" اتجوزكو انتو الاتنين "
" نعم!!!!!!!!!!!!!!!!!!!! وانا هوافق حد يشاركني
فيك؟ مستحيــــــــــل ..
للدرجادي ياخالد مش قادر تستغنى عنها .. مش عارف تفرق
بيني وبينها
مش عارف تختار !!! "
" والله ما كدا ياعلا بس افهميني .. "
" افهم ايـــه افهم ايه .. يارتني كنت اقدر انساك
مكنش زماني قاعده بسمع الكلام دا دلوقتي
ازاي كل اللي بينا دا يهون عليك مهما كان حصل .. ازاي
ياخالد "
" علا انا بحبك انتي مش هيا .. بس انا خلاص خطبتها
.. مقدرش اروح اديها دبلتها واقولها معلش اصل علا رجعتلي "
" ليه لاء "
" حطي نفسك مكاني ياعلا "
" حط انتا نفسك مكاني ياخالد .. عارف يعني ايه بعد
كل دا حد يشاركك فيا!! ترضاها "
" مستحيل "
" وانا كمان مستحيل .. شوف انتا عايز ايه .. يا انا
يا هيا .. اما احنا الاتنين .. يبأه كدا كأنك بتقول هيا وانا ساعتها هنسحب خالص
"
" متحسسنيش انها حرب ياعلا "
" هيا فعلا كدا ياخالد .. وانتا اللي عملتها .. عن
اذنك "
ومشيت علا وخالد محاولش يطلع وراها
يعني كان يوقفها ويقولها ايه
سند راسه عالكنبه لورا اتنهد ولقى الباب بيتفتح من غير
تخبيط
" ايه اللي جابها عندك يابشمهندس خالد !! وقاعدين
لوحدكو ومحدش يدخل عليا
ايه اجيبلك انتا وهيا كوبايتين لمون "
ووراها كانت ليلى
" يا انسه مينفعش كدا !! انا اسفه يابشمهندس خالد
بس الانسه دخلت غصب عني وبتقول انها خطيبتك ورفضت تستنى برا "
" ولا يهمك يا ليلى خليهم كوبايتين كبتشينو واول
مايجهزو هاتيهم "
" حاضر يافندم "
وطلعت ليلى وقفلت وراها الباب ..
" ممكن افهم ؟ "
" تفهمي ايه يا نور "
" ايه اللي جاب الهانم دي عندك وبتتكلمو في ايه
لوحدكو "
" اتفضلي اقعدي طيب وهدي اعصابك "
" متعصبنيش اكتر يا خالد وانطق "
" نور .. اتكلمي كويس ولاحظي انك في مكان محترم
"
" نعم! "
" زي ما سمعتي كدا .. اتفضلي اقعدي "
دخلت نور لحد المكتب وقعدت وخالد راح قعد عالكرسي بتاعو
ودخلت ليلى حطت الكوبايتين وطلعت ..
" اتفضلي يانور "
" مش هتفضل ياخالد مش عايزه اشرب حاجه "
" طيب .. اشرب انا .. الواحد محتاج دماغو تروق شويه
فعلا "
" انتا بتحاول تستفزني!! "
" لا اله الا الله وانا عملت ايه عشان بشرب كوباية
كبتشينو؟ "
" فهمني ياخالد "
" افهمك ايه يانور .. افهمك انها الانسانه الوحيده
اللي قدرت تسعدني بجد من بعدك .. افهمك انها الوحيده اللي حرقت كل صوره ليكي في
قلبي وحطت مكانها ابتسامه جميله منها .. ولا افهمك انك السبب اننا سبنا بعض وان
والدتها اتوفت وانها فقدت الحركه وكانت خلاص مش هتمشي تاني لولا الحمدلله فضل من
ربنا العلاج برا جاب نتيجه بعد ما كان الامل منعدم ! اقولك ايه .. اقولك انك السبب
اللي حرقتي قلبي قبل ما اعرفها وبعد ما عرفتها؟ اقولك ان حياتي بسببك اتدمرت بدل
المره اتنين؟ اقولك ايه ولا ايه ولا ايه يا نور اقول ايـــــــــــه "
" يااااااااااااااه كل دا جواك مني وانا مش عارفه
.. بتكرهني اوي كدا "
" عمري ما عرفت اكرهك للاسف يا نور "
" بس عمرك ما هترجع تحبني "
" بردو للاسف انتي السبب في كدا ..! حب علا كان حب
غير كياني كلو .. معرفش ازاي قدرت تنسيني نور وكل حاجه ليها علاقه بيها "
" وليه رجعتلي من تاني ياخالد "
" قلت يمكن! يمكن انساها واعيش معاكي بس لما جت
انهردا اكتشفت اني عمري مانسيت ولا هنسى "
" ازاي قادر تقول كل دا في وشي "
" لانك متعرفيش انتي بسببك حصل فيا ايه "
نور خلعت الدبله من ايدها وحطتها عالمكتب
وجت تطلع من المكتب خالد قالها تستنى
بصتلو وهوا قام راح لحد عندها
" انا مش قصدي من كل دا اني اجرحك ,.. ومتعيطيش انا
مهما كان ميهونش عليا اشوف دموعك
انا اقترحت على علا اني اتجوزكو انتو الاتنين "
" وهيا وافقت؟ "
" لاء "
" اومال انتا عايز ايه دلوقتي "
" انا اديتك كلمة شرف ورجوله ومعنى اني لبستك دبلتي
يعني مش هكون السبب في انها تتخلع من ايدك وهتجوزك يانور "
" انتا بتقول ايه "
" زي ما سمعتي كدا "
" طب وعلا؟ "
" هحاول اقنعها "
نور من فرحتها كأنها مسمعتش اخر جمله وقامت حضنت خالد
لاول مره طول السنين دي كلها
خالد كان فعلا محتاج حضن حنين يبكي فيه ويحس انه بيشيل
عنه حتى لو كان الحضن دا حضن نور
ضمها ليه امتر وغمض عنيه
" بحبك ياخالد .. بحبك حتى لو انتا بطلت تحبني
يكفيني اني بحبك "
خالد مقدرش يرد .. وفضل ساكت
بليل خالد كلم نور وحدد معاها معاد الفرح يكون الخميس
الجاي
وهيا وافقت لانها كانت مجهزه كل حاجه ومكنتش ناويه تعمل
فرح كبير يدوب حاجه بسيطه في البيت عند مامتها عشان محدش يتكلم عليها وخالد مرفضش
الموضوع دا بالعكس هوا مكنش عايز يعمل فرح عشان اصلا من جواه مش هيكون فرحان
واتصل بعلا
علا لما شافت رقمو فرحت وقالت من جواها اكيد متصل عشان يعتذر
واكيد اختارني انا
" الو "
" ازيك ياعلا "
" الحمدلله .. انتا عامل ايه "
" الحمدلله كويس ياعلا .. ها قررتي ايه "
" قررت ايه في ايه "
" وافقتي على الحل ولا لاء "
" انتا متصل تساومني ياخالد!! وانا اللي فاكراك
متصل تقوللي انك اخترتني انا واني اهم عندك منها "
" انتي فعلا اهم عندي منها وانا من جوايا عايزك
انتي بس مقدرش قلتلك "
" ههههههههه معنديش اي رد .. ربنا يتمملكم على خير
"
" ياعلا .. علا "
وكانت علا قفلت في وشه
رمى الموبايل قدامه عالسرير وحط راسه عالمخده
" اااااااااااااه ياخالد من يوم ما وعيت عالدنيا وانتا
حياتك كلها مشاكل .. مشفتش راحه الا ايام ما كانت علا معاك
طب بس اعمل ايه مانا مقدرش ادي كلمة واطلع عيل فيها ..
مقدرش اروح اخطب واحده ومتجوزهاش طلما مفهاش عيب لاني انا اللي اخترتها من الاول
.. يارتني سمعت كلامك يامريم .. والله ياريت "
.....
وفاتت الايام وجه الخميس وكانت الحفله الصغيره لجواز نور
وخالد في بيت اهل نور
مريم كانت قاعده متدايقه ومش فرحانه من الجوازه دي بس
متقدرش تعمل حاجه غير انها تفضل ساكته
خلص الفرح وطلعو عالبيت عند خالد
مريم دخلت اوضتها وخالد ونور دخلو اوضة خالد
تاني يوم مريم صحيت لقت نور عامله الفطار وقاعده عالكنبه
بتتفرج عالتلفزيون
" صباح الخير يامريومه تعالي "
" صباح النور فين خالد "
" جوا في الاوضه نايم لسه "
مريم مفضلتش واقفه ثانيه زياده ودخلت على خالد وقفلت
الباب
نور اتخضت من الموقف .. وسكتت!
في اوضة خالد ...
" خالد .. يا خااالد اصحى "
" ايـــــه نعم "
" قوم عايزاك في موضوع "
" الساعه كام "
" 7 "
" طب وانا معنديش شغل انهردا اقوم اعمل ايه دلوقتي
لسه الصلاه قدامها كام ساعه سيبيني ولما اصحى اتكلمي براحتك "
" قلتلك قوم ياخالد عايزه اتكلم معاك "
خالد حس ان في حاجه وبص لمريم نظرة استغراب وقام قعد
" في ايه يا مريم "
" انا عايزه
اتجوز "
" نعم .. ازاي يعني "
" زي ماسمعت كدا .. خالد خلاص خلص دراسه وجيش
وبيشتغل ول حاجه موجوده اللي معطل جوازي هوا دراستي "
" وايه اللي فجأه حصل انتي مش كنتي بتقولي دراستي
اهم ولما اخلص براحتي نبأه نتجوز "
" اهو اللي حصل "
" ايه هوا اللي اهو اللي حصل يامريم ايه الجنان دا
"
" لو سمحت يا خالد "
" طيب عرفيني السبب "
" من الاخر مش طايقه اعيش مع مراتك "
" ليه عملت حاجه معاكي وحشه "
" هيا تقدر؟ "
" اومال في ايه "
" مش بحبها ومش دي اللي كنت اتمنى لما اصحى اشوفها
قاعده معاك بتفطرو .. مش دي اللي كنت مستنيه اشوفها مرات اخويا "
" اهو اللي حصل يامريم "
" خلاص انتا عايز تعيش معاها انتا حر انا هروح اعيش
في بيت جوزي .. لو سمحت يا خالد "
" هتقدري عالبيت والدراسه؟ "
" تامر مش هيسيبني وهياخد بالو مني وانشالله هقدر
"
" براحتك يامريم .. ايه رأي تامر في الموضوع دا
"
" موافق جدا "
" خلاص اللي تشوفيه .. "
" شكرا يا خالد .. انشالله هوا هيجي مع باباه يتفقو
معاك على كل حاجه واحتمال الفرح يبأه في الصيف بعد امتحاناتي يعني كمان شهرين
"
" على خير يا مريم انشالله "
وطلعت مريم من الاوضه دخلت اوضتها ونور باصه باستغراب
عليها
قامت نور من عالكنبه ودخلت لخالد وقفلت الباب وراها
" في ايه ياخالد "
" نعم؟ "
" في ايه مالها مريم "
" معلش بس .. انتي مالك يانور !! "
al 7la2 7lwaaaa awyyyy ya ranooosh tskn eadk ya a2mr
ردحذفallah yslmk y 2mr mnwara
ردحذف