" زي مااكون بحبه !!!!!! "
" اوبااااااا اديني في التقييييييييييل .. ازاي يعني بأه فهميني كدا بالراااااحه اوي "
في اللحظه دي سامر حس انه هيقع من طوله من اللي سمعه .. معقوله اخيرا بدأت تحس بيه
" مش عارفه والله يا ايه بصي من امبارح وهوا مش راضي يروح من بالي وانهردا الصبح كنت مبسوطه اوي ونمت عالسرير وغمضت عيني واول حاجه شفتها هيا صورته وصلت بيا اني مردتش افتح عنيا عشان ميروحش شكلو من بالي .. وانهردا وانا جايالك المنظر اللي انتي شفتيه بيه دا بسببي .. اتخانق عشاني يا ايه "
" الله الله ياعيني عالكلام ياسيدي تعالى ياسامر واسمع الحب وسنينه "
الاء حطت ايدها على شفايف ايه بسرعه وبصتلها بعصبيه
" ايه بسسسسس وطي صوتك دي جزاتي اني بحكيلك يعني "
" هههههههه وانتي تقدري اصلا تحكي لحد غيري .. كملي كملي وبعدين ايه حصل "
" وبس ياستي بس المشكله انو قاللي انتي زي ايه اختي واكيد لو هيا مكانك هعمل كدا بردو معاها "
" اممممممم .. "
" امممممم ايه !! ايه رأيك بأه "
" انتي شايفه ايه "
" انا شايفه اني اتخنأت اوي لما قاللي كدا "
" يبأه وقعت يامعلم ومحدش سمى عليك "
" يووووووه بطلي بأه شغل الولاد دا يا ايه قوليلي اعمل ايه "
" تعملي ايه في ايه يابت انتي!! واحده وبتحب واحد بيموت فيها عايزه تعملي ايه يعني "
" لاء هوا شايفني زي اخته "
" هوا قالك كدا عشان شاف ان موضوعك خلاص يأس منه اما هوا لو عليه اسأليني انا دا امبارح قعد يقول بحبك ياالاء لحد اما نام "
سامر اول لما سمع الكلمتين دول ابتسم وقال جواه " اللللللللللللللللللللله عليكي يا ايه ظبطيني كمان وكمان هيا دي الاخت بصحيح "
تليفون البيت رن وقامت ايه ترد عليه في اوضتها
سامر استغل الفرصه ودخل الصاله .. اول لما شاف الاء ابتسم وراح قعد عندها
" تسمحيلي؟ "
الاء ارتبكت واتكسفت اوي بس معرفتش تعمل ايه
" اه طبعا اتفضل "
" عامله ايه "
" انتا اللي عامل ايه سنانك واجعاك "
" متقلقيش علينا احنا ياما اتاكلنا ضرب اتضربنا وضرنا ايام ثانوي والكليه "
" هههههههه وكنت بتضرب ولا بتضرب "
" بيني وبينك كنت بتضرب بس كنت بضرب بردو شويه يعني "
" هههههههههههههه "
" ايوا كدا اضحكي بلاش دموعك اللي شفتها انهردا وامبارح دي تاني "
الاء اتكسفت وبصت في الارض وابتسمت ..
وسامر لاحظ ابتسامتها وقلبه ارتاح اوي .. حب يغير الموضوع عشان ميدايقهاش
" ها لسه ناويه تدخلي هندسه انتي والمجنونه اللي جوا دي "
" اه انشالله "
" خير انشالله ربنا يسهللكو ويكتبلكو اللي فيه الخير "
" هوا انا ممكن اسألك سؤال غلس شويه "
" اه طبعا اوي اوي اتفضلي "
" هوا انتا دخلت ثانوي واتخرجت ودخلت كليه واتخرجت وبأيت بتشتغل في بنك وماشالله شغلك حلو اوي ومركزك كمان عالي .. وبقالك سنتين متخرج اهو .... ليه لسه مرتبطتش "
" نصيب "
" هوا انتا عمرك حبيت قبل كدا "
" حصل "
" وليه مكملتوش "
" بردو نصيب .. دلوقتي هيا عندها عيال يمكن أدك "
" هههههههههههه .. ماشي الله يسامحك "
دخلت عليهم ايه لقتهم منسجمين اوي وبيضحكوا .. انبسطت جدا وقالت في نفسها يارب لو تبأو لبعض
قعدوا هما التلاته يتكلمو شويه ويهزروا وبابا الاء اتصل بيها وكان لازم تمشي ..
روحت على بيتها سلمت على باباها وقعدت تتعشى معاه ودخلت على اوضتها تنام
حطت دماغها عالسرير وسرحت مع سامر .. وهيا مش فاهمه ايه سر احساسها العالي بسامر ماهي دايما تشوفه وياما ايه تكلمها عنه وتقوللها انه بيحبها وهوا نفسه قالها انه بيحبها بس عمرها ما كانت بتفكر فيه اكتر من انو اخوها بالظبط .. يمكن دا بسبب علي؟ .. يااااه علي !! انا حتى مبأتش افتكره ولا افكر فيه .. معقوله خلاص مبأش يجي فـ بالي وانا مش واخده حتى بالي من دا !
طب ياترى دا بسبب انه بعد بقالو دلوقتي سنه ولا بسبب ان خلاص معدش فيه امل نبأه لبعض .. ولا يمكن!!!!!؟
يمكن بسبب سامر؟ معقوله بجد اكون عملت في نفسي كدا !! انا اللي قفلت قلبي بالمفتاح ورميت المفتاح في مكان انا نفسي مش عارفه مكانه عشان مفتحش قلبي تاني معقوله سامر اللي لقى المفتاح دا؟
مش عارفه .. طب و ايه اختي دي !! هوا بجد شايفني اخته .. يووووه مش عارفه .. انا كل اللي عارفاه اني فعلا سامر شاغل تفكيري بطريقه فظيعه وانهردا وانا قاعده معاه كنت مرتاحه جدا .. مجرد نظرة عينه ليا بتفرحني وتبسطني صح بتكسفني بس ببأه طايره في السما وكأن مفيش حد في الدنيا قدامي غيره .. ازاي بالسرعه دي حصل كل دا !!!
فضلت تفكر كتير اوي لحد ما نعست ونامت
في نفس الوقت دا كان سامر قاعد مع ايه بيتكلمو
" ايه انا عايز اقولك على حاجه "
" ايه يا سامر في ايه قول "
" انا عايز اتقدم لـ الاء "
" ايـــــــــــه !!!!!!!!؟ "
" ايه يابنتي مالك !! "
" تتقدملها ازاي يعني "
" زي الناس يا ايه فيكي ايه اروح واتكلم مع باباها بس بعد ماتخلصوا امتحانات وتطلع نتيجتكوا انشالله "
" فكرك هيا توافق "
" اه "
" ايه الثقه دي يابني "
" سمعتها وهيا بتتكلم معاكي عني بالصدفه وعرفت انها مشغوله بيا يعني خلاص علي راح من بالها وخلاص انا موجود في حياتها دلوقتي غصب عنها وبمزاجها "
" ايه الكلام الغريب دا "
" غصب عنها لانها كانت رافضه وبمزاجها عشان هيا فعلا عايزه تفكر فيا انا شفت دا في عنيها انهردا كذا مره .. مشفتيش كان شكلها ايه وهيا بتمسحلي الدم اللي على وشي "
" ياعيني ياعيني عالحب ياناااااااس والله ووقعتوا ياعيال "
" يووه بأه بتكثف ياخويا "
" ههههههههههه لا يابيضه متتكثفيش الحب مكتوب عليكي والله .. اشحال لو مسمكش سامر ياعم غور بأه "
" ههههههههههههه بأه كدا يا ايه طب تعالي "
فضل يجري وراها البيت كلو ويضحكو لحد ما مامتهم ندهت عليهم عشان يهدو الوقت متأخر ..
وكل واحد دخل اوضته
وكالعاده سامر فضل يفكر في الاء لحد ما نام
تاني يوم الصبح سامر صحى ولبس ونزل على شغله
وفي بيت الاء باباها دخل عليها صحاها وقالها انه هيحاول ميتأخرش انهردا وكان محضرلها الفطار باسها على راسها ونزل على شغله
قامت من على سريرها غسلت وشها وقعدت تفطر
خلصت فطار واتصلت بـ ايه صحتها وقعدوا يذاكروا كل واحده لوحدها
عالساعه 4 كان سامر خلص شغله واتصل بـ ايه
" الو يا بت انتي "
" عايز ايه يا زفت "
" في واحده محترمه تقول لاخوها الكبير زفت يا بنت "
" وفي واحد محترم يقول لاخته بتتتتتتت "
" اه بت وست البتات كمان "
" ااااااااااه فهمت .. عايز ايه من الاخر يامصلحه "
" عارفه يا ايه احلى فيكي انك فاهماني هههههههههه "
" امممممم مش هرد عليك "
" طب ياختي اسمعي بأه .. انتي مش قلتي ان ابو الاء طلق مراته "
" اه ليه "
" طب اكيد انهردا باباها راح الشغل وهيا لوحدها متخليها تيجي تتغدى عندنا "
" مش بقولك مصلحه "
" هههههه حبيب قلبي .. بس اوعي تقوليلها ان انا اللي قلتلك "
" اكيد يا سامر باشا .. عموما حاضر روح بأه عشان بذاكر "
" لاء تذاكري ايه الساعه 4 الحقيها قبل ما تاكل وقوليلها تذاكروا سوا بعد الغدا "
" ماشي ياسامر يلا بأه "
" ماشي يابت سلام "
" بردو بت طب مش مكلماها "
" لالالالالالالا ياحبيبتي انتي والله "
" ماشي ياسامر والله لاذلك بيها بعد كدا "
" طب اقفلي دلوقتي "
وقفل في وشها وفتح باب عربيته كانت واحده زميلته معاه في الشغل واقفه جنب الباب وشاورتله
نزل من العربيه وسلم عليها
" ايه يامريم في حاجه ولا ايه "
" اه في "
" اؤمري "
" انا بحبك يا سامر !!!!! "
ليست هناك تعليقات:
إرسال تعليق