الام: تخطب؟؟؟؟؟؟؟
سـهام: ايــــــــــــــــــــــــ
سـلمى: ههههههههههههههه
احمد: في ايه ياجماعه
الام: في ايه ازاي يعني، يعني ايه رايح تخطب وجايبنا على ملى وشنا كدا .. رايح تخطب مين وازاي متقولناش وابوك ميعرفش تلاقيها هيا نفسها متعرفش بجنانك دا
احمد: لالا يا ماما مش للدرجادي هيا عارفه
سـلمى: بس اهلها لاء هههههههه
احمد مد ايده على راس سـلمى وراه وضربها عليها بهزار
احمد: اهدي ياسـلمى وخليكي محضر خير
سـلمى: هههههههههههه حاضر
الام: يابني ماتفهمنا في ايه
سـهام: ايه دا هوا مش دا بيت نرمين
احمد: بالظبط يلا بأه
ولسه بيفتح باب العربيه
الام:استنى هنا .. في ايه فهمني
احمد: رايح اخطب نرمين ياست الكل
الام: بجد؟
احمد: بجد
الام: ازاي .. هيا نش خطوبتها بعد بكرا
سـلمى: فشكلتها واحمد ونرمين رجعوا لبعض واحمد راسو الف جزمه تكون خطوبتها في نفس الوقت بعد بكرا بس عليه مش على وليد
احمد: بالظبط .. يلا بينا؟
الام: مع اني مستغربه بس فرحنالك يابني الف مبروك ياحبيبي
سـهام: وطلعت اجن مني ومن كمال .. وتقول الله يسهلو هههههههههه ياسيدي يسهلو ليا انتا مش احنا
احمد: هههههههه ماشي ياستي
طلعوا البيت وسلموا على مامت نرمين واختها نسرين وقعدوا
نرمين لسه جوامطلعتش ونسرين اختها دخلت ومفضلش غير مامتها
ام احمد: ازيك ياسماح عامله ايه يا اختي
ام نرمين: الحمدلله ياحنان انتي عامله ايه
ام احمد: الحمدلله بخير .. بصي ياستي احمد جابنا على ملى وشنا اول ما عرف ان الخطوبه اتفشكلت .. جابنا نخطب نرمين قلتي ايه
ام نرمين: والله ما عارفه اقول ايه طبعا موافقه هوا انا اطول اناسبكوا دنتو عشرة عمر .. ياريت ابو نرمين كان عايش كان فرح اوي
ام احمد: الله يرحموا .. على بركة الله .. طلباتكوا
ام نرمين: ياستي لا طلبات ولا حاجه انا كل اللي عايزاه بنتي تبأه مبسوطه
احمد: في عنيا ياطنط
ام نرمين: تسلم عينك يابني
احمد: طب بالمره كدا وكلنا جاهزين ننزل نجيب الدبل والشبكه عشان بعد بكرا نلبسهم في الخطوبه
ام نرمين: اللي تشوفه يابني
احمد: طب فين نرمين ونسرين
ام نرمين: حالا يجوا .. يانرميـــــــن
نرمين جت وفي ايدها الشربات: نعم يا ماما
ام نرمين: سلمي عليهم يابنتي واجهزي انتي ونسرين عشان نروح نجيب الدبل والشبكه
نرمين في قمة سعادتها: حاضر يا ماما
نرمين قدمت الشربات لاحمد ومامته وسـلمى وسـهام وراحت جري على اوضتها جهزت نفسها هيا ونسرين
نرمين: مش قادره اصدق نفسي
نسرين: ولا انا قادره اصدق الجنان اللي حصل دا
نرمين: هههههههه بحب مجنون فعلا
نسرين: ماما بتنده يلا بينا اتأخرنا
وخدتها في حضنها: مبروك حبيبت قلبي
نرمين: الله يبارك فيكي يارب .. عقبال حنين بنوتك اللي بموت فيها ..
نسرين: ياااااااه لسه بدري دي يادوب عندها سنه
نرمين: بكرا تكبر وتقولك جوزيني حبيبي
نسرين: ههههههههه .. يلا بينا
نرمين: يلا
نسرين شالت حنين في حضنها وطلعت مع نرمين
نرمين: يلا؟
احمد بص على نرمين وجت عينها في عيونه
وبكلمه من عنيه قالها بحبك وبنفس النظره ردت عليه بعنيها وانا بحبك
نزلوا كلهم .. احمد معاه مامته وسـهام وسـلمى في عربيته
ونسرين واخده حنين بنتها ومامتها ونرمين في عربيتها
راحوا محل الدهب واختاروا الشبكه والدبل
احمد: مبروك يا احلى نرمين
نرمين بكسوف: الله يبارك فيك يا احمد
كانت ليله جميله جدا عدت على خير وكل واحد روح بيته
تاني يوم الصبح كمال اتصل بسـهام وسـهام كانت نايمه
اول ما سمعت صوت رنة الموبايل فتحت عينها وبصت على الموبايل لقت اسم كمال ابتسمت وردت عليه
سـهام بابتسامه: صباح الخير
كمال: صباح النور ياعمري انا .. ايه الابتسامه الجميله دي
سـهام: شفتها ازاي بأه
كمال: ههههههههه حسيت بيها وسمعتها ياحبيبتي
سـهام: وحشتني بأه
كمال: طب دنا عندي خبر ليكي هيخليكي وانتي كسلانه كدا تقومي تتنططي من الفرحه
سـهام: الله ياكمال قول يلا
كمال: تدفعي كام
سـهام بدلع: يلا بأه
كمال: ياربي مقدرش انا عالدلع يا ناااااااس
سـهام: ههههههههههه بس بتكسف
كمال: حبيب قلبي المكسوف دا .. شوفي ياستي
سـهام: هاا
كمال: جتلي بعثه لامريكا 3 شهور من 7 لـ 10 شغل هناك وكدا
سـهام: هتروح وتسبني؟ هوا دا الخبر الحلو؟
كمال: مستحيل ابعد عنك ياحبيبي
سـهام: اومال ايه
كمال: هاخدك معايا
سـهام: ازاي دحنا لسه متخطبناش اصلا
كمال: هنتجوز بعد اسبوعين مع سـلمى ونسافر ناخدها على انها شهر عسل وفسحه وفنفس الوقت شغل بالنسبالي
سـهام: ايه! ودراستي
كمال: ياحبيبتي هنسافر بعد امتحاناتك وهنيجي قبل بداية السنه الجديده .. هما في الشغل خيروني في الـ 3 شهور وانا اخترت الفتره اللي حبيبتي فاضيه فيها عشان اخدها معايا مقدرش اعيش لحظه من غيرها انا
سـهام: انا فرحااااااااااااااااااانه
كمال: يارب دايما ياعمري وطول مانا عايش والله ما هتشوفي الا طعم الفرحه وبس .. يعني موافقه؟
سـهام: اكيييييييييييييد طبعا
كمال: طب ياحبيبي كلمي ماما وبابا وانا هتصل باحمد اباركلو واقوللو واشوف ايه رأيو
سـهام: ممكن اقولك حاجه اوي مره اقولها بصوت ..؟
كمال: طبعا ياحبيبت قلبي قولي
سـهام بصوت واطي كأنها بتهمس: بحبك
كمال: ياااااااااااه من زمان نفسي اسمعها اد ايه حلوه منك وانا بحبك وبموت فيكي
سـهام: يلا انا هقوم اقول لبابا وماما ولما سـلمى تصحى افرحها
كمال: ماشي ياحبيبي
قفلوا مع بعض وكمال اتصل باحمد
احمد اول ما فتح عليه: زعلااااااااااان منك
كمال: طب صباح الخير ياعم
احمد: صباح النور ياسيدي للدرجادي خطيبتك واخداك من صاحبك
كمال: ههههههههه هيا والله واخداني من الدنيا كلها بس والله امبارح كان عندي عمليه وكام لازم اخد بالي منها واتابع الحاله لحد ماتفوق من امبارح بليل لحد دلوقتي مروحتش من المستشفى ولا رحت العياده ولا البيت والله
احمد: الله يعينك ياصاحبي
كمال: امين يارب مبروك ياحبيب قلبي فرحتلك اوي والله
احمد: الله يبارك فيك ياحبيبي ربنا يخليك ليا يارب
كمال: عندي ليك خبر جامد جدا
احمد: اديني ياباشا
كمال: ياسيدي جتلي بعثه 3 شهور امريكا وكنت مخير في الـ 3 شهور دول فـ اخترت 7 و 8 و 9 .. هيا سـلمى فرحها بعد اسبوعين مش كدا
احمد: كدا بس ايه دخل دا بـ دا
كمال: ما انا هتجوز قبل البعثه وسـهام تخلص امتحاناتها ونسافر انا مقدرش اعيش من غيرها 3 دقايق مش 3 شهور
ليست هناك تعليقات:
إرسال تعليق