وفجأه حست نفسها بتبتسم ومش عايزه تخفي ابتسامتها ولا حتى تفتح عنيها وتشيل صورة سامر من بالها
حست انها مرتاحه اوي ومبسوطه اوي اوي واستغربت ليه اول لما انبسطت افتكرت سامر
قامت بسرعه اتصلت بـ ايه تحكيلها اللي حصل .. فضلو يتكلمو كتير اوي .. شويه وباب اوضتها اتفتح
" ثواني يا ايوي .. ايوا يا بابي "
" ايه ياحبيبي يلا مش هناكل ولا ايه "
" هيا طنط هنا "
" لاء خلاص لمت كل حاجتها ومشيت خلاص "
" طب ثواني يابابي ويكون الاكل جاهز "
" لا ياحبيبت بابي من انهردا ايدك مش هتتمد الا لقلمك وكتبك بس .. انهردا هننزل ناكل برا وبعد كدا هدورلك على شغاله تكون كويسه تاخد بالها من شغل البيت "
" تاني يابابي حد ياخد بالو مني منا قلتلك انا هعتمد على نفسي "
" لا يالولو هيا هتيجي تنضف البيت تغسل الغسيل المواعين تعملك الاكل كدا يعني وتمشي في اخر اليوم "
" اللي حضرتك تشوفه "
" ماشي يلا البسي عشان ننزل وشوفي هناكل فين "
" حاضر بس نرجع قبل الساعه 5 لان 6 عندي درس مع ايه في بيتها "
" ماشي ياجميل "
قفل باباها الباب وطلع ورجعت هيا تكمل كلام مع ايه
واتفقوا انهم يتقابلوا 5 ونص في بيت ايه قبل الحصه بنص ساعه عشان يرغوا شويه مع بعض
لبست الاء وهيا في قمة فرحتها وكالعاده كانت زي القمر .. طلعت من اوضتها لقيت باباها مستنيها في الصاله
اول لما شافها ابتسم اوي
" عروستي كبرت ياناس بأت قمرايه منوره .. "
" بابي بأه بتكسف "
" ياعيون بابي ودلوعته انتي .. ايه الجمال دا يا لولو "
" انا حلوه عشان بنتك بس "
" ههههههههههه لالالا انا مقدرش على كدا "
فضلوا يهزروا سوا وهما نازلين للعربيه ولحد ما وصلوا للمطعم
الاء كانت في قمة سعادتها انها اتخلصت اخيرا من عقدة حياتها واللي هيا مرات باباها وفي نفس الوقت قادره تقضي وقت جميل اوي مع باباها .. عدى الوقت بسرعه اتغدوا ورجعوا عالبيت والاء خدت كتبها ونزلت عالحصه بتاعتها عند ايه
راحت قبل ميعاد الحصه بساعه .. وهيا في الطريق بالصدفه كان سامر مروح على بيته بعربيته وشاف الاء بس هيا مخدتش بالها منه ..
وفجأه جه اتنين شباب مشيوا وراها وفضلوا يعاكسوا فيها وهيا بتحاول تمشي بسرعه على اد ما تقدر ومن جواها قلبها هيقع منها من كتر الخوف
وفـ لحظه معرفتش ازاي دا حصل لقيت سامر واقف قصادها لدرجة انها خبطت فيه ووقفت بصتله وهوا باصص للشباب
" خير يا استاذ منك ليه في حاجه "
" في حاجه انتا ؟ "
" دي اختي .. هما دايقوكي؟ "
" لالا محصلش حاجه يلا بينا من هنا "
" لاء عاكسناها بأه عندك مانع ياعم "
" عندي؟ اه عندي مانع ... ابعدي من هنا بسرعه عالعربيه "
" متعملش حاجه عشان خاطري "
" سمعتيني؟ يلا عالعربيه قلت "
وفي ثواني كان سامر ماسك الاتنين وبيتخانق فيهم والشارع كلو اتلم والاء ركبت العربيه وبس قاعده تعيط ومش عارفه تعمل ايه
شويه والخناقه هديت شويه والشباب مشيو وسامر راح عالعربيه وهوا ماسك دقنو وكل سنانه ملاينه دم
اول لما الاء شافت المنظر دا اتخضت وطلعت مناديل من شنطتها وكان في ميه في العربيه حطتها عالمناديل ومسكتها وشالت ايد سامر ومسحت الدم بالمناديل
كل دا وهوا شايفها ودموعها نازله من عنيها المليانه دموع وخوف عليه
مد ايده على خدها ومسحلها دموعها
وجت عنيها في عنيه
الاء اول لما بصت في عنيه جسمها حست انو اترعش .. حست انها اتطمن ومبأتش خايفه وهديت دموعها وسكتت
نزلت عيونها بسرعه عالارض
ابتسم سامر وسكت
" الف سلامه عليك ياسامر انا اسفه انا السبب "
" فداكي اي حاجه يا الاء محصلش حاجه دا واجبي انتي زي ايه ولو ايه في الموقف دا كنت عملت نفس الحاجه "
الاء بصتله وقلبها وجعها اول لما قال زي ايه
هوا حس انها اتدايقت وفهم نظرة عنيها
كان نفسه يقولها انتي حبيبتي وكل دنيتي بس مقدرش
" اختك؟ "
" طبعا "
" بس؟ "
" ازاي يعني !! "
" لالا ابدا مفيش عموما شكرا يا سامر على كل حاجه "
لسه سامر هيرد موبايل الاء رن بصت فيه لقيت ايه اللي بتتصل بصت عالساعه لقتها 6 وربع
" يااااااه انا اتأخرت اوي دي ايه بترن زمان المستر وصل "
" متقلقيش ادينا قريبين من البيت "
واتحرك سامر بالعربيه لحد ماوصلوا للبيت وطلعوا سوا وفتح سامر الباب
اول لما ايه شافت منظره صوتت
حط ايده على شفايفها بسرعه
" ماما فين "
" انتا ايه اللي عملك فيك كدا يخربيت سنينك ماما لو شافتك هيحصلها حاجه "
" يابنتي انا كويس ماما فين "
" في اوضتها "
وسمعوا صوت مامتهم بتنده على ايه
اول لما سامر سمعها طلع جري على اوضته وايه جري على مامتها
شافت الاء منظرهم من هنا وفطست ضحك .. وسكتت بسرعه وابتسمت لما افتكرت اللي سامر عمله عشانها
بس معقوله شايفني اخته!! مانا بردو اللي مدتلوش فرصه
رجعت ايه تاني وبصت لـ الاء لقيتها سرحانه
خبطتها على دراعها .. الاء بصتلها بتكشيره
" اييييييه "
" انتي اللي ايه سرحانه في ايه والمستر قاعد جوا مدخلتلهوش ليه يابت انتي "
" ها !!؟ لا مش عارفه "
" لا مش عارفه؟ طب يلا قدامي وبعد الدرس لينا كلام "
دخلوا حضروا الحصه وطول الوقت الاء سرحانه خالص وكل شويه ايه تخبطها في رجلها من تحت التربيزه عشان تاخد بالها وتصحصح وتفوق شويه
خلص الدرس ومشي المستر وطلعت ايه توصله عالباب ورجعت لقيت الاء حاطه راسه عالتربيزه وفي دنيا تانيه
بصتلها باستغراب اوي وهيا مش فاهمه مالها
" الاء .. الاء .. الاااااااااااااااء "
" ايييييييييييييه تاني يوووووووووه "
" ايه تاني ايه على فكره الحصه خلصت "
" طب انا مروحه "
" رايحه فين يابت انتي استني هنا .. "
" خير يازفته "
" والله شكلك عامله عمله مالك يا الاء مش عاجباني انهردا حصل ايه مانتي كنتي كويسه لحد اما نزلتي مع باباكي "
" ها !! انا؟ لالا ابدا انا كويسه اهو "
" على اساس انا عبيطه وعارفاكي اول امبارح بليل ماتنطقي "
سامر بالصدفه كان معدي من جنب الصاله اللي هما قاعدين فيها في نفس اللحظه دي ولما سمع ايه بتقول لـ الاء كدا وقف من بعيد عشان الاء متشوفوش وفي نفس الوقت يقدر يسمعها بتقول ايه
" مالي يا ايه مانا زي الفل اهو الله !!؟ "
" انتي عايزه تجننيني ولا ايه "
" بصي بصراحه "
" هاااااااا "
" سامر !! "
ايه بصت لـ الاء باستغراب وسكتت وفي اللحظه نفسها سامر واقف واول ما سمع اسمه قلبه بدأ يدق جامد
" مالو سامر ياالاء "
" مش عارفه !! "
" متجننينيش معاكي وحيات باباكي ياشيخه بأه واتكلمي في ايه الله "
" يابنتي حاسه كدا زي ما اكون ...... "
" زي ماتكوني ايه "
ليست هناك تعليقات:
إرسال تعليق