سـلمى جت عينها فـ عين كريم وحست بلهفته ليها .. اتكسفت اوي وبصت في الارض وراحت تسلم عليه وعلى مامتو
كريم: ازيك ياعروستي
سـلمى بخجل: الحمدلله يا كريم
والدة كريم وهي بتسلم على سـلمى: بسم الله ماشاءالله عيني عليـكي باردة ياست البنات يازين ما اخترت يابني
سـلمى اتكسفت اكتر وسـهام حست بكسفتها وقالتلها: تعالي جنبي ياسـلمى
بعد ما قعدوا ..
كريم: مبدأيا ياعمي انا الحمدلله يعتبر شطبت شقتي خلاص والشغل ماشي فيه تمام جدا الحمدلله وانهردا جايين نتفق ان ميعاد الفرح يكون كحد اقصى بعد شهر
الاب: ومالو يابني على بركة الله وانتي يا ام العروسه ايه رأيك
الام: والله انا لو بعرف ازغرط كنت زغرطت
كريم: وانتا يا احمد ..؟
احمد: فرح سـلمى هوا فرحتي ياكريم وانا افديلها الساعه اللي اشوفها فيها عروسه
سـلمى: متحرمش منك يا احمد
ام كريم: يبأه على بركة الله بكرا بإذن الله ننزل نتفق على القاعه ونبدأ نرتب .. عقبالك ياسـهام
سـهام: لاااااا انا لسه بدررررري عليا
والدة سـهام: ياستي قولي يارب
سـهام بابتسامه خفيفه: انشالله يا ماما
بعد ما كريم ومامتو مشيو .. احمد جالو تليفون من الدكتور كمال صاحبه ونزل ..
سـلمى وسـهام دخلوا الاوضه يغيروا لبسهم
سـلمى: عقبالك ياسمسم
سـهام: ونبي ياسـلمى ماتجيبي السيره دي انا مش عايزه افتكر وانتي اكتر واحده عارفه كدا
سـلمى: واخرتها ياحبيبتي؟ انتي جالك عرسان الدنيا ورفضتي حتى انك تقابليهم بحجة انك بتحبي دراستك ومش عايزه حاجه تشغلك عنها
سـهام: قدامي حل تاني ياسلمى وانا قلت لاء.؟ دي حكمة ربنا وانا راضيه ومعنديش استعداد اني اورط انسان ملوش اي ذنب في جوازه اخرتها مفهاش عيال
سـلمى: ربنا يكتبلك اللي فيه الخير
احمد راح لكمال، الدكتور اللي دايما يكشف عليه واللي هما اصحاب عمر
كمال: ايه ياوحش عامل ايه انهردا؟
احمد: الحمدلله احسن كتير بس ضغط الشغل تاعبلي دماغي
كمال: وبعدين معاك يا احمد هفضل لحد امتى اقولك كفايه بأه تشغل نفسك بشغلك .. اومال لو كنت دكتور زيي كنت عملت فـ نفسك ايه
احمد: قضايا الناس ياكمال والله توجع القلب الواحد تعب عشان يوصل لدرجه عاليه في مجال زي اللي انا فيه دا ومقدرش بعد مابقيت محامي ليا اسم وسمعه اسيب شغلي عشان تعبي وانتا عارف اكتر حاجه بحبها هيا شغلي
كمال: ياسيدي محدش قالك حاجه بس خف شويه على نفسك
احمد: سيبك انتا مني بس وقوللي كنت عايزني في ايه
كمال: من الاخر كدا انا معجب بسـهام جدا وجاي متقدملها وقلت اقول لصاحبي الاول قبل ما ادخل البيت من بابه
احمد: بس !!
كمال: مبسش .. انا بقالي كتير عايز افاتحك في الموضوع ومستني انك تفضالي ولا انا مش أد المقام؟
احمد: ياسيدي والله ما كدا انتا عارف غلاوتك عندي .. بس سهام ..
كمال: مالها سـهام؟
احمد: سـهام لسه مكملتش دراسه ..
كمال: طب وفيها ايه هيا مش في هندسه والسنه الجايه اخر سنه ليها !!
ياسيدي نتخطب وتكمل دراستها براحتها وانا مستنيها
احمد: مينفعش !!!!!!
كمال: ليه بس يا احمد الله! هيا مش سـهام وسـلمى توأم وسـلمى اهي هتتجوز وهيا لسه في رابعه طب ولسه قدامها 3 سنين تاني .. طب ايه المشكله في سـهام يعني
احمد: مش كدا يا كمال والله
كمال: انتا مخبي عني حاجه ياصاحبي .. ؟
احمد: انا هحدد ميعاد مع اهلي ولو ليك نصيب فيها ربنا يتمملكو على خير
كـمال بفرحه كبيره: بجد؟ ربنا يخليك ليا يا اجدع اخ في الدنيا
ليست هناك تعليقات:
إرسال تعليق