" الاء مين يا سامر "
" الاء صحبت ايه اللي عندنا يا ماما في ايه مالك صباح الخير "
" انا مش موافقه "
" ليه بس "
" اهو كدا "
سامر قلبه وجعه اوي وبصلها ومسك ايدها باسها عليها
" حاضر يا امي اللي تشوفيه عن اذنك "
" استنى يا سامر "
" حاضر يا ماما "
" بتحبها ؟ "
" لو مكنتش بحبها وعايزها مكنتش اتكلمت معاكي "
" وهيا ؟ "
" هيا مالها "
" بتحبك ؟ "
" ايوا "
" وانتا عرفت ازاي "
" سمعتها بتتكلم مع ايه عني وان بالها مشغول بيا "
" بس دي طفله بالنسبالك "
" كل اللي بيني وبينها 5 سنين "
" يابني لو هيا موافقه انا مش هقف في طريقك "
" لا يا امي انتي رضاكي بركه الموضوع وطالما مش موافقه يبأه مش هيحصل "
" لا ياحبيبي موافقه انا كنت بجس نبضك انك بتحبها اد ايه "
" اوي والله يا ماما "
" طيب ياحبيبي انا معنديش مانع تحب اكلم ابوك في الموضوع "
" ياريت والله يا امي ونروح نتقدم بعد النتيجه بتاعتها هيا وايه "
" خلاص ياحبيبي حاضر "
قام باسها على راسها وشكرها وطلع وقلبو بيرقص من الفرحه
دخل اوضته ونام على سريره واول ما افتكر .. افتكر موقفه مع مريم ... اتدايق اوي وكان عايز يحكي لحد عاللي حصل
قام من على سريره وراح خبط على اوضه ايه .. محدش رد
خبط تاني .. سمع صوت الاء بتقول اتفضل
فتح الباب ودخل .. بص عليهم وابتسم
" ايه يا سامر في حاجه "
" لا يا ايه مفيش "
" اومال؟ العشا اتحط ولا ايه "
" لاء انا جاي اتطمن عليكو بس .. مش عايزين حاجه "
ايه مردتش عليه عشان كانت منهمكه اوي في المذاكره .. الاء حست انه اتكسف قدامها
" لالا يا سامر عايزين سلامتك "
" الله يخليكي يا الاء .. انتي مبتذاكريش ليه بأه "
" اهو والله اديني بذاكر بس زهقت قلت ارسم شويه "
" ماشي يا فنان بما انك فاضيه وايه مش معايا اصلا ممكن اعد اتكلم معاكي في حاجه "
" اه طبعا اوي اوي اتفضل "
" تعالي برا طيب عشان منزعجكش ايه "
" حاضر "
طلعو الاتنين قعدو برا وفضلو ساكتين .. والاء خايفه يكون عايز يقولها انه بيحبها تاني لانها المرادي مش هتعرف تقوله لاء
سامر كمان خايف انها تفهم انه بيحب مريم وجاي بيحكي لـ الاء عشان ياخد رأيها
فضلو الاتنين ساكتين ومحدش بيتكلم
" سامر "
" نعم "
" سامعاك اتكلم "
" منا خايف تفهميني غلط "
" لالا انا هفهمك صح متخافش قول بس "
" اممم .. انهردا حصل معايا موقف محرج اوي ومحبتش احكيه لحد من اصحابي "
"موقف ايه "
" انهردا واحده معايا في الشغل قالتلي بحبك ! "
الاء وقعت الكلمه عليها زي السكينه .. معرفتش تنطق وحست انه بيروح منها بسبب تقلها عليه ورفضها ليه
محاولتش تبين اي حاجه عشان هوا ميحسش وابتسمتله
حس من ابتسامتها وجع قلبها وخوفها وحب يطمنها
" بس انا صديتها "
" ليه "
" عشان مبحبهاش "
الاء سمعت الكلمه دي وارتااااااااااحت وابتسمت جامد اوي ومقدرتش تخفي ابتسامتها دي ..
" مالك في ايه "
" ابدا مفيش كمل كلامك "
" بس ياستي وقلتلها اني هخطب قريب عشان تنساني عشان مقدرش اظلمها معايا بس انا محرج منها جدا "
" المواضيع دي مفهاش احراج يا سامر دا مستقبل ونصيب "
" يعني انتي شايفه كدا "
" طبعا ! "
" ماشي "
" بس انا شايفه كمان انك كنت تديها فرصه اكبر وتفتحلها قلبك يمكن كنت تحبها "
" لا مش هيحصل طول ما في واحده تانيه جوايا مقدرش احب اتنين "
" يارب يخليكو لبعض "
" يارب ترضى هيا عليا بس الاول "
الاء بصت في الارض وعضت على شفايفها من الكسوف وفي نفس اللحظه دي ايه طلعت من الاوضه
الاء زي مايكون اتشاهدت في قلبها لما ايه جت وحست انها انقذتها من الموقف دا
" ايه اللي مقعدكو كدا "
" قاعدين بنتكلم يا ستي عادي يعني بحكيلها عن حاجه "
" ااهاا ماشي يا سامر يلا طب ياجماعه عشان العشا "
" طب وبابا ؟ "
" زمانه جاي "
قعدو كلهم يتعشو ومامت سامر مراقبه عيونه وهيا رايحه لـ الاء كل شويه
ارتاحت اوي انه اختار واحده زي الاء دي .. لانها بتحبها جدا
خلصوا اكل وقاموا كلهم .. الاء وايه عالاوضه وسامر على اوضته وفضلو باباهم ومامتهم في الصاله يتفرجو عالتليفزيون
" بقولك ايه ياحج "
" اؤمري ياست الكل "
" سامر عايز يخطب "
" والله بجد؟ يخطب مين "
" الاء صاحبت ايه "
" اللي عندنا "
" اه .. قلت ايه "
" بس دي لسه قدامها سنين كليه ودي عايزه تدخل هندسه يعني 5 سنين كمان "
" ياسيدي وافق انتا بس ومش مشكله لو اتخطبو بعد النتيجه والفرح براحتهم بأه "
" ماشي ياستي انا موافق "
" على بركة الله .. اروح افرح قلبه بأه "
قامت ودخلت على سامر الاوضه لقيته نايم .. سابته وطلعت ودخلت على البنات لقيتهم بيذاكرو
قعدت تدعيلهم في قلبها وسألتهم اذا عايزين منها حاجه لانها داخله تنام
طلعت وقفلت باب الاوضه وراها وراحت تنام هيا وجوزها
الاء وايه فضلو يذاكروا لحد مانعسوا وقاموا عالسرير ونامو هما كمان
الصبح بدري قامت ايه ودخلت غسلت وشها وطلعت تحضر الفطار مع مامتها
" صباح الخير يابت انتي "
" صباح النور ياخويا "
" الاء فين "
" هههههههههه الاء في الاوضه نايمه لسه "
" طب ادخلي صحيها "
" اخلص اللي في ايدي واروح اصحيها "
طلع سامر وقعد قدام التيفزيون شويه ولقى الاء طالعه
" صباح الخير "
بصلها وابتسم " صباح النور "
" هيا ايه فين "
" مع ماما في المطبخ يمكن "
" طيب "
" رايحه فين "
" راجعه الاوضه "
" خليكي طيب لحد اما نفطر "
" ماشي "
قعدو شويه سوا ضحك وهزار والاء من جواها حاسه انها بجد مبسوطه اوي من وجوده جنبها
اما من ناحية سامر ف هوا بجد طاير من الفرحه
جت ايه ومامتها وقعدو يفطرو .. موبايل الاء رن
" الو "
" ازيك ياوحشه ياللي مبتسألييييش "
" ههههههه ازيك يا اميره عامله ايه "
" ياستي انا كويسه ولولا انك بنت خالتي مكنت كلمتك عشان بجد زعلانه منك "
" انا اسفه والله يابنتي مسحوله في المذاكره "
" ربنا يوفقك ياحبيبتي .. "
" صوتك مرتاح بس .. عندك اخبار جديده؟ "
" ااااااه عندي "
" حلوه ؟ "
" اوي اوي "
" فرحيني معاكي ونبي "
" خطوبتي بعد بكراااا وعازماكي انتي والبت ايه اللي مبتسألش دي كمان "
" بجد والله الف مبرووووووووك .. اوعي تقولي محمد سامي "
سامر اول ما سمع الاسم بص لـ الاء واستغرب !
ليست هناك تعليقات:
إرسال تعليق