" الو "
" ايه يا الاء وصلتي البيت؟ "
" اه ياسامر في حاجه ولا ايه "
" لا ابدا بس قلقت عليكي اتأخرتي عبال ما رديتي عليا والوقت ليل وكنت عايز اوصلك بس اتكسفت اقولك وتقوليلي لاء "
الاء فرحت اوي واتكسفت ترد معرفتش تقوله ايه .. دا بجد بأه بيخاف عليا
" اممم لاء انا اهو روحت بس مسمعتش الموبايل اول مره "
" طب يعني انتي كويسه؟ "
" اه الحمدلله تمام "
" الاء عايز اقرب منك اكتر تسمحيلي "
" اه طبعا يا سامر .. "
فضلو يحكو الليل كلو هما الاتنين كل واحد فيهم كلمة بحبك نفسه يطلعها بس مش قادر وخايف
سامر خايف تحرجه تاني والاء خايفه يكون بطل يحبها
وهما بيتكلمو باباها خبط عليها
" ثواني ياسامر "
باباها دخل وبصلها وابتسم
" حمدلله على سلامتك يابابي "
" الله يسلمك ياحبيبت بابي عامله ايه انهردا "
" الحمدلله تمام وحشتني اوي بأه "
" وانتي ياحبيبتي وحشتيني اوي "
" اقوم اعملك العشا اهو "
" انا مش قلت ايدك مش هتتمد للاكل تاني ولا لعميل اي حاجه .. انا جايب معايا اكل من برا يلا هغير هدومي ونقعد ناكل سوا "
" ماشي يابابي مستنياك "
وطلع وقفل الباب وراه .. رجعت الاء تكمل كلامها مع سامر وكان هوا سامع كل حاجه وقالها تروح عشان باباها وانو انبسط اوي انو اتكلم معاها وبجد كان وقت جميل اوي
قفلت معاه وهيا طايره من الفرحه ومش قادره تخفي ابتسامتها
قعدت مع باباها يتعشو سوا وقعدو يتكلمو كتير سوا وقام كل واحد على اوضته ينام
تاني يوم الصبح باباها دخل يصحيها عشان تقعد تذاكر وهوا نزل على شغله ..
شويه ولقيت ايه بتتصل بيها
" ايويتي صباحك عسل "
" ااااااااه شكل في ناس هنا مزاجها رايق اوي بأه "
" ههههههه اوي اوي بأه "
" طب ياعم صباح النور .. عامله ايه "
" الحمدلله تمام وحشتيني يا ايووووووووي "
" وانتي اكتر والله ..بتعملي ايه بأه "
" بذاكر ياستي اما طلعت عيني مش قادره زهقت "
" طب بقولك ايه انتي عندك حاجه تلبسيها بكرا في الخطوبه "
" اوباااااااا وقعت مني دي .. لاء معنديش "
" ولا انا .. تيجي ننزل انهردا نشوفلنا فستانين "
" اه تمام ماشي هستأذن من بابي وارد عليكي "
" خلاص وانا هستنى ردك ولو كدا على 5 مثلا نبدأ نتحرك "
" خلاص تمام "
قفلو مع بعض وقعدت تكمل شويه وتاني موبايلها رن بس المرادي كان باباها
" ايوا يا بابي "
" ايوا ياحبيبت بابي بقولك ايه يا لولو انا لقيت شغاله كويسه جدا ومضمونه وهيا زمانها جايالك في الطريق خليها انهردا تحضرلك الغدا بس وتنضف البيت عالماشي كدا وبكرا بأه تبدأ من الصبح تيجي انشالله "
" بابي انا مش عاااايزه انا هعرف اتصرف "
" لا ياحبيبي انتي داخله عالامتحانات ولازم تركزي المهم متدفعيلهاش فلوس انا هحاسبها بالشهر "
" حاضر يابابي بقولك ايه "
" قوليلي "
" بكرا زي ما حضرتك عارف خطوبة اميره وانا معنديش حاجه البسها ممكن انزل انا وايه سوا نشوفلنا حاجه "
" ماشي ياحبيبت بابي بس متأخريش بكرا كله ضايع منك لازم تعوضيه في المذاكره انهردا "
" حاضر يابابي "
" معاكي فلوس؟ "
" ااه معايا متقلقش "
" ماشي ياعمر بابي لو في حاجه كلميني "
" حاضر "
قفلو مع بعض وقعدت الاء شويه مع نفسها .. افتكرت سامر ورغم انها استغربت انه جه على بالها لكن ابتسمت
جت الساعه 12 وهيا قاعده بتذاكر وباب البيت خبط
قامت تفتح لقت الخدامه دخلتها وحست على وشها انها مريحه جدا ومش وحشه من جواها
اتفقت معاها ان انهردا يبأه تنضيف خفيف وغدا بس عالسريع عشان نازله
راحت الشغاله عالمطبخ وراحت الاء على اوضتها تذاكر شويه تاني وباب اوضتها خبط
" اتفضل "
" ياست الاء انا خلصت الغدا ونضفت خلاص "
" ماشي يانبويه تسلم ايدك انتي دلوقتي هتمشي وبكرا اجازه عندك فـ هنبدأ من بعد بكرا انشالله "
" ماشي ياستي تعوزي حاجه "
" لاء ربنا يخليكي سلامتك .. انتي اتغديتي؟ "
" انا بتغدى مع ولادي ياستي في البيت "
" ماشي خدي شوية اكل من اللي عاملاهم انا مش هاكل كتير وكليه مع ولادك "
" ربنا يكرم اصلك ياهانم .. عن اذنك "
" اتفضلي "
قفلت الباب وطلعت .. وقفت الاء قدام المرايه وحست انها مبسوطه اوي .. ليه متعرفش !!
غيرت هدومها وطلعت ملقتش نبويه في البيت .. قعدت تتغدى وبصت في لقيتها الساعه 3 ونص
قامت مسكت موبايلها واتصلت بـ ايه لقيتها بتلبس .. وقالتلها تستناها هيا هتعدي عليها مع سامر
قفلت وقعدت تستناها لقيتها بترن عليها طلعت من البيت وقفلت الباب وراها ونزلتلهم
اول لما نزلت شافت سامر قلبها فضل يدق جامد
سلمت عليهم ودخلت العربيه
سامر وصلهم المحل ومشي
فضلوا يلفوا عالمحلات لحد ما لقيوا اللي هما عايزينه .. الاء جابت فستان لونه اوف وايت و ايه جابت فستان لونه تركواز
وكانو الاتنين في الفساتين احلى من بعض .. خلصوا و ايه اتصلت بسامر يجي ياخدهم زي ما قالها
راح عدى عليهم خدهم واتحركو بالعربيه
" احنا رايحين فين ياسامر "
" عازمكو على قعده لزيزه ولا وراكي حاجه؟ "
" لاء انا بابي هيجي متأخر البيت زي كل مره بس كنت بسأل مش اكتر "
فضلو يلفو بالعربيه لحد ما وصلو مطعم عالنيل
نزلو من العربيه واول ما نزلو الاء غمضت عنيها وخدت نفس طويل ومرتاح وابتسمت وفتحت عنيها
سامر خد باله من الموقف دا وانبسط اوي لانه حس انها مرتاحه ودا اللي هوا عايزه
دخلو المطعم وطلبو مشروبات وقعدو شويه .. وكان وقت لزيز جدا وشويه بشويه الاء وسامر بيقربو لبعض وبيتعلقو ببعض اكتر
خلص الوقت بسرعه وقامو يروحو .. سامر وصل الاء للبيت اللي هيا اصلا كانت نفسها الوقت يقف وهما سوا وكانت متدايقه اوي انها مروحه وفـ نفس الوقت سامر كان حاسس احساسها بالظبط .. وراح هوا وايه عالبيت
طلع سامر و ايه البيت وكل واحد فيهم دخل اوضته ونامو
في بيت الاء رجعت ملقتش باباها في البيت وكانت حاسه انها تعبانه مقدرتش تغير هدومها وحطت دماغها عالسرير نعست
دخل باباها عليها بعدها بشويه لقاها نايمه بهدوم الخروج دخل عليها باسها على راسها وطلع
اتعشى ونام
تاني يوم الصبح ايه صحيت بدري ودخلت على باباها الاوضه
صحته عشان يقوم يلبس وقالها انه مش رايح الشغل انهردا
دخلت حضرت الفطار ودخلت تاني على باباها تصحيه يفطر معاها فضلت تتنطط على سريره لحد ما فاق وقام حضنها
طلعوا فطرو مع بعض وسألته اذا كان هيحضر الخطوبه وقالها هيحاول ..
قامت دخلت اوضتها اتصلت بـ اميره تسلم عليها لقيت موبايلها مغلق اتصلت بخالتها " مامت اميره "
وسلمت عليها وباركتلها وعرفت منها ان اميره في الكوافير ..
قفلت معاها ولقيت ايه بتتصل
" صباح الخير"
" صباح النور ياحبيبي .. ها جهزتي؟ "
" نوو مجهزتش وانتي "
" ولا انا .. بقولك ايه طيب يا الاء احنا هنروح انهي كوافير "
" في واحد انا رحت عنده كذا مره وكان حلو اوي هعدي عليكي كمان شويه ونروح سوا "
" طب بصي احنا هنروح القاعه مع سامر "
" ايه دا هوا رايح "
" اه محمد كلمه "
" خلاص ماشي انا قايمه البس وجايالك "
قفلو سوا وبدأو كل واحده تلبس .. خلصت الاء لبسها وخدت فستانها معاها ونزلت على بيت ايه
رنت الجرس و مامت ايه فتحت الباب
" سلام عليكم ازيك يا طنط "
" وعليكم السلام اهلا ياحبيبتي اتفضلي "
دخلت الاء ومامت ايه قالتلها انها هنتده عليها ودخلت جوا ..
ثواني وكانت ايه طالعه
سلموا على بعض وكانت ايه خلاص جاهزه دخلت تقول لـسامر عشان ينزل يوصلهم ولقيته هوا كمان جاهز
نزلو التلاته سوا وروح سامر وقال لـ ايه اما يخلصو يكلموه عشان يروحو سوا كلهم عالقاعه
عالساعه 6 ونص اتصلت ايه بـ سامر وقالها انه نازل ياخدهم
شويه و كان عندهم .. رن على ايه وطلعوا الاتنين
اول لما طلعوا سامر كان باصص ناحية باب الكوافير .. وشاف الاء
قلبو كان هيتخلع من مكانه من احساسه بجمالها
مقدرش يسيطر على اعصابه
نزل من العربيه و فتح لـ ايه الباب .. ركبت ايه
ورجع فتح لـ الاء الباب وعينه مش راضيه تنزل من عليها
" الاء "
" نعم يا سامر "
" انتي حلوه اوي !!! "
ليست هناك تعليقات:
إرسال تعليق