سـهام بعد ما حكتلو لقتيه ساكت
سـهام: كمال؟
كمال: نعم
سـهام: مالك؟
كمال: لا مفيش!
سـهام: في ايه يا كمال!!!!!؟
كمال: كلمي مامتك عشان نشوف هنجيب الدبل امتى وبعد ما نجيبها متتخلعش من ايدك
سـهام: حاضر بس ممكن تفهمني مالك
كمال: بغير عليكي يا سـهام!
سـهام خدت نفس كبيــــــر اوي كأنها كانت متدايقه وارتاحت .. ارتاحت لما سمعت كلمة بغير عليكي وارتاحت اكتر لما لقت انو مغلطهاش وان دماغه كبيره وعاقل
كمال: انتي ليا انا بس فاهمه!
سـهام: فاهمه
كمال: بحبــــك
سـهام: وانا كمان يا كمال
كمال: ياروح كمال، يلا كلمي مامتك وشوفي فاضيه بليل امتى عشان ننزل
سـهام: حاضر
بعد ماسـهام وسـلمى رجعوا البيت
سـهام دخلت على مامتها الاوضه
سـهام: ماما
الام: نعم ياحبيبت ماما
سـهام: كمال عايز نجيب الدبل انهردا .. فاضيه؟
الام: فاضيه طبعا.. هيجيب مامته معاه؟ بقالي كتير مشفتهاش
سـهام: اه يا ماما طنط جايه
الام: خلاص ياحبيبتي شوفي تحبي ننزل امتى
سـهام: على 7 ماشي
الام: ماشي هقول لبابا .. سـلمى هتيجي معانا؟
سـهام: معرفش لو عايزه تيجي ماشي مفيش مشكله انا هقوم اسألها
الام: خلاص ماشي
سـهام طلعت من عند مامتها وهيا مبسووووطه وطايره من الفرحه راحت لسـلمى الاوضه
سـلمى كانت قاعده بتكلم كريم على الموبايل ونايمه عالسرير
دخلت سـهام وفضلت تتنطط على سرير سـلمى زي الاطفال وسـلمى مش عارفه تتكلم مع كريم
سـلمى: يووووووه بطلي بأه ياسـهام بكلم كريم ماصدقت فضي انهردا
سـهام وهيا لسه بتتنطط: لاءااااا مش هبطل خلصي عايزاااااااكي
سـلمى: ياربي عليكي بجد! .. كريم حبيبي شويه وهكلمك لما اشوف البت دي عايزه مني ايه
وقفلت مع كريم
سـلمى: نعم ياستي عايزه ايه
سـهام: نازله اجيب الدبل انهردا انا وكماااااال تيجي؟
سـلمى اتقلب وشها وابتسمت وقالتلها: بجد والله ياسـهام؟
سـهام: اه والله ما هوا كان كاتبلي كدا عالورد انهردا
سـلمى: بس انا مش فاضيه انهردا عندي كورس بليل وهخلص على 8 وكريم هيجي ياخدني هوا وهاله اخته ونخرج شويه
سـهام: يييييييه احنا هننزل على 7 خلاص مش مشكله لما اجي انشالله تبأي تشوفيهم
سـلمى: خلاص ماشي ياسمسم .. هاتي حضن بأه ياعروسه
سـهام وسـلمى حضنو بعض وموبايل سـلمى رن بصت عليه لقيته كريم
سـلمى: اوعي بأه يابت انتي اما اكلم كريم
سـهام: هههههههه ماشي ياستي ربنا يخليهولك
سـلمى: امييييييين يارب .. وردت على كريم
سـهام راحت نامت على سريرها واتصلت بكمال وقالتلو وقالها انه هيعدي عليها ياخدها هيا ومامتها
وفعلا على 7 بليل كان كمال تحت البيت وسـهام ومامتها نزلوا وراحوا كلهم بعربية كمال معاه هوا ومامته
في الطريق
ام سـهام: ازيك يا كوثر عامله ايه
ام كمال: الحمدلله ياحبيبتي انتي عامله ايه بقالي كتير مش بشوفك كدا
ام سـهام: اهو ادينا موجودين بس زي مانتي عارفه مشغوله مع سـلمى عشان فرحها خلاص قرب وبننزل نشوفلها لوازم الفرح
ام كمال: ربنا يتمملها على خير يارب عقبالكوا ياولادي
كمال: امين يا امي يارب
وصلوا المحل وقعدوا وفضلوا يشوفوا الدبل لحد ما اختاروا اللي عجبهم
وهما طالعين:
كمال: ايه رأيكوا نتعشى برا؟
ام كمال: انا معنديش مانع يابني ايه رأيك ياسـهام؟
سـهام: انتي ايه رأيك يا ماما
ام سـهام: اللي تشوفيه ياحبيبتي
كمال: خلاص يلا بينا
طلعوا عالمطعم وبعد ما قعدوا
ام كمال: الف مبروك ياولاد
كمال: الله يبارك فيكي يا ماما
ام سـهام: مبروك علينا اننا نناسبكوا والله
ام كمال: الله يخليكي يارب
كمال: انا عايز نلبس الدبل انهردا
ام سـهام: مش المفروض في الخطوبه؟
كمال: معلش ياطنط بس عشان سـهام انهردا اتحطت في موقف مش حلو ولولا انها مش لابسه الدبله مكنتش اتحطت في الموقف دا
ام سـهام: موقف ايه ياسـهام
سـهام حكتلهم اللي حصل
ام كمال: لاء طبعا لازم تلبسوها وتبأو تلبسوها تاني في الخطوبه مع الشبكه
كمال: انا معنديش مشكله يا ماما ايه رأيك يا حماتي
ام سـهام: اللي تشوفه يابني
كمال: وانتي ياسـهام؟
سـهام اتكسفت ترد واكتفت بابتسامه
كمال: ممكن ايدك بأه؟
سـهام بصت لمامتها ومامتها ابتسمتلها
سـهام مدتلو ايدها من سـكات وهيا هتموت من الكسوف خصوصا وهي حاسه بلمسة ايده
كمال وهوا بيلبسها الدبله كان في قمة سعادته
كمال بابتسامه: مبروك ياعروستي
سـهام: الله يبارك فيك
كمال رفع ايدها على شفايفه وباسها .. في اللحظه دي سـهام حست انها هيغم عليها من كتر ما هيا مش قادره تستحمل كمية الكسوف اللي هيا فيه وحمدت ربنا انها قاعده عشان متقعش من طولها
بصتله وجت عينها فـ عنيه وابتسمتله ومحستش بنفسها ولا بـ ان مامتها وحماتها قاعدين
وكمال كان بجد مبسوط جدا لدرجة انو قالها بشفايفه من غير صوت: " بـحبك "
سـهام ابتسمتله اكتر وبصت في الارض
كمالو اكل وطلعوا من المطعم
بليل بعد ما روحوا البيت
راحت توري الدبله لباباها واحمد وسـلمى
الاب خدها فـ حضنو: مبروك يابنتي الف الف مبروك عقبال شبكتك يارب
سـهام: امين يارب يابابا
احمد: حبيبت احمد مبروك ياواد ياتقيل انتا والله ونصيبك طلع جامد اهو
سهام: ههههههههه الله يبارك فيك يااحمد عقبالك يارب
احمد: هههههههه لالالالالا انسيني
الام: ياواد قول يارب
احمد: لا يا ماما بجد انسوني
الام: ياسااااتر .. يارب اشوفك عريس
سـلمى: انا زعلانه منك بجد!
سـهام: ليه طيب
سـلمى: ازاي تلبسي الدبله وانا مش موجوده
سـهام: يابنتي مش انتي كنتي مع كريم وهاله انهردا
سـلمى: انا بتكلم انك اصلا لبستيها!
سـهام: ادي ماما قدامك اهي وتحكيلك وبعدين انا لابساها عشان محدش يكلمني لكن هنلبسها تاني في الخطوبه
سـلمى: مليش دعوه
سـهام باست سـلمى على خدها: انا اسفه ياسولي والله غصب عني دا بدل ما تقوليلي مبروك
سـلمى: مبروك ياستي
سـهام: الله يبارك فيكي يا احلى اخت في الدنيا
كمال اتصل بسـهام وهيا قاعده
بصتلهم لقيتهم باصين عليها
سـلمى: كمال؟
سـهام: اه
احمد: الله يسهلو ياعم
سـهام: هههههههههه عن اذنكو
وطارت على اوضتها ..
فضلت تكلمو طول الليل
تاني يوم الصبح نرمين كانت بتتصل بسـلمى
سـلمى كانت نايمه ومسمعتش الموبايل
بعد ماصحيت اتصلت بنرمين
سـلمى: الو
نرمين: ايوه يا سـلمى ازيك
سـلمى: الحمدلله يانونه معلش كنت نايمه والله ومسمعتش الموبايل
نرمين: ولا يهمك
وسكتت ..
سـلمى: مالك يانرمين
نرمين بدأت تعيط
سـلمى: في ايه يا بنتي قلقتيني
نرمين: احمد وحشني
سـلمى بصدمه كبيره: ايـــــــــــــــــــــه !!!!!!!!
ليست هناك تعليقات:
إرسال تعليق