لما طلعوا كان في بوكيه ورد كبير ومكتوب على الكارت
" انهردا هننزل نجيب الدبل ياخطيبتي .. بحبــــــك .. كمال
سـهام وقفت وحطت ايدها على شفايفها من الصدمه ودموعها على خدها ومبتسمه .. معرفتش تفسر اللي جواها عشان كان اكتر من احساس
احمد وسـلمى باصين على سـهام وفرحانين اوي
لسه جايه تتصل بيه لقيته بيتصل
جريت على اوضتها وهيا ماسكه بوكيه الورد وردت عليه
اول ما جريت احمد وسـلمى بصوا لبعض وفطسوا ضحك عليها
احمد: ههههههههههه يابن اللذينا ياكمال كل دا يطلع منك
سـلمى: بص اساسا شكلها عمل ازاي اول لما شافت الورد
حبيبتي ياسـهام بجد انا مبسوطه اوي
احمد: الحمدلله قدر بجد يغير حياتها ويحسسها باللي كنت خايف ان عمها ما هتحسه ابدا
سـلمى: الحمدلله يارب والله سـهام دي مافي اطيب من قلها وتستاهل كل خير
في اوضة سـهام وسـلمى:
سـهام: الو؟
كمال: حبيبي
سـهام اتكسفت اووووووي بس كانت مبسوطه جدا .. مسكت الورد وقربت عليه تشمه
سـهام: كنت لسه هكلمك
كمال: بجد؟
سـهام: اه والله قلقت عليك ليه مكلمتنيش انهردا زي كل يوم
كمال: لالالالالالا ايه الجمال دا
سـهام بإحراج ودلع: يوووووه بأه
كمال: هههههههههههه
سـهام: يلا قول بأه
كمال: عشان افاجئك بالورد .. عجبك؟
سـهام: اوووووووي ياكمال بجد تسلم ايدك انتا مش متخيل انا اد ايه مبسوطه
كمال: يارب اقدر اسعدك دايما ياحبيبت قلب كمال
سـهام كانت هتموت من الكسوف
سمعت صوت احمد بينده عليها بصت في الساعه لقيتها 8 الا ربع قالت في نفسها الحمدلله ههرب من كمال
سـهام: كمال انا اتأخرت اوي لازم اقفل عندي محاضره الساعه 8 واحمد وسـلمى مستنييني
كمال: ماشي حببتي خدي بالك من نفسك وكلميني بعد المحاضره عشان نشوف هننزل امتى نجيب الدبل
سـهام كان نفسها تتنطط في مكانها من كتر ماهيا مبسوطه
حاولت متبينش اوي لكمال بس معرفتش
وقالتله وهيا مبتسمه: حاضر اكيد
كمال: ماشي ياسمسمتي روحي بأه عشان متتأخريش وانا اهو نازل المستشفى
سـهام: خد بالك من نفسك
كمال: عشانك بس
سـهام: ماشي ياكمال يلا باي باي
كمال: سلام
سـهام سابت الورد في الاوضه وبصتلو وابتسمت وقالت في سرها .. بحبك ياكمال وطلعت بسرعه وهيا خايفه من احمد وسـلمى لانها فعلا اتأخرت
فضلت باصه في الارض لقيتهم ساكتين بصتلهم
احمد فطس على روحه من الضحك على منظرها
سـلمى مقدرتش تمسك نفسها من الضحك هيا كمان
سـهام: ايه يازفته انتي وهوا
احمد: هههههههههه خايفه مننا صح؟
سـهام: اه ههههههه
سـلمى: كمال غيّرنا ياعم الحبييييييب
سـهام طلعت تجري ورا سـلمى على السلم واحمد نزل وراهم وهوا بيضحك وبيقول: ياربي نفسي يعقلوا الهبل دول
بعد المحاضره سـهام طالعه من المدرج جه واحد معاها في الدفعه وقف قدامها
سـهام استغربت
الولد: سلام عليكم
سـهام: وعليكم السلام
الولد: اسمي محمد معاكي في الدفعه
سـهام فضلت ساكته واصحابها راحوا وقفوا معاها عشان حسوا انها متوتره
محمد: ممكن لو سمحتي اقولك على حاجه
سـهام ارتبكت معرفتش ترد
محمد: والله ما بعاكسك انا بس بقالي فتره معجب بيكي وكنت متردد اصارحك
الاء صاحبة سـهام حست انها مش عارفه ترد
الاء بصتلو وثالت: هيا مخطوبه حضرتك
ممكن بأه بعد اذنك؟
محمد بص لسهام ملقاش في ايدها دبله
محمد: دا بجد؟
سـهام: ايوا .. عن اذنك
ومشيت بسرعه مع صاحباتها
كمال في ساعتها كان بيتصل بيها
سـهام خافت ترد عليه معرفتش تحكيلو ولا تخبي
الاء بصتلها:
الاء: كمال؟
سـهام: اه!
الاء: طب ايه .. ردي
سـهام: اقوللو؟
الاء: اكيد طبعا !!!
سـهام: خايفه
الاء: ياستي مش هوا بيحبك؟ وبعدين انتي مش غلطانه .. ردي يلا
سـهام: حاضر
سـهام ردت عليه
كمال بقلق: الو ياسـهام
سـهام: ايوا كمال
كمال: فيكي حاجه؟
سـهام: لاء ليه
كمال: قلي مش مرتاح حاسس اني قلقان عليكي
سـهام دموعها نزلت
كمال: مخبيه عليا ايه قلقتيني اكتر
سـهام: مفيش حاجه
كمال: انتي فين
سـهام: في الجامعه
كمال: كلمي سـلمى شوفيها فاضيه ولا لاء وانا جايلك اقعد معاكو واعرف في ايه
سـهام: لالالا انا كويسه متجيش
كمال بدأ يتعصب: سـهام في ايه انا حاسس فيكي حاجه!
حاسس بدموعك .. يا تحكي يا اجي امسحلك دموعك دي .. ما عاش اللي ينزلها
سـهام: انا دموعي نزلت عشان بجد مش عارفه انتا ازاي بتحس بيا اوي كدا
كمال: لسه مش قادره تتخيلي انا اد ايه بحبك
سـهام فضلت ساكته
كمال: يلا احكيلي فيه ايه
ليست هناك تعليقات:
إرسال تعليق