااااا
ردحذف......فيروز