" انا هسافر "
" انتا مجنون !؟ تسافر فين "
" هسافر السعوديه عند مصطفى بعد ما اخلص السنه الجايه الكليه دي "
" طب اخوك ومسافر عشان يشتغل انتا ايه اللي هيسفرك "
" اقعد معاه واشتغل .. اصل بص انا خلاص ركبت في دماغي اني مش متجوز البت دي والله لو حصل ايه وانا خلاص هكمل ال 21 سنه واقدر اسافر .. "
" وعبير ؟ "
" معرفش بأه "
" متعرفش ايه !! هيا مش دي حبيبتك !!!!!؟ "
" مش عارف اعمل ايه بس يا احمد معدش عندي حل تاني ولما اجي انشالله تكون هيا خلصت دراستها اتقدملها ويكون موضوع ساره اتنسى "
" يا سلام انتا مصدق نفسك ؟ "
" ااه .. اوي ! "
" معنديش كلام يتقال والله .. اللي تشوفه يامحمد "
" هوا دا قراري ومش راجع فيه "
شويه واتصل محمد بعبير ..
ردت عليه وجواها نااار
" الو "
" ايوا ياعبير .. عامله ايه دلوقتي "
" الحمدلله "
" عبير انا قررت حاجه "
" ايه هيا "
" قررت اسافر لمصطفى بعد ما اخلص السنه الجايه "
" والله ؟ "
" ااه والله "
" طيب الف مبروك ربنا يوفقك .. "
" عبير "
" ولا عبير ولا زفت .. الله يسامحك .. سلام "
وقفلت في وشه !
اتصل بيها تاني مردتش عليه ..
فضلت ساكته لا بتعيط ولا بتتكلم .. ساكته وسرحانه
ازاي بعد ما اعتبرته كل حاجه في حياتي وبعد ماحبيته واديته احساسي ودا اول حد احبه
يعمل فيا كدا !!
ليه اصلا حبيته .. ليه اصلا فكرت فيه وسمحت لنفسي اعمل كل دا !!!!
اااااااااااااه يارب اااااااااااااااااااااااااا
انا لازم اخليه يرجع عن اللي في عقله دا ..
انا متأكده انو بيحبني وبيموت فيا
ولازم يرجع عن اللي بيفكر فيه ..
بس اعمل ايه !!
مش عارفه ..
فاتت الايام .. يوم ورا التاني ومحدش في الاتنين حاول يكلم التاني
كل واحد فيهم محتاج التاني
بس محدش قادر يتكلم
من ناحية عبير كانت منال بنت خالتها واقفه جنبها وبتحاول تنسيها
لكن بردو مش قادره تنسى
ومحمد موجوع وتعبان وفوق تعبه زاد التعب انه مش مع حبيبته
عدت ايام كتير وجت ايام امتحانات عبير ..
وفي يوم بليل كانت خالت عبير ومنال تعبانه
عبير مكانتش قادره تروح تزورها عشان امتحاناتها ..
راحت منال هيا ومامتها واختها للمستشفى
وهما في الطريق راجعين من عندها كانت منال بتعدي الشارع وجت عربيه بسرعه وخبطتها
اترمت منال في الشارع مبتنطقش
جريت عليها مامتها واختها وهما بيصرخو والناس اتلمت والعربيه كأنها طارت من عالارض
جت عربيه الاسعاف خدتها عالمستشفى .. في الوقت دا كانت عبير نايمه وتاني يوم عندها امتحان ومش عارفه حاجه
تاني يوم طلعت من الامتحان وعرفت اللي حصل .. طلعت جري عالمستشفى
وعرفت ان منال في غيبوبه
في المستشفى ..
" ايه يادكتور طمنا ارجوك "
" حضرتك مامتها ؟ "
" ايوا .. ارجوك قولي بنتي فيها ايه "
" انا اسف يامدام بس البنت مخها ميت خالص ..
ادعيلها ! "
منال سمعت الكلام دا ومقدرتش تمسك نفسها من العياط
كلهم واقفين بيدعو ان ربنا يشفيها
موبايل منال كان طول الوقت دا مع نسمه بنت خالت منال وعبير ..
وليد قاعد بيتصل ونسمه وعبير مش عارفين يتصرفو
" خلاص ردي عليه يانسمه "
" ارد اقوله ايه بس .. حرام يقلق عليها "
" لازم يعرف "
" كلميه انتي طيب !!؟ "
" لالالالا انا معرفووش اصلا ردي عليه يلا "
..
" الو ! "
" الو .. مين معايا "
" انا نسمه بنت خالت منال "
" وهيا منال فين مش بترد عليا ليه كل دا انا اعصابي اتحرقت خلاص "
" منال عملت حادثه ياوليد وفي العنايه مخ واعصاب والدكتور قال ان المخ عندها ميت خالص وهيا في غيبوبه اهي .. "
" انتي بتقولي ايه .. هاتي منال عايز اكلمها "
" وليد انا مبهزرش حاول تستوعب اللي انا بقوله .. انا عارفه انه صعب عليك زي ماهو صعب علينا كلنا بس لازم تتقبل امر ربنا "
" فين المستشفى دي "
نسمه قالتله على مكان المستشفى وقفلت معاه ..
بصت لعبير وحضنتها وفضلو يعيطو جامد اوي ...
الكل كانت حالته صعبه ..
شويه ووصل وليد! ودي كانت اول مره وليد وعبير يشوفو بعض فيها
مخدوش بالهم من بعض اوي ووليد كان كل همه على منال ...
" سلام عليكم "
" وعليكم السلام يابني انتا وليد؟ "
" ايوا ياطنط حضرتك تعرفيني ! ؟ "
" نسمه وعبير حكولي كل حاجه متقلقش بس والدها احنا هنفهمه انك زميلها في الجامعه وجاي تطمن عليها "
" ماشي ياطنط ولا يهمك تسمحولي اشوفها طيب "
" محدش فينا قادر يشوفها هيا لسه في العنايه ادعيلها يابني "
" ربنا يرجعهالنا بالسلامه يارب "
" امين يارب !! "
عدت الايام وكانت نسمه وعبير يباتو مع منال والوقت اللي عبير عندها فيه امتحان تروح تمتحن وترجع
فاتو اسبوعين ومنال في غيبوبه متواصله مش بتفتح عينها
كل اللي حواليها بيدعيلها
ووليد خايف يكرر مأساته من تاني !!
وفي يوم وهما قاعدين كلهم
طلع عليهم الدكتور من عند منال
وبص لمامتها ونزل عنيه في الارض
الكل حط ايده على قلبه من منظر الدكتور ..
ليست هناك تعليقات:
إرسال تعليق