سـهام قررت انها تواجهه لأنها مستحيل تخبي عليه حاجه زي كدا
سـهام: كمال انا لازم اكمللك كلامي ولازم تعرف انا فيا ايه
كمال: مهما كان فيكي عمري ماهسيبك .. كملي انا سامعك
سـهام: فضلنا شهر في المستشفى وكل دا انا في غيبوبه طول الشهر دا .. لما فوقت عرفت ان السواق اتوفى وان سـلمى رجلها اتجزعت وحصلها شوية كسور بس الحمدلله بأت كويسه وان انا عملت عمليه ..
وسكتت !!
كمال: عملية ايه
سـهام: استئصال الرحم.!
وبصت في الارض عشان خافت من ردة فعل كمال وكملت: كان عندي مشكله في الرحم من قبلها بفتره وكنت بتعالج بس الحادثه استدعت ان الرحم يستأصل
عدت 5 دقايق سـهام حست انهم 5 سنين وهما ساكتين
بصتله لقيته بيبتسملها وساكت
سـهام بذهول وبصوت واطي كأنها بتكلم نفسها: مش هقدر اخلف!
كمال وهوا لسه مبتسم: بحـــــبك ياسـهام
سـهام: انتا بتقول ايه
كمال: بقول بحبــــــــــــك!
سـهام: يعني ايه !!؟
كمال: طول عمري بحلم اعيش مع اللي هيختارها قلبي لوحدنا مكنتش اتمنى تنشغل عني مع ولادنا وتحبهم اكتر مني كنت عايز انا وهيا لوحدنا نفضل طول العمر وتفضل ليا انا وبس
سـهام ساكته وجواها فرحه نفسها تصرخ باعلى صوت وتقول بحبــــــــــــــــــــك ياكماااااااال
كمال: مالك ياسهام ساكته ليه
سـهام: مش مصدقه اللي سمعتو منك دلوقتي دا !
يعني كنت فاكره ان عمري ماهتجوز ولو اتجوزت هتجوز واحد يعايرني ويقوللي انتي مبتخلفيش ويتجوز عليا ويذلني!
كمال حط ايده على شفايفها وقالها: اوعي اسمع الكلام دا منك مره تانيه انا هبأه جوزك لوحدك وكل يوم هحبك اكتر من اليوم اللي قبلو هدلعك وهعمل كل حاجه تريحك ومستحيل هتيجي بينا لحظة زعل .. اوعدك!
سـهام كانت حاسه ان الفرحه مش سايعاها كانت حاسه انها لوحدها مع كمال .. حست فجأه انها بجد بتحبو اوي ولاخر يوم في عمرها هتفضل عايشه بس عشان تسعدو وتبأه جنبو
كمال زي مايكون حس باللي هيا بتفكر فيه وابتسملها
سـهام كانت نفسها تحضن ابتسامته، بصتلو وقالتلو: انتا ازاي كدا
كمال: انتي اصلك لسه متعرفيش انا اد ايه بحبك واد ايه حلمت بيكي
سـهام كان نفسها تقوللو بحبـــــــك بس اتكسفت
كمال: متقوليش حاجه، قلبي سامعك ودا كفايه عليا
سـهام اتكسفت وابتسمتلو وهيا مش فاهمه ازاي قادر يقرا اللي جواها من غير ما تتكلم
كمال قعد يحكيلها عنو وهيا باصاله وبتفكر اد هوا جميل في كل حاجه
فات الوقت بسرعه وكان لازم كمال يمشي ..
اخد رقم تليفونها وقعد مع باباها واحمد وقروا الفاتحه واتفقوا يكون ميعاد الخطوبه بعد فرح سـلمى باسبوعين ومشي ..
كمال مشي من هنا وسـلمى بصت لسـهام بخبث ..
سـهام فهمت ان سـلمى عايزه تعرف حصل ايه قامت طلعت تجري ووراها سـلمى لحد ما دخلت سـهام الاوضه بسرعه وقفلت عليها وسـلمى على الباب برا قاعده تخبط
سـلمى: افتحي ياسهاااااااااام عايزه اعرف حصل ايه
سـهام وهيا ميته من الضحك: مش هقووووووووووول
سـلمى: اخلصي بأه ياسهام احكيييييييييييلي
سـهام: مستحييييييييييييييييييل
سـلمى قامت ستكتت وسـهام حست ان سـلمى زعلت قامت فتحت الباب لقت سـلمى مستنياها وباصالها وهيا مقموصه
سـهام قامت قرصتها من خدها وباستها
سـلمى بدلع: ياسلام ياختي
سـهام: هههههههههههه خلاص ياسولي متزعليش
سـلمى كانت مبوزه وبسرعه ابتسمت بخبث تاني
سـهام: ههههههههههههه
سـلمى: فاهماااااااااااااني .. يلا احكي بأه
الام من بعيد: سـهاااااااام
سـهام: ماما تنده تعالي نشوفها
سـهام وسـلمى راحوا لمامتهم وباباهم واحمد وكلهم مستنيين سـهام تتكلم
سـهام حكتلهم على اللي حصل وسـلمى قامت مزغرطه وباركولها
احمد خد سـهام في حضنو وقالها: مبروك ياست البنات
سـهام: مش عارفه من غيرك كتا عملت ايه انا يااحمد
احمد: انا جنبك دايما
تاني يوم الصبح موبايل سـهام رن وهيا نايمه .. كانت سامعه صوته وهوا بيرن لكن كانت مكسله تبص عليه وترد .. كملت نوم شويه والموبايل رن تاني مسكته وبصت عليه بكسل لقيت كمال بيتصل اتنفضت من على السرير وبصت على سرير سـلمى لقيتها نايمه وفي لحظه كانت سـهام بتنط على سرير يـلمى وبتصحيها
سـهام: سلمممممممممممممى كمال بيتصل قووووووووووومي
سـلمى: يووووووووه ياسـهام وانا ماااااالي !؟
سـهام: ارد اقوللو ايه اصحيييييييييييي !
سـلمى: يابنتي عايزه انام سيبيني ونبي كان خطيبي ولا خطيبك
سكت الموبايل ورن تاني
سـهام: ونبي ياسـلمى قومي ردي عليه
سـلمى: كان كريم يدبحني
سـهام: طب قوليلي اعمل ايه
سـلمى: هاتي كدا الموبايل
سـهام ادت سـلمى الموبايل وقامت فاتحه الخط على كمال وحطت الموبايل بسرعه على ودن سـهام وبصت الناحيه التانيه
سـهام كانت عايزه تدبحها معرفتش تعمل ايه وسامعه صوت كمال قاعد يقول الو الو؟
سـهام: الو
كمال: ايه ياسهام نايمه قلقت نومك ولا ايه
سـهام: لالالالالالالا ابدا مفيش اي حاجه
كمال: طب صباح الخير ياجميل
سـهام بارتباك وابتسامه خفيفه: صباح النور
كمال: عامله ايه بأه
سـهام: كويسه الحمدلله
كمال: ايه ياسـهام مالك في حاجه؟ اتصالي دا دايقك؟
سـهام قامت على سريرها ونامت عليه وابتسمت وقالتله: ابدا بالعكس انا مبسوطه
كمال: بجد والله؟
سـهام: حست انها اتكسفت اوي وحبت تغير الموضوع: ها انتا في الشغل ولا ايه
كمال: ههههههههههههه غيري الموضوع غيري عموما لاء انهردا اجازه الصبح انهردا الجمعه ببدأ في العياده من 7 بليل ومفيش مستشفى الصبح
سـهام: ياااااااه انتا على كدا بتتعب اوي
كمال: بس معاكي اكيد هلقى راحتي
سـهام اتكسفت اوي المرادي وارتبكت جامد
وقالتله: كمال انا لازم اقفل ماما عايزاني
كمال: ماشي خدي بالك من نفسك ومتنسيش تطمنيني عليكي
سـهام: حاضر .. سلام
كمال: سلام
سـهام قفلت الخط من هنا ومسكت المخده وحضنتها وابتسمت وسرحت في صوت كمال اللي فضل يرن في ودانها ومش سامعه غيره
سـلمى كل دا كانت صاحيه بس سـهام مش واخده بالها
سـلمى فضلت تنده على سـهام وسـهام ولا هيا معاها ولا سامعاها
سـلمى: بت ياســــــــــمسم .. يابنتي .. سمسممممممممممممم
يابت شكلك وقعتي جامد اووووووووووي
كل دا وسـهام مش معاها اصلا
سـهام في حلم جميل اوي غمضت عيونها وضمت مخدتها ليها اكتر وفضلت تقول جواها .. معقوله بحبه! بالسرعه دي! ازاي
بس بردو هوا يتحب .. مفهوش اي حجه وحشه .. شخصيه وشكل واخلاق وذوق وشغل .. وبيحبني .. كل حاجه فيه حلوه .. يااااااه ياربي الحمدلله بجد انا صبرت ونولت .. مكنتش اتخيل اوصل لربع اللي انا فيه دا وكنت فاكره ان حياتي كدا خلاص انتهت بس الحمدلله فعلا وعسى ان تكرهوا شيئا وهو خير لكم مين عارف لو كنت بخلف كان حصل بينا ايه مشاكل بسبب انه مش عايز خلفه زي مهوا فضل يقوللي! معقوله بجد ربنا عوضني .. الحمدلله يارب الحمدلله ..
نعست سـهام وكملت نومها ولما سـلمى حست ان سـهام فعلا سرحانه ومش سامعاها وتقريبا نامت قامت نايمه هيا كمان
عدى يومين مفيش فيهم اي جديد
يوم الاتنين الصبح بدري الساعه 7 كانت سـهام وسـلمى بيلبسوا واحمد بيلبس عشان ينزل يوصلهم الجامعه ويروح هوا على شغله
سـهام وهيا بتلبس بصت لسـلمى
سـهام: سولي .. انهردا اول مره كمال ميكلمنيش الصبح من يوم قراية فتحتنا .. تفتكري يكون فيه ايه
سـلمى: اوبااااااا في ناس هنا واااااااااااقعه
سـهام: الله بأه ياسولي هوا مش انتي بتقلقي ساعات على كريم
سـلمى: ايوا بأه .. قلقان ياجميل؟
سـهام حطت ايدها على وشها من الكسوف بعدين قالت: انا بجد قلت اني قلقانه عليه؟
سـلمى: هههههههههههه حصل
لسه سـهام هترد سمعوا صوت جرس الباب بيرن
بصوا لبعض باستغراب
سـهام: ياترى مين جاي في الوقت دا
سـلمى: مش عارفه!
شويه واحمد خبط عليهم الباب
سـهام: ادخل
احمد بعد مادخل: سـهام بسرعه تعالي شوفي !!
سـهام وسـلمى: فيه ايه!!!!!!!؟
احمد شد ايد سـهام وخدها على برا وسـلمى وراهم
ليست هناك تعليقات:
إرسال تعليق