" اه ها ياستي "
" ياااااااااه يا اميره بجد الف الف مبروك اكيد جايه انا وايه انشالله "
" متنسيش تعزمي عمو معاكي "
" اكيد بس يارب يكون فاضي يومها .. هيبأه فين طيب "
اميره قالتلها عالمكان واتفقوا انهم هيتقابلو يومها في الخطوبه
قفلو مع بعض وبصت ايه لـ الاء
" دي اميره يا الاء ؟ "
" اه يابنتي بتسلم عليكي خطوبتها بعد بكرا "
" متهزريش "
" اه والله "
" على مين "
" هوا في غيره .. حبيب القلب طبعا "
سامر " محمد سامي "
" اه انتا تعرفو يا سامر "
" اه يابنتي دا صاحبي اصلا "
" كلمك؟ "
" لاء معزمنيش ولا كان قايلي اصلا على حاجه "
" ما حوارهم مكنش حد يعرفو الا انا وهيا وهوا وايه "
"ايوااا قلتيلي "
" اكيد هيكلمك يعني "
" طب وانتو رايحين "
" اه انشالله "
" تمام اذا كلمني هبأه اروح معاكو "
خلصو الفطار ودخلت ايه والاء عالاوضه يذاكرو ..
قام سامر غير هدومه ونزل على شغله
اول ما وصل لقى بطاقة دعوه محطوطه عالمكتب بتاعو ومكتوب عليها انه مدعو لخطوبة محمد واميره
فرح جدا وحمد ربنا انه هيكون مع الاء يومها
اتصل بمحمد لقى موبايله مقفول .. وببدأ يشتغل
شويه ووصلت مريم الشغل .. محاولش يبص على ملامحها ولا يشوف وشها عشان ميحرجهاش
راحت لمكتبه
" ازيك يا سامر "
" انا الحمدلله ازيك انتي يا مريم "
" كويسه .. انا قدمت استقالتي .. كنت جايه اسلم عليك بس قبل ما امشي "
" ايه دا ليه كدا بس "
" ابدا مش مرتاحه في الشغل ومش هقدر افضل قاعده في مكان انا وانتا فيه بعد موقف امبارح "
" انا اسف سامحيني بس الشغل ملوش علاقه "
" ولا يهمك .. ولو عالشغل لاء انا كدا كدا مش مرتاحه فيه .. اشوف وشك بخير "
سلم سامر عليها وطلعت من المكتب ومشيت ...
ارتاح سامر انه مكدبش عليها ومبينش ليها اي احساس مش جواه وقعد يكمل شغله
روح البيت عالعصر ملقاش الاء
دخل اوضة ايه ملقهاش
راح لمامته المطبخ ..
" ماما ازيك "
" الحمدلله ياحبيبي يلا غير هدومك عشان الاكل جهز "
" حاضر بس اومال فين ايه والاء "
" الاء ياسيدي عازمه ايه برا عالغدا ونزلو يتغدو وهيجو كمان شويه عشان ياخدو الدرس "
" ماشي اروح اغير انا هدومي بأه "
" بقولك ايه صحيح "
" ايه يا ماما "
" انا اتكلمت مع ابوك في موضوع الاء ووافق خلاص "
" بجد والله "
" اه والله .. الف مبروك ياحبيبي "
" الله يبارك فيكي ياست الكل "
في الناحيه التانيه كانت ايه والاء قاعدين بيتغدو ..
موبايل ايه رن .. وكان سامر
" ههههههههههه الاء "
" نعم "
" سامر بيتصل ههههههههههه وحشتيه "
" بس يازفته "
" الو "
" ايه يا ايه فينك "
" برا بتغدى ماما مقالتلكش ولا ايه "
" قالتلي بس قلت اطمن عليكي "
" مش عوايدك يعني "
" يانيله متحرجنيش قدامها هيا جنبك؟ "
" ههههههههه اه "
" وحشتني عايز اشوفها "
" احم .. يلا من هنا جعاااااااانه "
" اه ياندله .. جايين امتى "
" شويه كدا "
" طيب مستنيكو انجزي "
" سلام "
" سلام "
ايه بصت لـ الاء لقيتها باصلها جامد اوي ..
فضلت تضحك عليها هيا وسامر
" هههههههههههههههههههههههههه
" مالك يابنتي "
" معجبه بيكي انتي وسامر "
" قالك ايه "
" انك وحشتيه "
" احلفي قالك كدا؟ "
" اه والله حصل "
سكتت الاء ووشها احمر ومعرفتش ترد ....
وايه مرضيتش تحرجها .. غيرو الموضوع وكملو اكلهم
كان وقتها سامر عرف من مامته مكان المطعم اللي هما فيه وراحلهم على هناك
واتصل تاني ب ايه
" ايوا يا سامر "
" انتو فين "
" ادينا مروحين "
" طب انا برا مستنيكو اطلعولي "
" ماشي "
قفلت معاه وقالت لـ الاء
الاء قالتلها لاء واتكسفت بس كان امر واقع عليها ..
طلعو من المطعم ولقيو سامر بالعربيه مستنيهم
الاء حست قلبها بيدق جامد اوي وخصوصا انها راكبه وراه
اما سامر ف كان نفسه ياخدها بالحضن ويقولها جاي اخطبك يا اجمل حاجه في دنيتي
فضلو هما التلاته يتكلمو لحد ماروحوا على بيت ايه وسامر
دخل سامر على اوضته وايه والاء قعدوا برا مستنين المستر لحد ماجه خدو الدرس وطلعت الاء على بيتها
اول لما روحت لقيت موبايلها بيرن
بصت عالرقم لقيته سامر .. قلبها بدأ يدق جامد اوي
معرفتش ترد ولا تطنش لحد ما فصل
ورجع رن تاني .. مسكت الموبايل وردت
ليست هناك تعليقات:
إرسال تعليق