قررت انها تسألو هوا بنفسه عن نور
وتشوف الرد هيبأه عامل ازاي وتحاول تجرو في الكلام
فضلت تفكر لحد مانعست ..
فات الوقت مع خالد في الشغل بسرعه
وخلص شغلو وطلع جاب اكل من برا ورجع على البيت
فتح الباب ودخل حط الاكل برا ودخل بالراحه بص على علا لقاها نايمه
طلع من الاوضه وقعد برا في الصاله ومسك في ايده صوره
فضل باصص عليها كتير ومبتسم وجواه بيقول " وحشتيني اوي يانور "
شويه ولقى علا داخله عليه
نزل الصوره وسابها على الكنبه وطلع يجري عليها عشان يسندها
"ايه ياعلا عامله ايه انهردا "
" كويسه اوي الحمدلله احسن بكتير من امبارح "
" طب الحمدلله .. اقعدي على الكنبه هنا ثواني اروح اجيبلك الدوا واجي "
قعدها على الكنبه ودخل الاوضه جاب الدوا وطلع
لقاها ماسكه الصوره اللي كانت في ايده وباصالها
" مريم دي ياخالد ؟ "
" لاء "
" اومال مين "
" هيا دي نور "
علا سمعت الجمله دي من هنا وحست ان قلبها هيقف
ادتلو الصوره وسكتت
مسك الدوا وقرب منها اداهولها ودخلو تاني الاوضه وطلع حط الغدا عشان ياكلو
وبدأو ياكلو .. والاتنين ساكتين
" مالك ياعلا ؟ "
" ابدا مالي ! "
" مش عارف حاسس انك متدايقه اتكلمي معايا بصراحه "
" مفيش بس مستغربه منك "
" مستغربه مني انا !! ليه "
" امممم يعني .. مش انتا قلت ان نور دي خلاص اتجوزت "
" تقريبا كدا "
" طب وانتا ليه لسه سايب صورتها معاك "
" لاني لسه مقدرتش انساها "
" عارف .. انا عمري ما شفت انسان مخلص اوي للدرجه دي .. مفيش زيك دلوقتي مستحيل "
" مش معنى انها تتجوز يبأه انا ابطل احبها .. نور دي كانت كل حاجه في حياتي بمعنى الكلمه .. وهتفضل "
" مش بتحاول تحب جديد؟ "
" لاء مفتكرش في واحده ممكن تبأه زي نور "
" اكيد في .. بس انتا دور كويس "
خالد اكتفى انه يبتسملها وهوا من جواه مش فاهم ايه سر اهتمام علا بالموضوع للدرجه دي
في المقابل كانت علا من جواها نفسها تقولو بحبك بس مش قادره تطلع الكلمه من جواها وخصوصا بعد الكلام اللي اتقال دا
خلصو اكل وقام خالد سندها لحد سريرها وخرج من البيت ..
نزل اتمشى شويه في الشارع وبدأ يفكر في كلام علا ولقى انها فعلا معاها حق
مش معقوله افضل كدا معلق نفسي .. طب ولحد امتى !!
اكيد في ناس كتير موجودين بس انا اللي مش شايف
لازم ادور وانا لسه صغير ومش هضيع حياتي على الماضي
بس ليه علا مهتمه اوي بيا كدا وبالكلام دا وبتنصحني بيه !!
مش عارف !! يمكن عشان انا باخد بالي منها فـ قالت تنصحني !!؟
يمكن !!
فضل يلف كتير لحد ما حس انه نعس وخد تاكسي ورجع على العماره وطلع لعمرو
سلم عليه وقعد شويه معاه
ودخلو المطبخ عملو سندوتشات يتعشو
" بقولك ايه ياخالد "
" ايه ياعمرو "
" علا عامله ايه "
" اهي تمام الحمدلله اشمعنا "
" ابدا عشان تعبانه وكدا قلت اسأل عليها وانا بصراحه من لما عرفت انها تعبانه منزلتش اسأل عليها من ضغط الشغل "
" نبأه نروح نقعد معاها بكرا مش مشكله انا كدا كدا كل يوم بروح اطمن عليها واديها الدوا وساعات باكل معاها عشان تاكل هيا "
" وايه الكلام "
" كلام ايه "
" يعني .. مفيش اي حاجه من ناحيتك ليها ولا حاجه "
" لا طبعا "
" لاء .. وطبعا؟؟ ليه يعني "
" مش عارف بس عمري ما فكرت فيها بأكتر من انها زميله ليا وباخد بالي منها لان اهلها مش سائلين عنها وملهاش حد "
" قولتلي "
" طب وايه الاسئله دي كلها "
" بيني وبينك !!؟ "
" ااه !! "
" ملاحظ انها بتبصلك كتير في الشغل وكدا .. مش عارف بأه "
" دا بجد ؟ "
" اه والله بس انا مرضتش اقولك لاني حسيت ان مفيش منك حاجه ليها "
خالد سكت وفهم ليه علا فضلت تتكلم معاه كل الكلام دا
" طب انا هقوم انام بأه تصبح على خير "
" اوعى تكون زعلت انا مش قصدي والله وبلاش تقولها حاجه "
" ولا يهمك ياعمرو "
" ماشي وانتا من اهلو "
دخل عمرو اوضته وطلع خالد على الكنبه برا وحاول ينام
مقدر وفضل يفكر في كلام علا وعمرو
" معقوله تكون فعلا بتفكر فيا ومشغوله بيا !!
معقوله تكون فاهمه اني بعمل كل دا معاها عشان بحبها ..
هوا انا فعلا عمري مافكرت فيها بس والله انها تتحب
بنوته حلوه اوي ومهندسه ومحترمه ماشالله عليها مفيش حاجه فيها وحشه
طب ليه لاء ..
بس كمان ليه ااه !!
مش عارف بأه بس اللي يلاقي واحده تحبو اوي كدا وتبأه نفسها تقوللو ومتقدرش مينفعش يسيبها
ااااااه عشان كدا فضلت ساكته ومتدايقه على الغدا بعد ما شافت نور ..
ياربي زمانها زعلانه اوي وطبعا غيرانه منها
ونور .. ؟ معقوله احب جديد بعد ما حبيت نور !!
خايف في مره بدل ما اقولها علا اقول نور "
بدأ يفكر اكتر واكتر ومقدرش ينام
قام خد محفظته وموبايله ونزل الشارع يلف شويه
راح قعد قدام البحر وطلع صورة نور من جيبه
فضل باصصلها كتير اوي وهوا بيفتكر كل سنين الحب الجميله اللي راحت ومش راجعه
ودموعه على خده بتنزل
وجواه بيسأل ليه انا لسه محتفظ بيها جوا قلبي كل دا ومش شايف غيرها
مع اني عارف ومتاكد مليون في الميه انها عمرها ما هترجع
ابدا !!
وقرر انه يدي قلبه الفرصه انه يختار من تاني ويتعلم من جرح الماضي
بس يكون نسيه ومش عايز يرجعله من تاني
قرر يدي اللي بتحبو فرصه انه يديها شويه من الحب دا ويمكن تكون فعلا هيا الاختيار الصح
قام خد تاكسي وطلع على العماره وكانت الشمس بتشرق
طلع البيت ورن الجرس
شويه وعلا فتحت الباب بعيون نعسانه
" صباح الخير "
" صباح النور ياخالد اتفضل "
" صحيتك .. ؟ "
" لاء انا بقالي ربع ساعه صاحيه قومت عملتلي كوباية شاي وكنت داخله اشوف المخطط بتاع المشروع عشان بجد الشغل وحشني وعايزه انزل انهردا "
" حاسه انك احسن .. ؟ "
" ااه بجد اوي واديني منتظمه على الدوا وكلو تمام الحمدلله "
" هوا فعلا باين على شكلك وصوتك انك احسن كتير .. خلاص لو شايفه انك قد انك تنزلي معايا انهردا انا موافق "
" بجد والله ياخالد .. ؟ "
" اوي اوي يا علا "
قربت منه بفرحه كبيره ولسه هتحاوطه بإديها عشان تحضنه حست انها بتعمل حاجه غريبه ومش فاهمه ازاي دا حصل
بسرعه بعدت عنه وبصت في الارض " انا اسفه بجد غصب عني " وطلعت تجري بسرعه على الاوضه وقفلت الباب وراها
خالد كان فعلا مستغرب من الحركه اللااراديه دي بس مزعلش منها ابدا بالعكس هوا اتأكد منها انها فعلا بتحبه اوي
حس انها احرجت جدا وراح دخل عليها الاوضه لقاها بتعيط
من غير كلام قعد جنبها على الكرسي اللي جنب السرير ومسح دموعها
" خلاص بأه .. علا خلاص متعيطيش .. طب فهميني بتعيطي ليه بس "
" انا بجد اسفه ياخالد مكنش قصدي والله دا من فرحتي بالشغل بس مش اكتر "
" ياستي ولا يهمك وانا مش زعلان اصلا "
" بجد بعتذرلك انا اتخطيت حدودي معاك اوي "
" ولا اي حدود .. بصيلي هنا بأه "
بصتلو بوشها بس عيونها كانو في الارض .. حس انها جميله اوي وانو كان غبي اوي لما مكنش شايفها ولا واخد بالو منها طول الوقت دا .. مسحلها دموعها من على خدودها ورفع راسها لحد ما جاب عنيها في عنيه وابتسملها
لقاها لسه مكشره .. غمزلها قامت ضحكت
" ايوا بأه اضحك كدا ياجميل عالصبح خلي ربنا يرزقنا "
" هههه حاضر "
" يلا قومي اغسلي وشك وخدي الدوا عبال مانا اغير هدومي واطلع من الاوضه وانتي ادخلي غيري هدومك وننزل "
" حاضر "
قامت علا تغسل وشها وهوا غير هدومه وطلع دخل على المطبخ جهز سندوتشين وطلع كانت هيا لبست هدومها وطلعت من الاوضه
اول لما طلعت كان هوا طالع من المطبخ والاتنين بأو في وش بعض
جت عنيه في عنيها ولاول مره يحس ان عنيها شاداه اوي كدا
مقدرش ينزل عنيه من عليها من كتر ما شايفها حلوه
" علا !! "
" نعم "
" مفيش نزول ليكي انهردا "
ليست هناك تعليقات:
إرسال تعليق