" الو .. "
" ازيك ياعبير "
" الحمدلله "
" مال صوتك "
" ابدا مفيش "
" عبير عايز اصارحك بحاجه "
" اتفضل قول طبعا "
" بحبك !!!!!! "
عبير سكتت معرفتش ترد !!!
هترد تقوله ايه !!!! ولا تحكي في ايه ...
مينفعش مهما حصل انها هيا وهوا يبأو لبعض .. مستحيل !
" بس يا وليد .. "
" لا بس ولا اي حاجه .. انا بجد بحبك .... من ساعة ما منال الله يرحمها ما اتوفت وانتي جنبي
وحاسه بيا ومعايا .., لقيت فيكي كل اللي انا عايزه .. ودلوقتي مش عايز حاجه في الدنيا دي غيرك انتي .. "
" وليد فووق انا مش منال .. انتا احساسك دا مجرد انك شايف منال فيا بس مش اكتر ! "
" ولا في الكلام دا خالص .. انا بحبك انتي .. بحب عبير "
" وليد انا مرتبطه وانتا عارف كل حاجه وحتى لو مش مرتبطه مقدرش اكون معاك .. انتا بالذات لاء "
" ليه انا بالذات لاء "
" لانك كنت هتبأه جوز اختي "
" وخلاص مبأتش .. اسمحيلي احببك فيا "
" مستحيل ياوليد متحاولش .. انا مش منال "
" هفضل احاول لحد اخر لحظه في عمري ... انا بحبك وهفضل احبك وهفضل جنبك ومعاكي "
" وليد لازم اقفل "
" ماشي ياعبير .. بس بحبك "
" سلام .. "
" مع السلامه "
قفلت معاه وهيا على اخرها .. اعصابها خلاص مش قادره تتمالكها
مش عارفه تتصرف ازاي ولا تعمل ايه
فجأه كل حاجه بتيجي ورا بعضها !!
شويه ومامتها دخلت عليها
" عبير "
" نعم يا ماما "
" نتيجتك طلعت "
عبير سكتت وبصتلها من غير كلام
" معاكي ملحق كيميا "
سمعت عبير الجمله دي وحطت ايدها على راسها وحست انها في كابوس
كل حاجه في نفس الوقت جايه مع بعض ..
معرفتش تنطق .. نفسها تصرخ بأعلى صوت " كفااااااايه " لكن مش قادره !!
دموعها نزلت من عنيها كأنها ماصدقت ..
جريت مامتها عليها وفضلت تهديها وتقولها معلش كانت ظروف وانتي ملكيش ذنب ..
وعبير جواها جروح كتير نفسها تقول لمامتها انها موجوعه منها ..
بس هتقول ايه ولا ايه
ولو مهما قالت .. عمرها ماهتعرف توصف احساسها بالكلام ..
ولا حتى بالصرخه !!!
تاني يوم كلمت محمد ..
" الو "
" ازيك ياعبير عامله ايه "
" الحمدلله .. نتيجتك طلعت !؟ "
" لاء لسه .. انتي نتيجتك طلعت مش كدا؟ "
" ااه معاايا ملحق كيميا "
" معلش ربنا يعوضك خير انشالله "
" محمد هتفضل قاسي عليا كدا كتير .. حرام عليك انا مش ناقصه "
" عبير انا خايف عليكي .. انا مكدبتش عليكي ولا خدعتك
انا ااه حبيتك .. حبيتك اوي كمان ...... بس دلوقتي معدش في ايدي اي حاجه اعملها
لازم اسافر وابعد عن كل دا "
" وانا فين في حياتك يا محمد .. بعد ماحببتني فيك وعلقتني بيك بسهوله كدا تقول اسافر
ياخي حرام عليك انا كنت عملتلك ايه .. كل ذنبي حبيتك ! "
" انا اسف ! "
" اسف !!!!!!!!؟ ويفيد بـ ايه بعد مادبحتني وكسرت قلبي ..
يفيد بـ ايه اسفك دا .. خدت منه ايه انا !!!!! جاي في اصعب وقت وتسيبني
ليه تعمل فيا كدا .. ليه حرام عليك "
قفلت في وشه ورجعت تاني تعيط ..
وجواها صرخه نفسها تقول اااااااااااااااااااااااااا
حاسه انها عاجزه تعمل اي حاجه .. مش عارفه تتصرف
متأكده انه بيحبها .. وطول ما احساسها بيه موجود هتفضل تخليه يرجع زي زمان مهما عمل
بأه بارد معاها وقاسي اوي .. لكن جواه طيبة الدنيا وبيعشقها ..
هيا متأكده من كدا .. لكن مش عارفه تعمل ايه عشان ترجع الحب دا وتظهره من تاني !!
شويه والموبايل بتاعها رن .. كانت صاحبتها رحاب
ردت وفضلت ساكته ..
" الو .. عبير ازيك "
" الحمدلله يارحاب انتي عامله ايه "
" الحمدلله كويسه .. انا عرفت نتيجتك ومعرفتش اكلمك والله غصب عني كنت مشغوله جدا امبارح
متزعليش نفسك انشالله هتعوضيها .. الكل عارف ان كان عندك ظروف ومحدش يقدر يجيب لوم عليكي "
" الحمدلله على كل شيء يارحاب والف مبروك ليكي "
" الله يبارك فيكي ياحبيبتي .. بس مال صوتك مش بقولك متزعليش نفسك بأه "
عبير نزلت دموعها من تاني من سكات ..
" عبير.. عبير !! عبييييير ؟ "
" ايوا يا رحاب معاكي "
" مالك بس قوليلي فيكي ايه "
" اقول ايه ولا ايه بس "
" تحبي ننزل انهردا ونتكلم براحتنا !؟ "
" لاء انهردا مش هقدر خليها بكرا "
" خلاص ياحبيبتي اللي تشوفيه اول لما تفضي بكرا كلميني وانا هكلم السواق يجي ونعدي عليكي بالعربيه نشوف حته نقعد فيها "
" خلاص ماشي ولا يهمك انشالله "
قفلو مع بعض وحطت عبير راسها عالسرير وحضنت نفسها ودموعها بتنزل عالمخده
حاسه ان جواها جرح عمره مايطيب
ياريت كانت منال موجوده كانت قالتلي اتصرف ازاي ..
ااااااه يامنال فينك وحشتيني .. الله يرحمك !!
فضلت مع دموعها لحد مانعست ونامت ..
تاني يوم دنيا دخلت عليها تصحيها ..
" عبير عبير قومييييييي "
" ايه يادنيا عايزه ايه "
"قومي يلا الغدا جاهز كل دا نوووووووووووم "
" حاضر طيب اديني قايمه اهو بس فين البوسه بتاعتي "
دنيا ادتها بوسه على خدها وطلعت تجري عالصاله برا ..
قامت عبير غسلت وشها وطلعت قعدت مع باباها ومامتها ودنيا
خلصو غدا وقالتلهم انها هتتطلع انهردا مع رحاب ..
دخلت اوضتها اتصلت برحاب واتفقوا ان رحاب هتعدي عليها الساعه 5 ونص ..
قامت عبير لبست واستنتها ...
شويه ولقيت رحاب بترنلها ..
خدت شنطتها وهيا نازله مامتها سألتها رايحه فين
" يمكن نروح عالنادي يا ماما شويه "
" ماشي ياحبيبت ماما متأخريش وخدي بالك من نفسك "
" حاضر يلا باي باي "
" مع السلامه "
طلعت عبير من البيت وقفلت الباب وراها ..
نزلت دخلت العربيه وسلمت على رحاب وطلع السواق عالنادي ..
راحو قعدو هناك شويه وعبير قاعده بتحكي لرحاب عاللي فيها
وفجأه لمحت من بعيد واحد حاسه انها عارفاه
اول ما قرب عليها افتكرته !!!
واتصدمت .....
وصل لحد عندها ومد ايده
قامت وسلمت عليه وجسمها بيترعش
ليست هناك تعليقات:
إرسال تعليق