احمد نزل جاب لسلـمى الشوكلاته اللي هيا بتحبها ورجع البيت صالحها وباسها على راسها وفهمها ان اللي عملو دا من خوفو عليها بس مش اكتر واتفقوا ان علاقة سـهام وسـلمى بنرمين ملهاش دعوة بنرمين ووليد
تاني يوم مامتهم دخلت تصحيهم عشان ميعاد محاضراتهم ..
لبسوا بسرعه واحمد لبس ونزل يوصلهم وراح على شغلو
سـلمى بعد محاضرة التشريح طلعت واتصلت بسـهام وقالتلها انها رايحه تقابل كريم خطيبها وعايزاها تيجي معاها
سـهام: طب وانا مالي ياسلمى انا قاعده مع صاحباتي يعني هيا دي اول مره تروحيلو فيها لوحدك؟
سـلمى: معلش ياسهام بس هوا طلب يشوفك معايا! معرفش ليه
سـهام استغربت وقالتلها: حاضر ياستي قوليلي انتي فين؟
سـلمى: اديني قربت على هندسه انتي فين؟
سـهام: انا طالعالك اهو
سـهام كانت خلصت محاضرتها قبلها بساعه وقاعده مع صاحباتها .. اعتذرتلهم وراحت لسلمى وخدو تاكسي وراحوا لكريم النادي اللي اتفقوا يتقابلو فيه
سـلمى اول ما شافت كريم ابتسمت..
قربوا عليه اول لما شافهم ابتسم وقام سلم عليهم وقعدوا
كريم: وحشتيني يامجنونه
سـلمى: سهام هنا على فكره سلامتك
سـهام: هههههههههههههه دا خطيبك يا هبله
سـلمى: اه صح !!
سـهام وكريم: هههههههههه
كريم: سهام عامله ايه
سـهام: انا الحمدلله تمام كنت عايزني ياكريم اؤمرني
كريم: اه بصراحه كنت عايزك في موضوع مهم وانتي اللي دايما ببدأ بيها في البيت عندكم .. انا عندي خبر ليكو وكنت عايز رأيك الاول قبل رأي حمايا وحماتي
سـلمى وسـهام في نفس واحد: خيـــــــــــر
كريم: انا اتكلمت مع ماما انهردا عشان احدد ميعاد الفرح واتفقنا على الشهر الجاي وانا كدا كدا خلاص شطبت الشقه والشغل معايا ماشي تمام اوي مش فاضل غير العروسه تنور بيتها
سـلمى: بجد ياكريم
كريم: طبعا يا عيون كريم بس طبعا بعد موافقة سهام واحمد وطبعا حمايا وحماتي
سـهام: طبعا معنديش مانع وموافقه اوي .. حدد ميعاد تيجي فيه وانا هقول لماما وبابا
فجأه رن موبايل سـهام
سـهام: دا بابا !!!!
سـلمى: طب ردي اكيد في حاجه
سـهام: الو؟ ايه بتقوول ايـــــــــه !! احنا جايين حالا!!!!
:)
ردحذف