الاب: يعني انتا شايف الاحسن لو انها تتجوز قبل امتحاناتها
احمد: انا شايف الاحسن لو نفرحها هيا ياما تعبت ومحتاجه تفرح وطالما هيا اد المسؤوليه خلاص ليه لاء .. دا مستقبلها هيا وهيا احق واحده تشوف مصلحتها بنفسها
الام: انتا ايه رأيك في كلامه يا ابراهيم
الاب: خلاص انا موافق بس نشوف سلـمى اذا مش موافقه تعمل فرحها مع اختها نحدد لسـهام ميعاد تاني
سـلمى: لالالالا ميعاد تاني ايه انا موافقه خليها معايا الله نبأه انا وهيا سوا دا يبأه تحفه
الام: خلاص على بركة الله
احمد: هقوم انا بأه افرحها
سـلمى: وانا هحكي لكريم عشان يبأه عارف
احمد قام وراح اوضة سـهام وسـلمى
الام: هننزل امتى انهردا يا سـلمى
سـلمى: على 6 كدا ايه رأيك يا ماما
الام: طب كدا سـهام لازم تيجي معانا عشان تنقي فستانها هيا كمان
سـلمى: خلاص تخلص الكورس بتاعها وتعدي علينا
الام: ماشي
سـلمى: هقوم اكلم كريم انا بأه
وقامت سـلمى
في اوضة سـهام وسـلمى
احمد: سـهام
سـهام بسرعه مسحت دموعها: نعم يا احمد
احمد: بتعيطي؟ في ايه تاني مالك بس
سـهام ابتسمت
احمد: مبحبش الابتسامه الصفره دي في ايه يا حبيبت احمد
سـهام: كان نفسي نتجوز انا وكمال مع سـلمى وكريم وهوا لما لقاني متدايقه فضل يهون عليا ويقوللي خلاص مفرقتش نبأه نعملو قبل السفر على طول وبين انو مش زعلان عشاني بس انا خلاص عارفاه وعارفه انه زعل واتدايق
احمد: ولو قلتلك خلاص اقنعتهم؟
سـهام بصتلو وهيا متفاجأه
سـهام: اقنعتهم بإيه
احمد: خلاص وافقوا وهتتجوز بعد اسبوعين ياجميل
سـهام: لاء؟
احمد: اه والله
سـهام فضلت تتنطط على السرير وتصوت من الفرحه واحمد باصص عليها وبيضحك بعدين وقفت وحضنته
سـهام: بحبك يا احلى اخ في الدنيااااااااا
احمد: ههههههههه اهدي بس يا مجنونه
سـهام: مش مصدقه .. هتجوز بعد اسبوعين ياااااااه
احمد: ههههههههههههه مبروك ياحبيبتي
سـهام: الله يبارك فيك ويخليك ليا يارب
سـلمى فتحت الباب وبصت عليهم
سـلمى: في ايه بتصوتي ليه
سـهام جريت على سـلمى وحضنتها وسـلمى كل دا مش فاهمه حاجه
سـهام: شكرا شكرا شكرا يا سـلمممممممممممى
سـلمى بصت لاحمد باستفهام راح غمزلها .. سـلمى فهمت ان كدا دا عشان الفرح
قامت ضمتها ليها وقالتلها: مبروك ياحبيبت قلبي
سـهام: مبروك علينا احنا الاتنين
سـلمى: انا كلمت كريم وقلتلو وفرح اوي
سـهام: بجد والله؟
سـلمى: اه والله .. انتي انهردا خلصي الكورس بتاعك وتعاليلتا انا وماما في المكان اللي هنبأه فيه عشان نشوف فستاني وفستانك
احمد: ااااااااه صح نرمييييين
وطلع جري من الاوضه
سـهام وسـلمى فضلوا يضحكوا على منظرو
احمد دخل اوضته واتصل بنرمين
احمد: الو
نرمين: الو ايوا يا احمد
احمد: ايه ياحبيب احمد عامله ايه
نرمين: الحمدلله كويسه هاا هنعمل ايه
احمد: بصي كل اللي عندي كمان مشغولين فـ هنضطر انا وانتي ننزل لوحدنا .. مامتك ممكن ترفض؟
نرمين: مش عارفه بص طيب البس واجهز وانا هلبس وتعالى اتكلم مع ماما
احمد: حاضر .. يلا سلام
نرمين: سلام
قفل احمد مع نرمين وقام بص لنفسه في المرايا بعدين قال بينه وبين نفسه: بحبهااااااااااااااا
فتح الدولاب واختار اللبس وجهز ونزل خد عربيته وراح على بيت نرمين
في بيت نرمين جرس الباب رن
الام: نرمين روحي شوفي مين عالباب انا ايدي مش فاضيه
نرمين: حاضر يا ماما .. وبينها وبين نفسها: دا اكيد احمد
راحت فتحت الباب وفعلا كان احمد .. اول لما جت عينها فـ عنيه راحت بصت في الارض .. احمد ابتسم وقالها: وحشتيني
نرمين: وانتا اكتر .. اتفضل
دخل احمد ودخلت نرمين لمامتها تقولها احمد جه
الام طلعتله: اهلا اهلا يابني عامل ايه
احمد: الحمدلله كويس انا عارف ان حضرتك مشغوله مش هعطلك انا بس جاي استأذن حضرتك عشان اخد نرمين وننزل نشوف الفستان والقاعه ومحدش عندي في البيت فاضي فـ هنضطر ننزل لوحدنا
الام: خلاص يابني انا واثقه فيك انتا اصلا ابني مش خطيب بنتي
احمد: الله يخليكي ياطنط ..
نرمين: جت من اوضتها مبتسمه وجاهزه: هاااا؟
احمد: يلا يانرمين؟
نرمين: يلا .. عايزه حاجه ياماما؟
الام: سلامتك ياروح ماما .. خد بالك منها يا احمد ومتتأخروش
احمد: في عنيا ياطنط .. حاضر .. عن اذنك
طلعوا احمد ونرمين ونزلوا العربيه اول ما وصلوا راح احمد فتح الباب لنرمين عشان تركب .. نرمين بصتلو وابتسمت وركبت .. قفل بابها وراح ركب هوا كمان وشغل العربيه وقبل ما يمشي بص لنرمين
احمد: بحبك
نرمين: وانا كمان بحبك
لفوا كتير اوي لحد ما لقوا فستان حلو ليها واختاروا القاعه ودخلوا تاني العربيه
احمد: نرمين ايه رأيك نروح نتعشى
نرمين: لالا يا احمد الساعه بأت 11 ومقلناش لماما وكمان عايزه اعمل لسه حاجات كتيره وانام بدري عشان اصحى اجهز نفسي بكرا ورايا مليون حاجه
احمد: طب ياحبيبتي اهدي على نفسك شويه خلاص هروحك بس بقولك ايه .. بكرا هشوفك قمر ماشي؟
نرمين بصت في الساعه وحبت تغير الموضوع عشان اتكسفت
نرمين: يلا بأه
احمد: ههههههههههه يلا حاضر
وصلها البيت وراح هوا على بيته
وصل البيت ودخل لقى محدش في البيت .. اتصل بسـلمى وعرف منها انهم لسه بيشوفوا الفساتين وباباهم قاعد مع اصحابه على القهوه
دخل اوضته غير هدومه ونام على السرير محسش بنفسه غير تاني يوم وسـلمى قاعده تتنطط على سريره
احمد: ايييييييييييييييييييه
سـلمى: ايه انتاااااا .. قوووووووم ياعريس الليله ليلتك
احمد: بس يا عيله ايه اللي بتعمليه دا
سـلمى: منا مش عارفه اصحيك ازاي قوم بأه
احمد: الساعه كام
سـلمى: واحده الضهر
احمد اتنفض من على سريره ..
احمد: بتقولي ايه
سـلمى: اه والله ... قوم دا نرمين صاحيه من 8 الصبح
احمد: طب حاضر هقوم اهو ..
الام من الصاله بتنده: سـلمممممممى
سـلمى: نعم يا مامااا
وطلعت لمامتها
الام: نرمين على تليفون البيت تعالي ردي
سـلمى: الو
نرمين: الحقيييييييييييييييني ياسـلمى
سـلمى: ايه يابنتي في ايه
نرمين: مدعووووووكه في 100 حاجه تعالي وهاتي سـهام وتعالو ساعدوني وجيبوا لبسكوا معاكو نلبس في الكوافير سوا
سـلمى: حاضر نلبس ونجيلك
نرمين: بسرعه مستنياكو ..
سـهام وسـلمى راحوا لنرمين وساعدوها وكانو جنبها هما ونسرين اخت نرمين ونزلوا كلهم الكوافير وجهزوا نفسهم وفضلت نسرين مع حنين في البيت
في الكوافير
سـلمى: نرمين موبايلك بيرن
نرمين: هاتيه .... الو ... ايوا يا احمد .. اه خلاص جهزنا كلنا .. خلاص ماشي سلام
سـلمى: ايه
نرمين: هما برا
سـهام: كمال معاه؟ موبايله مقفول شكله مخلص شحن!
نرمين: اه قاللي كمال وكريم برا
سـهام: يلا بينا طيب
وطلعوا البنات .. اول لما كريم وكمال واحمد شافوهم ابتسموا .. سـهام وسـلمى بصوا لبعض وضحكوا
احمد: ايه بس القمر دا ياعروستي
متسمعونا زغروطه ..
سـلمى زغرطت وكريم بصلها
كريم: عقبال لما يزغرطولك في فرحك ياعمري
سـلمى: ههههههه امين يارب
ام نرمين: الف ماشالله عليكي يابنتي حصوه في عين اللي مايصلي على النبي لما يشوفك
كلهم: عليه الصلاة والسلام
سـهام: موبايلك مقفول ليه
كمال: مفضي شحن والله ياحبيبي .. بس بقولك ايه
سـهام: ايه
كمال قرب على ودنها: مهما عملتي في نفسك بردو قمرررررر
سـهام اتكسفت وابتسمتلو
كمال حس انها اتكسفت: يلا بينا
سـهام: يلا
ركبت سـهام جنب كمال في عربيته واحمد ونرمين ورا
كريم وسـلمى في عربية كريم وورا مامت وابو سـلمى
وفي عربية نسرين كانت هيا ومامتها وجوزها وحنين بنتها
وكام عربيه تانيه اصحاب احمد وكريم
طلعوا كلهم القاعه بعد الزفه ودخلوا ورقوا شويه
احمد رقص مع اصحابه ونرمين رقصت مع سـهام وسـلمى وصاحباتهم اللي جم بعد ما الخطوبه بدأت
واحمد ونرمين رقصوا لوحدهم
شويه وقعدوا ولبسوا الدبل والشبكه وكانت ليله جميله ...
وفجأه نرمين مسكت جامد على ايد احمد!..
احمد: مالك ياحبيبتي في ايه
نرمين: بص مين جاي هناك !!!!!!!
ليست هناك تعليقات:
إرسال تعليق