عمر رفع راسه وبص لشهد لقاها بتفتح عنيها
جري عليها ومسك ايدها
" ماما !! ماما حمدلله على سلامتك .. الحمدلله يارب
الحمدلله الف حمد وشكر ليك يارب "
ساب ايدها وجري سجد شكر لله ودموعه في عنيه ورجع بسرعه
لشهد مسك ايدها تاني
" ماما .. ماما حبيبتي انتي سامعاني "
شهد بتفتح عنيها بصعوبه وترجع تغمضها تاني .. وبتكح
" اااااه .. اااااه "
" مالك يا ماما مالك سلامتك من الـ اه مالك بس
قوليلي .. طب سامعاني طيب؟ "
وشهد مش في وعيها وبس بتقول ااه
جري عمر طلع من الغرفه نده عالممرضه ورجع الغرفه
الممرضه جريت وراه هيا وواحده تانيه ودخلو ..
الممرضه الاولى " هاتيلها مسكن بسرعه "
الممرضه التانيه " حاضر حاضر "
عمر " خير في ايه مالها "
الممرضه الاولى " عادي هيا بس بتتوجع من الجروح
اللي في جسمها متقلقش هيا كويسه الحمدلله طالما فتحت عينها الخطر راح عنها بنسبة
90% "
عمر " احمدك يارب .. طب هيا سامعانا ولا ايه "
الممرضه الاولى " مش عارفه والله بس هيا هتفوق
دلوقتي "
الممرضه التانيه كانت طلعت جابت المسكن ورجعت حطتهولها
الممرضه الاولى " هيا دلوقتي هتبأه احسن وهتفوق
تماما وهتتكلم معاك كمان ان شاء الله "
عمر " طب مش المفروض تاكل او تشرب حاجه زمانها
دايخه جدا "
الممرضه التانيه " لاء احنا هنحطلها محاليل تاني
كمان شويه مهيا المحاليل دي بتعوضها عن الاكل والشرب "
الممرضه الاولى " عن اذنك .. ولو في حاجه احنا برا
"
عمر " متشكر جدا "
طلعو الممرضتين وفضل عمر باصص لشهد وماسك ايدها
شهد هديت وبطلت تقول ااه
خمضت عنيها دقيقه ورجعت فتحتها تاني
شهد " عمر ؟ "
عمر " يااااا حبيبة عمر .. طب تصدقي والله العظيم
وحشني صوتك .. كدا بردو تعملي فيا كدا "
وراح باسها على راسها وبصلها وابتسم
شهد " هوا انا فين ياعمر .. هوا في ايه "
عمر " مش مهم اي حاجه ياماما دلوقتي .. المهم انك
كويسه الحمدلله "
شهد " سعد ! سعد هوا اللي عمل فيا كدا ياعمر .. انا
هتطلق منه .. مش هسيبه يدخل البيت دا تاني .. انا كان لازم اسمع كلامك من الاول
"
عمر " ماما .. معدش ينفع تطلقي منه دلوقتي "
شهد " يعني ايه "
عمر " لما تطلعي من المستشفى هتفهمي كل حاجه
متستعجليش "
شهد " فهمني ياعمر في ايه "
عمر " يا امي انتي مش ناقصه ابوس ايدك اهدي "
شهد " انطق ياعمر "
عمر " بابا .. مات "
شهد بصت لعمر بصدمه كبيره جدا وحست ان لسانها اتشل
معرفتش تضحك ولا تزعل معرفتش ترد اصلا على عمر
سكتت شويه وعمر وطى راسه وبص في الارض
شهد حست انها بتحلم .. بصت للسقف ودموعها نزلت
ورجعت بصت تاني لعمر
عمر " انتي بتعيطي ليه دلوقتي "
شهد " مش عارفه "
عمر " عايزه تفهميني انك كنتي بتحبيه وزعلانه عشان
مات "
شهد " مش عارفه ياعمر .. مش عارفه حاجه .. "
عمر " طيب يا امي متزعليش نفسك ودموعك دي متنزلش خلاص
.. ربنا يرحمو "
شهد " ربنا يسامحو "
شهد بصت حواليها ورجعت بصت تاني لعمر
شهد " اومال فين بابا وميار "
عمر " في الفيلا "
شهد " ليه مش هنا "
عمر " كانو هنا .. جدو كان هنا الليل كلو هوا وماجد
دا وفضلو هنا لحد اما طلعتي من العنايه وجيت انا وميار عالضهر كدا وجدو مشي هوا
وميار بعد ما اتغدينا اكل بردو ماجد هوا اللي جابو .. ميار عندها درس دلوقتي وجدو
.. "
شهد " وجدو ايه "
عمر " ياربي تصدقي نسيييييييييت "
شهد " نسيت ايه يابني "
عمر " جدو قاللي لما تفوقي اكلمو .. ثواني بأه
"
واتصل عمر بجدو ..
الجد اول لما شاف رقم عمر رد بسرعه
عمر " ايوا ياجدو "
الجد " في جديد؟ طمني ؟ "
عمر " ااه ماما فاقت الحمدلله "
الجد دموعه نزلت وفرحته مكنتش سايعاه
الجد " بتتكلم بجد .. الحمدلله يارب الحمدلله ..
ادهاني طيب اكلمها "
عمر " حاضر .. خدي يا ماما "
شهد اخدت الموبايل من عمر وردت على باباها
شهد " بابا "
الجد " حبيبت بابا .. بنتي حبيبتي كدا تحرميني منك
بردو .. حمدلله عالسلامه ياقمري "
شهد " الله يخليك يابابا وحشتني اوي "
الجد " وانتي يابنتي وحشتيني انا جايلك مسافة السكه
"
شهد " متتعبش نفسك انتا وخليك عندك وبكرا الصبح هات
ميار وتعالو "
الجد " لالالا انسي انا هبات معاكي انهردا .. بس
طمنيني انتي وشك واجعك ولا جسمك ولا حاجه؟ "
شهد " جدا يا بابا حاسه اني مرهقه جدا .. تعبانه
اوي وحاسه وشي وارم بطريقه فظيعه وراسي واجعااااااني "
الجد " ربنا يستر عليكي يابنتي يارب .. "
ميار كانت خلصت حصتها وطلعت لقت جدها بيتكلم في الموبايل
جريت عليه بسرعه
ميار " ايه دا ايه دا بتكلم ماما؟ "
الجد " اه فاقت يلا حضري نفسك عشان نروحلها "
ميار " حبيبتي ياماما الحمدلله يارب طب هات اكلمها
طيب "
الجد " لاء روحي يلا حضري نفسك كفايه عليها تعبانه
هيا يلا عشان نشوفها "
ميار " حاضر حاضر اهو "
شهد سامعه كل دا وبتضحك من لهفة ميار عليها
ميار " ياحبيبتي .. والله وحشتني اوي البنوته دي ..
يلا انا مستنياكو "
ورجعت تكح تاني ..
الجد " بسم الله عليكي يابنتي بسم الله عليكي ..
ادينا جايين اهو يلا كفايه كلام عشان متتعبيش اقفلي "
عمر " ماما هاتي كفايه كتر الكلام دا هوا اللي
بيخليكي تكحي "
وخد منها الموبايل وهيا ما زالت بتكح
عمر " ايوا يا جدو "
الجد " اديها ميه خليها تشرب "
عمر " مينفعش هما قالولي لا تاكل ولا تشرب "
الجد " لا
اله الا الله تصوم يعني! دي بتكح جامد اوي قوم قول لحد برا واحنا جايين اهو "
عمر " طيب طيب حاضر "
الجد " يلا سلام "
وقفل الجد من غير مايستنى عمر يقوللو سلام
عمر استغرب اكتر بس كحة شهد خلته يطلع يشوف اي حد برا
لقى الممرضه نفسها قالها على كحة شهد وادتله كوبايه فيها
ميه وقالتله تشرب منها بس على مراحل
خدها منها ورجع لشهد وشربها الميه وهيا هديت شويه
عمر " ها يا ماما حاسه بـ ايه "
شهد " اني متكسره حتت "
عمر " الف بعيد الشر عليكي يا اغلى الناس "
ومسك ايدها وباسها
شهد " عمر ريحتك غريبه اوي انتا كنت واقف مع مين
"
عمر " يعني ايه ! اشمعنا "
شهد " مش عارفه ريحتك سجاير جامده اوي "
عمر " لالا بيتهيألك بس .. يلا ريحي نفسك ومتتكلميش
كفايه كدا لحد اما يجو انا عارف ميار مش هتسيبك وهتفضل ترغي وياكي للصبح "
شهد " هههههه حاضر "
فضلو ساكتين شويه وعمر باصص عليها ومبتسم ومرتاح انها
فاقت
الباب خبط ودخلت الممرضه حطت لشهد المحاليل وطلعت
شويه ودخلت ميار هيا وجدها
ميار " مامتييييييييييييي "
وجريت عليها باستها على راسها وجت تمسك ايدها شهد صرخت
ميار " انا اسفه انا اسفه "
شهد " ولا يهمك ياحبيبتي بس عشان المحاليل دي
"
ميار " حمدلله على سلامتك يا مامتي "
شهد " الله يسلمك يابنتي وحشتيني "
الجد " كدا بردو ابوكي موحشكيش يعني "
شهد " هههههه انا اقدر بردو .. دنتا الكل في الكل
يا غالي "
راح باسها على راسها ومسح على شعرها وبصلها وابتسم
الجد " وحشتيني يابنتي "
شهد "
وانتا اكتر والله العظيم "
قعدت ميار وقعد جدها وعمر كان قاعد ..
عمر لاحظ ان نظرات جدو فيها حاجه غريبه وكان هيموت ويفهمها
عدى الوقت وفضلو يتكلمو ويهزرو
وشويه الباب خبط ...
اكيد ماجد يارب تكون نهايتها حلوه
ردحذف