احمد: حبيب قلبي الف الف مبروك طب وهيا هتقدر تتجوز وتمتحن وتسافر وترجع تدرس ولا هيبأه صعب توفق بين دراستها وبيتها؟
كمال: لالا انشالله هتقدر .. انا خدت رأيها وهيا موافقه ومبسوطه كمان
احمد: على بركة الله بس امتى هيكون الفرح
كمال: في نفس الوقت اللي هيتعمل فيه فرح سـلمى وكريم
احمد: الف مبروك ياصاحبي ربنا يتمملكوا على خير يارب
كمال: ربنا يخليك ياحبيبي عقبالك انتا مش ناوي ولا ايه
احمد: هيا السنادي اخر سنه ليها يادوب هتخلص من هنا امتحاناتها ونعمل الفرح على طول انشالله
كمال: على خير ياصاحبي عن اذنك بأه عشان اروح البيت انام احسن انا مقتول
احمد: هشوفك بكرا؟
كمال: اكيد طبعا لازم ابأه في خطوبة اخويا من غير مايقوللي بس امتى وفين
احمد قاللو على المكان والوقت وقفلوا مع بعض
بعد ماقفلوا احمد ريح راسوا على الكرسي في مكتبه وغمض عنيه وابتسم وقال في نفسه: يااااااه اخيرا هرتاح واطمن عليكوا يابنات الحمدلله كنت قلقان اوي خصوصا على سـهام بس والله ربنا عوضها براجل ولا اي راجل .. الحمدلله يارب
فتح عنيه وبص على الموبايل لقى نرمين بتتصل ارتاح اكتر وابتسم ورد عليها
نرمين: الو
احمد: صباح الخير على عيون حبيبي
نرمين: يااااااه من زمان مصحتش على صوتك وحشتني
احمد: انتا اللي وحشتني ياشقي يامعذبني انتا
نرمين: ههههههههه بعيد الشر عنك من اي حاجه وحشه
احمد: عامل ايه ياحبيبي
نرمين: الحمدلله انا كويسه اهو .. فينك كدا
احمد: اديني في المكتب اهو انتي فينك
نرمين: انا لسه صاحيه .. ورايا حاجات كتير لازم اعملها ..
بس في حاجه مهمه اوي لسه ورايا ..
احمد: ايه هيا
نرمين: انا يوم ما كنت هتخطب لوليد
احمد: نرمين ما بلاش السيره دي
نرمين: اسمعني بس .. كنا نزلنا اتفقنا على فستان عشان الخطوبه وطبعا مش هجيبه ومش هلبسو ..
احمد: وبعدين
نرمين: عايزاك تنزل معايا انهردا ننقي فستاني ممكن؟ وكمان عايزين نشوف قاعه فاضيه بكرا ونلحق احسن منلقاش
احمد: عنيا ليكي بس مين هينزل معانا
نرمين: ماما مشغوله جدا وجاينلها ضيوف قرايبنا من بلد بابا الله يرحمو يباتو عندنا عشان يحضروا خطوبتي بكرا فـ متقدرش تيجي ونسرين مشغوله مع جوزها وبنتها وتقريبا في تطعيم لحنين انهردا عشان كملت سنه ونص يعني محدش عندي فاضيلي
احمد: طب هشوف سـلمى وسـهام تذا فاضيين واقولك
نرمين: خلاص ماشي اتفقنا .. انا هقفل دلوقتي عشان ورايا مليون حاجه خد بالك من نفسك وابأه كلمني نشوف هنعمل ايه
احمد: ماشي ياحبيبتي سلام
نرمين: سلام
في بيت استاذ ابراهيم
سـهام: ليه بس يا بابا الله!
الاب: يابنتي ياحبيبتي افهميني .. انا خايف على مصلحتك الخطوبه في ميعادها بعد فرح اختك باسبوعين والفرح خلصي امتحاناتك وتاني يوم اتجوزي مش همنعك
الام: بابا معاه حق ياحبيبتي انتي لو اتجوزتي قبل امتحاناتك على طول كدا ممكن ينشغل بالك ومتعرفيش تركزي ومفرقتش يادوب اسبوعين واختك تتجوز واسبوعين وانتي تتخطبي وشهر تخلصي فيه امتحاناتك وتاني يوم ياستي اتجوزي .. ايه الفرق بين دلوقتي وبعد شهرين
سـهام: بس يا ماما ..
سـلمى: سـهام بصراحه انا معاهم .. يعني انا لولا ان كريم خلاص مشطب الشقه وبقالنا 3 سنين مخطوبين لولا وافقت اتجوز قبل امتحاناتي .. لكن انتي لسه حتى متخطبتيش ياسـهام وبين خطوبتك والجواز شهر امتحانات مش 3 سنين
سـهام: خلاص اللي تشوفوه
احمد جه من برا لقاهم كلهم قاعدين
الام: حماتك بتحبك لسه كنا هنجيب الاكل ونتغدى ادخل يلا غير هدومك وتعالى ناكل كلنا سوا
احمد حس في حاجه مش طبيعيه وخصوصا لما بص لسـهام حس انها مش مبسوطه
احمد: خدي ياسـهام عايزك
سـهام: حاضر
احمد: عن اذنكوا
الام: اتفضل يابني
ودخل احمد وسـهام اوضة احمد واحمد قفل باب الاوضه
سـهام اتغربت وقالت في نفسها يمكن عشان كمال كلمه وهوا كمان معترض بس محبش يحرجني قدام ماما وبابا وسـلمى ويطلع هوا بس اللي رافض
احمد لسه هيتكلم سـهام بصتلو وقالتلو: متخافش مش لوحدك رافض
احمد: رافض ايه
سـهام: رافض جوازتي دلوقتي
احمد: ومين قالك اني رافض
سـهام: اومال جبتني الاوضه لوحدنا ليه
احمد: عشان حسيت في عنيكي انك مكسوره وزعلانه قلت اشوف مالك
سـهام بدأت عيونها تدمع .. احمد اخدها في حضنو وهداها
احمد: اهدي ياحبيبتي وفهميني مالك .. كمال مزعلك ولا ايه
سـهام وهيا لسه في حضنو: كمال الوحيد اللي مش بيزعلني
احمد بعدها عن حضنو ومسحلها دموعها بايده: اومال مالك ياسمسمتي ايه الدموع دي
سـهام: ماما وبابا مش موافقين نتجوز انا وكمال قبل الامتحانات بيقولو هنشغل وسـلمى قالتلي معاهم حق
احمد: ياحبيبي هوا دا اللي مزعلك خلاص ولا يهمك انا هكلمهملك
سـهام: لاء متكلمش حد شكل سـلمى متتمناش يبأه فرحي وفرحها في نفس اليوم
احمد: بس ياعبيطه .. قومي اغسلي وشك وانا هغير هدومي ونتغدى وبعد الغدا نشوف الموضوع دا ...
سـهام: حاضر
احمد: بقولك ايه وراكي حاجه انهردا
سـهام: اه عندي كورس الساعه 6 ليه في حاجه
احمد: ابدا مفيش كنت عايز حد ينزل معانا انا ونرمين نشوف الفستان بتاعها ونحجز قاعه
سـهام: طب شوف سـلمى او ماما
احمد: اه هشوفهم .. خلاص بأه سيبيلي كل حاجه ومتزعليش نفسك
سـهام: حاضر
دخلت سـهام غسلت وشها وطلعت واحمد غير هدومه وطلع وقعدوا كلهم يتغدوا
احمد: ماما .. سـلمى حد فيكو فاضي انهردا
سـلمى: لاء انا وماما نازلين نكمل حاجاتي بتاعت الفرح ولسه ملقناش فستان حلو اشمعنا
احمد: اصلي كنت عايز حد فيكو ينزل معايا انهردا وانا بنقي فستان نرمين معاها وكمان عايزين نحجز القاعه لبكرا
الام: طب يابني ما تاخد اختها او مامتها
احمد: مشغولين هما كمان
الاب: انزلوا لوحدكوا ماخلاص دي خطيبتك
احمد: اسأل اهلها الاول
سـلمى: ماتروحي معاه ياسـهام
احمد: عندها كورس انهردا
سـلمى: اه صح
وفجأه رن موبايل سـهام رن
سـهام طلعت جري على اوضتها
احمد: هههههههه زمانو كمال .. الا صحيح يا بابا ليه مصعبين الموضوع عليهم كدا
الاب: فين دا يابني
احمد: يعني رافضين يتجوزوا مع سـلمى وكدا
الام: عشانها يا احمد والله عشان متنشغلش عن امتحاناتها
احمد: طب ماهي سـلمى هتتجوز قبل امتاحانتها ايه الفرق
الام: سـلمى بقالها 3 سنين مخطوبه دا الفرق
احمد: يا سلام! ومش هتنشغل عن مذاكرتها يعني
الام: مش عارفه بأه
احمد: بسطوها شويه دي سـهام ماصدقنا فرحت ولا ايه
الاب: طبعا يا احمد وانا لو اطول اديها عيني هيا او انتا او سـلمى مش هتأخر
سـلمى: ربنا يخليك لينا يا بابا
احمد: وانتي ياسـلمى مالك مش عايزه تتجوزي مع سـهام في نفس اليوم ولا ايه
سـلمى: انا بردو؟ دي توأمي !!
احمد: هيا حاسه بكدا !
سـلمى: ابدا والله
احمد: خلاص يا جماعه طالما هيا شايفه انها اد المسؤوليه وتقدر تظبط حياتها وتنظم وقتها بين بيتها ودراستها ايه المشكله بأه !!!؟
ليست هناك تعليقات:
إرسال تعليق