سـلمى ردت على نرمين وقفلت وبصت لاحمد لقتو بيبصلها مستنيها تتكلم .. حس انها خايفه قالها ها يا سـولي مالها نرمين صاحبتك في حاجه؟
سـلمى: بصراحه اه!
احمد بابتسامه خفيفه: قولي طيب
سـهام: في ايه ياسـلمى
سـلمى: نرمين ووليد هيتخطبوا الخميس الجاي يعني قبل فرحي بإسبوع وعزمتني انا وانتي وماما عالخطوبه
سـهام سكتت وبصت هيا وسـلمى لاحمد
الام: بجد ياسـلمى الف مبروك ليها عقبالك ياسـهام يابنتي
الاب: مالكو ياولادي في ايه ساكتين ليه كدا
احمد حس ان قلبه وجعه اوي .. ابتسم بالراحه عشان محدش ياخد بالو: ابدا يا بابامفيش .. ماشي يا بنات عايزكم تبأو قمامير كالعاده وتجننوا كل البنات من جمالكوا يومها
سـلمى وسـهام: بصوا لبعض باستغراب
سـلمى: بجد يا احمد نروح؟
احمد: اه طبعا ياحبيبتي، عقبالك ياسـهام
سـهام: بكرا يعدي على خير بس
الام: انشالله يابنتي هيعدي على خير ربنا يكتبلك اللي فيه الخير
سـهام بخوف: امين يا ماما!
تاني يوم في بيت استاذ ابراهيم والد سـهام وسـلمى واحد الكل كان مشغول .. انهردا مش اي يوم دا يوم تحديد مصير سـهام!
سـلمى وسـهام في الاوضه وسـلمى بتساعد اختها انها تلبس
شويه والجرس رن
سـهام اتخضت ومسكت ايد سلمى: جه!
سـلمى طبطبت عليها وبصتلها
سـلمى: حبيبتي ياسـهام زي القمر والله
سـهام: انا خايفه ياسـلمى
سـلمى: متخافيش ياحبيبتي كل حاجه هتبأه كويسه انشالله
سـهام: خليكي معايا
سـلمى باست سـهام على راسها وحضنوا بعض
احمد خبط على باب اوضتهم
سـلمى: ادخل
احمد بعد مادخل: لالالالالالالا انا مش اد كدا .. ايه ياسـهام دا .. قمر ياحبيبتي
دموع سـهام نزلت قام جري عليها وخدها في حضنه
سـهام: دا الوحيد اللي هقابلو عشان خاطرك والله!
احمد: عارف ياسمسم .. بس كفايه عياط بأه يلا قومي معايا عريسك مستنيكي
سـهام: انا خايفه
احمد بص لسـلمى بعدين قال: سـهام احنا معاكي ياحبيبتي يلا بأه
سـهام: حاضر
احمد ماسك ايد سـهام وسـلمى طالعه وراهم
كمال اول لما شاف سـهام اتسم وفرح اوي
وسـلمى قامت مزغرطه
احمد ماسك ايد سـهام وقرب على كمال .. سـهام ماسكه جامد على ايد احمد
كمال وهوا بيمد ايده لسـهام ولسه مشالش عيونو من عليها: ازيك ياسـهام
سـهام سلمت عليه بخوف وعينها في الارض: الحمدلله!
سـهام دخلت على اوضتها ووراها سـلمى
كمال بعد ماقعدوا: انا يشرفني ياعمي اطلب ايد بنت حضرتك واوامركم كلها مجابه
الاب: ربنا يكرم اصلك يابني احنا معندناش طلبات احنا بنشتري راجل
كمال: الله يخليك ياعمي .. حضرتك عارف ان انا دكتور والحمدلله عندي شقه وشغلي مريحني ومفيش اي مشاكل وعندي استعداد استنى سـهام لحد اما تخلص براحتها
الاب: كلامك مفهوش عيب يابني على بركة الله بس في حاجه واحده بس لازم انك تعرفها عشان نكون على نور
كمال بقلق: خير ياعمي
الاب: خير انشالله .. سهام هيا اللي هتقولك عليها مش انا
وطلعت سـهام بالشربات ووراها مامتها
احمد: مبروك ياصاحبي
كمال: عقبالك يارب يااحمد
سـهام وهيا بتقدم الشربات لكمال:
كمال: الف مبروك ياعروسه
سـهام بحيره وخوف: الله يبارك فيك
شربوا الشربات وراحوا سـهام وكمال قعدوا بعيد شويه عشان يتعرفوا على بعض اكتر ويتكلموا براحتهم
سـهام قاعده ساكته ونفسها بس تعيط وتجري
كمال حاسس انها مكسوفه وبدأ هوا يتكلم: ازيك ياعروسه
سـهام وهي باصه في الارض: الحمدلله
كمال: ايه مش هتسأليني وانتا ازيك
سـهام: وانتا ازيك
كمال: ههههههههه انا تمام الحمدلله، ممكن بأه اتعرف عليكي اكتر؟
سـهام: اه اتفضل
كمال: طيب احكيلي انتي عن نفسك
سـهام بصت لاول مره في عينه .. دي مش اول مره تشوف كمال فيها لكن اول مره تحس بنظرة عنيه وجماله .. ارتبكت وبسرعه بصت في الارض
وقالت: بدرس هندسه سنه رابعه .. بحب دراستي اوي .. وكمان بحب اخواتي وبابا وماما اوي ونفسي اتخرج السنه الجايه وابدأ اشتغل
كمال: جميل ..
سـهام: ممكن اقولك على حاجه
كمال: اوي اوي .. اتفضلي
سـهام: في حاجه هتمنع الجوازه دي ولازم انك تعرفها
كمال اتخض وبلع ريقو .. وفضل ساكت وهوا سامعها
سـهام: من اربع سنين بعد ماخلصت انا وسـلمى 3 ثانوي طلعت نتيجتنا وكانت حلوه اوي وكانت هدية بابا لينا عربيه جديده
كمال: تمام ..
سـهام: فكرنا انا وسـلمى نطلع اسوع نصيف فيه في اسكندريه مع اصحابنا وفعلا بابا وماما وافقوا ..
وسكتت فجأه !!!!!!
كمال: كملي!
سـهام: بابا كان مأجرلنا سواق وخدنا العربيه وكنا انا وسـلمى والسواق وكذا بنت صاحباتنا في عربيتنا وعربيه تانيه وطلعنا
قضينا اسبوع جميل اوي هناك وكنا نفسنا نعض اسوع تاني واستأذنا من اهلنا ووافقوا
كمال: وبعدين؟
سـهام: في نص الاسبوع التاني بابا كلمنا وقالنا لازم نرجع عشان احمد تعبان اوي وكانت دي اول مره تجيلو الازمه فيها ..
كمال: فعلا من ابرع سنين تقريبا احمد اول مره تجيلو ازمة قلبه دي
سـهام: بالظبط، خدنا العربيه والسواق وطلعنا بسرعه عالقاهره وكان الطريق ضلمه .. وعملنا حادثه !!
كمال ساكت وباصصلها ومستنيها تتكلم لكن لقاها ساكته ودموعها بدأت تنزل! قرب منها ومسك ايدها وطبطب عليها عشان تهدا
سـهام ارتبكت اوي من الحركه دي وقامت بعدت عنو فجأه
كمال حس بربكتها
كمال: صدقيني ياسهام مش محتاجه تحكيلي حاجه انا من زمان عايزك مهما كان فيكي عيوب. واخيرا قدرت اوصلك
سـهام بصتله واتفاجأت بكلامه ..
كمال: والله ياسهام من زمان وانا فكر فيكي وعايزك وبتمناكي لنفسي ومستني الوقت المناسب اللي اجي اتقدمالك رسمي فيه ومش قادر اوصف احساسي دلوقتي وانتي معايا اخيرا
كل دا وسـهام ساكته وبصالو ومصدومه مش قادره تصدق اللي بتسمعو دا كله .. حست انها مبسوطه اوي وفي نفس الوقت مجروحه من اللي فيها ولازم ان هوا يعرفو مينفعش تظلمه معاها!
سكتت ومبأتش عارفه تعمل ايه !!!!
ليست هناك تعليقات:
إرسال تعليق