سـهام: لاءااااااااااااااا مش هيحصل مستحيييييييييل
سـلمى ومامتها قاعدين يهدوا فيها وهيا مفيش فايده
سـلمى: ياستي ايه المشكله الولد ابن ناس ومحترم ودكتور وصاحب اخوكي ومفهوش اي عيب
سـهام: انا اللي فيا عييييييييييييييييب حرام عليكو ونبي ماتعجزوني اكتر من كدا
مامتها خدتها في حضنها وهدتها وسـلمى مقدرتش تشوف اختها وتوأمها بالمنظر دا وطلعت جري من الاوضه ودموعها فـ عنيها
الام: سـهام ياحبيبتي احنا هنقوللو على مشكلتك وهوا لو رفض يبأه دي حاجه بتاعتو
سـهام وهي بتعيط: وانتي فكرك منفسيش اتجوز والبس دبله في ايدي وفستان ابيض زي البنات؟ بس ربنا كتبلي كدا يا امي وانا خلاص استسلمت
الام: مفيش حاجه اسمها استسلمت الراجل دكتور يعني هيقدر اللي انتي فيه ويفهم ولو مقبلش هوا الخسران
سـهام: وازاي انا ارضى اكون عاله على حد يا ماما انا مش وحشه ولا لا سمح الله بنت مش كويسه علشان نشوف هيرضى بيا ولا لاء
باباها دخل عليهم مخضوض لقى سـهام بتعيط ومامتها واخداها في حضنها اتخض اكتر
الاب: سهام في ايه يابنتي سـلمى برا بتعيط وانتي هنا في ايه احمد جرالو حاجه؟
الام: بعيد الشر ابني يا ابراهيم، بنتك رافضه كمال
الاب: ليه بس
سـهام: يعني منتش عارف يابابا
الاب: يابنتي كل حاجه بإرادة ربنا واحنا مش عشان ربنا ابتلانا بحاجه نيأس ونعمل فـ نفسنا كدا
الام: بالظبط يابنتي
الاب: بصي ياسـهام يابنتي دا قضاء ربنا وقدره والراجل دكتور وفاهم كويس ايه معنى اللي انتي فيه دا ولو مش عشاننا احنا عشان خاطر احمد يابنتي نفسي نفرح بيكي قبل ما نموت
سـهام هديت شويه: بعيد الشر عنكو يا بابا .. حاضر هعمل اللي انتو عايزينو بس دي اول واخر مره اقابل فيها عريس
الاب: ربنا يجعل فيه نصيبك يابنتي ويسعدك ويحققلك كل اللي نفسك فيه
الام: يلا يا ابراهيم كلم احمد وخليه يتفق مع كمال
سـهام: انا هقوم اشوف سـلمى
الاب اتصل باحمد وقاللو يكلم كمال
احمد: الو
كمال: حبيب قلبي والله لسه جاي على بالي اكلمك .. عامل ايه
احمد: الحمدلله ياصاحبي، ليك عندي خبر تقيل
كمال بفرحه كبيره لدرجة انها بانت على صوته: سـهام؟؟؟
احمد: واضح انك مبسوط جدا، اه ياسيدي سـهام
كمال: والله ماتتخيل فرحتي عامله ازاي يا احمد ولا متخيل من اد ايه وانا هموت واتكلم معاك في الموضوع دا بس كنت مستني الوقت المناسب
احمد: ربنا يسعد ايامك كلها ياصاحبي
كمال: معاك يارب.. طب ايه الخبر ؟
احمد: خلاص وافقوا في البيت وقالولي احدد معاك ميعاد تيجي البيت فيه
كمال: بجد والله؟ اااااااه يا ناس مش مصدق نفسي .. بعد بكرا حلو؟
احمد بانكسار: ماشي الخميس اتفقنا
كمال: مال صوتك ياصاحبي
احمد: ابدا مفيش فرحانلك اوي
كمال: متضحكش عليا دنا اعرفك اكتر من نفسك انتا متدايق اني هناسبك؟
احمد: والله ابدا ياكمال ربنا يعلم اد ايه انا يشرفني اناسبك انتا اخويا وهيا اختي في ايه اكتر من كدا يخليني فرحان
كمال: ماشي ياعم هصدقك ولو اني حاسس في حاجه بس مش مشكله اشوفك الخميس انشالله
احمد: حصل ياصاحبي هنستناك، مبروك
كمال: الله يبارك فيك ياحبيبي عقبالك
يوم الاربع بليل موبايل سـلمى رن وكانت جنبها احمد وسـهام ومامتها وباباها قاعدين كلهم بيتفرجوا على التليفزيون
سـلمى: دي نرمين غريبه متصله في وقت زي دا
احمد بصلها بعدين قالها: ردي!
سـلمى: هتزعل؟
احمد بابتسامه حنينه: مش هزعل
سـلمى ابتسمتلو وردت: الو، ايوا يانرمين
ليست هناك تعليقات:
إرسال تعليق