سـلمى وكريم بنظرات خووف: في ايه يا سهام
سـهام: احمد جاتلو الازمه تاني ونقلوه على المستشفى
كريم: ليه كدا بس
سـلمى: اكيد بسبب خناقتي معاه امبارح .. انا السبب!
سـهام: ياجماعه مش وقتو احنا لازم حالا نكون هناك
كريم: تعالو انا هوصلكو
سـهام: لا مفيش داعي هناخد تاكسي ونرووح احنا
كريم: عيب يا سهام يلا بينا انا لازم اطمن عليه بنفسي
وصلوا المستشفى كان احمد في العنايه المركزه وكريم وسلمى وسهام ووالد ووالدة احمد برا مستنين حد يطمنهم!
لحظات والدكتور طلع
الام: ها يادكتور كمال طمنا
د/ كمال: سليمه انشالله الحاله مستقره هيا مجرد ازمة القلب زي كل مره ساعه اتنين بالكتير وصاحبي هيفوق بس لازم يقعد عالمحاليل يومين ميخرجش من البيت
الاب: طب يادكتور هيطلع امتى من العنايه
د/ كمال: نص ساعه ويكون اتنقل لغرفته وتقدروا تبقو معاه
الام: ربنا يطمن قلبك يابني
د/ كمال: بعد اذن حضرتك ياعمي ممكن دقيقتين بس
الاب: اه يادكتور اوي اوي
الام فضلت باصه عليهم بقلق وخوف بعد ما د/ كمال اخد بابا احمد بعيد .. حست ان ابنها فيه حاجه والدكتور مخبي عليها عشان متقلقش
سـهام خدت بالها من نظرات مامتها راحت وقفت جنبها ومسكت اديها وكريم واقف يهدي سلمى اللي كانت منهاره عياط خوف على اخوها
د/ كمال: مخبيش عليك يا استاذ ابراهيم .. احمد المرادي تعب جامد اوي ولازم ياخد باله من نفسه شويه عشان بأه في خطوره على حياته
الاب: انتا بتقول ايه يادكتور
د/ كمال: احمد ضربات قلبه ونفسو مبقوش مظبوطين كل مره مع الادويه والمحاليل بيتظبطوا المرادي في قلق على حياته ارجوك تخلي بالك من انفعلاته ممكن المره الجايه يدخل في غيبوبه طويله ودا هيأثر تأثير سلبي على حياته ومن ناحيه تانيه انا مش هسيب صاحبي وهفضل جنبه وهحاول افهمه بطريقه غير مباشره لاني فعلا خلاص بدأت اقلق عليه
الاب: لا حول ولا قوة الا بالله طب والعمل ..؟
د/ كمال: زي ما قلت لحضرتك يهدى ويسيطر على انفعالاته واعصابه على اد مايقدر وانا هبأه جنبه وعموما انا كتبتله على ادويه يلتزم بيها وبصراحه انا مردتش اقول الكلام دا قدام والدته عشان متخافش
الاب: ربنا يخليك يابني متشكرين
د/ كمال: ولا يهمك ياعمي احمد دا اخويا وعشرة عمري .. عن اذن حضرتك
ومشي الدكتور ..
الام جريت على جوزها: ايه ياابراهيم طمني .. دكتور كمال كلمك في ايه
الاب بعد ما كريم وسلمى وسماح اتلموا حواليه: ابدا ياجماعه كان عايز يقوللي ناخد بالنا من احمد
الام: ابراهيم انتا مبتعرفش تكدب ولا تخبي قوللي دا بس اللي كان عايزك فيه؟
الاب لسه هيرد بصوا كلهم لقوا احمد مطلعينه من غرفة العنايه وفاقد الوعي ومركبينله محاليل .. جريو كلهم عليه وسهام بصت لباباها لانها الوحيده اللي فاهماه وهوا بصلها بانكسار فهمت من نظرته ان فيه حاجه !
بعد ما روحوا البيت واحمد ارتاح وفاق بعدها بكام يوم
كريم اتصل بسلمى واتفق معاها يجيلهم هوا ومامتو عشان يتكلمو في موضوع الفرح وسلمى فرحت وراحت قالت لباباها ومامتها وهما فرحوا وقالولها يشرف في اي وقت ..
كريم ومامته وصلوا عند سلمى البيت وكان الكل في انتظارهم
الاب " ابراهيم " : اهلا اهلا نورتونا اتفضلوا
كريم: ربنا يخليك ياعمي
والدة كريم: ازيك يااحمد يابني الف سلامة عليك صحتك اخبارها ايه دلوقتي
احمد: الله يسلم حضرتك لا انا بخير الحمدلله
سـهام: اومال فين هاله ياطنط بقالنا كتير مابنشوفهاش
والدة كريم: انتي عارفه يابنتي السنادي اخر سنه ليها في كلية صيدله اللي مطلعه عنينا وعندها كل يوم والتاني امتحانات
سـهام: معلش ياطنط ربنا يوفقها وتخلص على خير
والدة كريم: امين يابنتي يارب عقبالك
سـهام: ااااه بس ياطنط امتى اخلص السنه الجايه بأه وابأه اخيرا مهندسه
كريم: ياستي خلصي انتي بس وملكيش دعوه بعد كدا بالشغل شركتنا مستنيه ناس شاطره زيك كدا بس انتي انجزي بس
سـهام: هههههههه انشالله خير ياكريم يارب
والدة كريم: اومال فين عروستنا مش هنتكلم في المهم ولا ايه
احمد: هقوم اندهلها
احمد في اوضة سلمى: ااخ عالقمر بس. ايه يابت الحلاوه دي ولا كأنك هتتجوزي مثلا
سـلمى: احمد بجد بجد انا حلوه؟
احمد: انتي لو مش اختي كنت خطفتك
سـلمى: هههههههههه
والدتهم من بعيد جايه بتنده على سلمى
لما وصلت لقتهم بيضحكوا
الام: ياعيال بتضحكوا والناس برا مستنياكم
سـلمى: اهو اهو انا مخلصه يلا بينا
الام: بسم الله ما شاء الله ربنا يحميكي يابنتي زي القمر
سـلمى ابتسمتلها وطلعوا التلاته للضيوف
كريم اول ما شاف سلمى قام وقف وقلبه فضل يدق جامد اوي .. حس انه اول مره يشوف سلمى حلوه اوي كدا ♥
ليست هناك تعليقات:
إرسال تعليق