علا كانت ماسكه في ايدها صوره مسكتها ورمتها على خالد
وطلعت تجري برا البيت
بص عليها لقاها صورة نور
" ااخ !! "
وكرمش الصوره في ايده ورماها على الارض وطلع ورا علا جري
وقفل الباب
فضل ينده عليها وهيا نازله جري على السلالم وهوا وراها
لحد ما لحقها في الشارع ومسكها
" علا اسمعيني .. ياعلا افهمي ياعلا "
" افهم ايــــــــه افهم ايه .. لسه بتحبها ياخالد
وعطفت عليا عشان كنت مريضه وقلت ان دا الحاجه الوحيده اللي هتخليني اخف بسرعه عشان
عارف اني بحبك من الاول عشان كدا عملت كل دا لكن لانتا حبتني ولا حبيت حاجه اصلا
غير نور بتاعتك دي .. روحلها ياخالد روحلها لكن والله انا مامسامحاك عاللي حاساه
دا .. اوعى "
" والله ماهسيبك تمشي كدا وتعالي نطلع البيت نتفاهم
مينفعش منظرنا كدا قدام الناس "
" مطلعش البيت اللي فيه صورها في كل حته اذا كان
صورتها لسه جوا قلبك ايه اللي موقفني معاك دلوقتي انا .. ابعد سيب دراعي اوعى
"
" والله ابدا ورحمة ماما وبابا اللي عمري ماحلفت
بيهم الا ليكي حالا وانتي متعرفيش كانو ومازالو غالين عندي ازاي والله ياعلا ما
كدا ابدا والله سيبيني اشرحلك ابوس ايدك "
" تشرحلي ايه ياخالد !! "
" والله ياحبيبت خالد انك من اخر مره كنتي فيها
عندي في البيت وانا ما لمست الصوره ولو تاخدي بالك انها كانت مكانها من لما كنتي
موجوده والله ياعلا ما في بالي ابدا وتعالي معايا البيت والله هتلاقيها مرميه على
الارض والله ياعلا ما في بالي ولا عايزها ولو مش عايزك مكنتش ربطت عمري بيكي لحد
اخر لحظه فيه ياعلا افتكريلي اي حاجه حلوه وصدقيني زي ماصدقتك امبارح والله ياعلا
وحيات حبك اللي جوايا انك نسيتيني ايامها وسنينها وكل حاجه عنها والله مابتيجي
اصلا في بالي صدقيني انا اسف "
علا كل دا واقفه ودموعها على خدها ومحتاجه انها تصدقه
ومش عارفه تعمل ايه ..
قرب خالد ليها اكتر ومسح دموعها وباسها على راسها
" انا اسف وحياتك اسف والله ناسي كل الصور بس اوعدك
ان كلهم هيترمو في الباسكت بعد مايتحرقو كمان زي ماقدرتي تحرقيها في قلبي هقدر
احرق صورها عشان صورك هيا اللي تنور بيتي لحد ماتنوريه انتي بنفسك .. سامحيني
ياحبيبتي "
ومسك راسها ورفعها وجاب عينها في عنيه
" بحبك ياعلا والله بحبك "
علا غمضت عينها وجواها متدايقه بس مش عارفه تقول ايه بعد
كل الكلام دا
فتحت عينها
" لاول مره اعرف يعني ايه غيره ياخالد "
" بتغيري عليا بجد "
" طبعا .. مش حبيبي !! "
" ايوا بأهههههههه .. اديني احلى ابتسامه ونبي
"
علا ابتسمتله
" بحبك واسف "
" وانا بحبك "
" يلا بينا؟ "
ومسك ايدها وفضلو يتمشو وهما بيتكلمو ودخلو محلات كتيره
ومعجبهمش ولا فستان بس هيا جابت كذا طرحه وخالد جاب البدله
وروحها على بيتها وروح هوا على بيته
تاني يوم لاول مره كانت علا تنزل بالحجاب .. حاولت تظبطو
كتير لحد ماتقريبا اتظبط
ونزلت لخالد اللي كان مستنيها
اول لما شافها كان نفسه يجري عليها يحضنها ..
فرح اوي بشكلها وحس اد ايه هيا جميله بالحجاب ومن غيره
ومن جواها وبكل حالاتها حلوه اوي
قربت عليه وهيا مبتسمه
" حبيبت قلبي ايه الجمال دا "
" بجد حلو كدا ياخالد .. انا حاسه شكلي غريب اوي مش
عارفه اظبط الحجاب "
" لا ياحبيبي جميله اوي بجد .. اثبتي على كدا بأه
"
" ههههه حاضر من عنيا "
وطلعو على الشغل .. كانو تمام اوي وشويه وجه الراجل اللي
اتخانقو بسببو المره اللي فاتت
وراح وقف مع علا .. من غير كلام علا راحت لخالد اللي
مكنش واخد بالو وقالتلو
راح خالد ساب الشغل اللي في ايده وراحلو
" ايوا نعم خير؟ "
" بتكلمني انا ؟ "
" اومال بكلم مين حضرتك .. خير عايز ايه "
" وحد كلمك يابشمهندس عشان تسأل عايز ايه .. مش
عايز حاجه "
" بقولك ايه .. علا دي ملكش فيها .. انا رأيس الشغل
دا وبأمر واحد هطردك منه معنديش مشكله
اقسم بالله العظيم لو ماتعدلت لاعدلك عشان انتا فاهم
نفسك غلط اظاهر "
" ههههههههه لالا جامد جامد عموما انتا رأيس على
نفسك مش عليا .. وانا لما بعوز حاجه باخدها وهنشوف "
" انتا مجنون ولا ايه "
" احترم المكان اللي احنا فيه يا .. بشمهندس خالد
"
وبصلو من فوق لتحت ومشي
في الوقت اللي كان خالد فيه محروق دمو
راحو المهندسين وقفو معاه يهدوه واللي يقولو متدايقش نفسك
واللي يقولو انه معقد نفسيا وبيغير من الكل وهوا شخصيته كدا
الا علا كانت واقفه بعيد ومديه الكل ضهرها
خالد لاحظ موقفها وساب المهندسين وطلع جري عليها
وقف قصادها لقاها بتعيط
" علا مالك ياحبيبتي "
" انا اسفه ياخالد "
" هسسسس .. اسفه دا ايه ياعبيطه وانتي ذنبك ايه ..
متخافيش طول منا معاكي مش هيحصل اي حاجه
ومتعيطيش متخليش دموعك كدا سهله لاي سبب تظهر وقدام اي
حد .. يلا خلينا نمشي احنا من هنا ونروح نقعد في اي حته تهدي اعصابك وانا كمان
اهدى شويه "
وخدها من ايدها واعتذر للمهندسين ومشيو قعدو في كافيه
جنب بيت علا
" خلاص بأه ياعلا حصل خير "
" حقك عليا ياخالد "
" ياحبيبتي مفيش حاجه ايه الجنان دا .. فداكي اي
حاجه في الدنيا "
فضل يحاول يضحكها وهيا مفيش فايده
" ماشي ياعلا لو مضحكتيش دلوقتي حالا هطلقك "
علا شهقت وبصتله
" ايه دا تطلقني ! "
" اه "
" ازاي "
" معرفش زي مابيعملوها "
" بطل يارخم وانا اهون عليك يعني "
" ياحبيبي دنا مصدقت لقيتك معقول اسيبك بردو دنا
ابأه مجنون "
" ههههههه ماشي "
" اموت انا عالضحكه الجميله دي "
" طب يلا بينا نروح نتغدى في البيت "
" لالالا هوا كل يوم ولا ايه لاء طبعا .. انا هروح
اتغدى وبعد العصر ننزل نشوفلك الفستان ياجميل "
" ليه بس كدا "
" معلش حبيبتي عشان محسش اني بتقل عليكو واحنا
يادوب قارين فاتحه يلا تعالي اوصلك وامشي انا وعلى الساعه 5 ونص كدا هعدي عليكي
هبأه اكلمك قبلها "
وقامو ووصلها خالد ومشي هوا على بيته وطول الطريق بيفكر
ومش عارف ازاي اتحكم في اعصابه بعد الموقف
دا كلو
وصل السوبر ماركت خد اكل وطلع عمل اكل وخلص وصلى العصر
واتصل بعلا اتكلمو شويه وبعدين قفل معاها ولبس ونزل
بعد مانزل اتصل بمريم
" الووووو مريوووم عامل ايه ياباشا "
" خالد انا في حصه دلوقتي لما اروح هتصل بيك "
" هههههه ماشي حبيبت خالد سلام "
" سلام "
وقفلو ...
وصل خالد لعلا وبدأو يتمشو تاني وفي الطريق اتصل بصاحبو
وكلمو على موضوع الدعوات وكل واحد فيهم كلم اصحابو وعزمهم
فضلو يلفو كتير لحد مالقيو فستان سواريه وعجبهم جدا
وخدوه
وروحو على البيت
اتعشى خالد عندهم ومشي
تاني يوم بعد الشغل اتفقو انهم يوم الاربع بعد الشغل
يركبو ويمشو عشان يلحقو بدل مايتزنقو يوم الخميس
وفعلا يوم الاربع خلصو الشغل وكانو كلهم جاهزين وركبو
واتحركو على القاهره
وصلو القاهره وكل واحد روح على بيته
خالد بيفتح الباب ودخل وقفل وراه
بص لقى مريم وجدته قاعدين بيتفرجو على التلفزيون
اول لما شافوه اتخضو لانه مكنش قايلهم انه جاي
اول لما مريم شافته جريت عليه حضنته وفضلت تبوس فيه على
خده
" هههههه يابت يامجنونه استني اخد نفسي "
" وحشتني اووووووووي تاخد نفسك ايه بس سبني عليك
"
" هههههههههههه ياااااااااااابت انتي "
وقام شايلها وراح عالكنبه وقعد وقعدها على رجلو
" ممكن ياهانم اسلم على نينه "
" هاااااا ايه دا صحييييح طب روح وتعالى بسررررررعه
"
جدتهم كل دا بتضحك عليهم
راح خالد سلم على جدته وباسها على راسها ورجع لمريم
فضلو يهزرو سوا ويضربو في بعض بهزار
وقام خالد غير هدومه ونام عالسرير
شويه ولقى مريم داخله عليه
" تعالي يامريومتي "
دخلت مريم وقفلت الباب ونطت جنبه على السرير ونامت على
دراعه
" خالد "
" اهااا "
" ينفع اقولك على حاجه وتديني فيها رأيك من غير
ماتزعأ فيا ولا تعمل حاجه "
" ههههه وانا من امتى زعقت فيكي ولا عملت حاجه مش
طول عمرنا اصحاب "
" بس بصراحه الموضوع دا كبير وخايفه تزعل مني
"
" متخافيش مش هزعل منك ياحبيبتي قولي في ايه "
" اممممم .. عارف تامر اللي في العماره اللي قصادنا
"
" تامر تامر تامر .. مين تامر يامريم وانهي عماره
"
" اللي قصادنا هنا ياخالد "
" فكريني طيب بيه "
" اللي باباه مستشار احمد "
" ااااااااااه تامر اللي في علوم "
" ايوااااا هوا دا .. "
" ايوا ماشي مالو "
ليست هناك تعليقات:
إرسال تعليق