صحيـــــــت من نومــها فجأه .. بصت في الساعه لقتها 10 الصبح بصت على سرير سلمى ملقتهاش .. كسلت تقوم وقامت باصه الناحيه التانيه وكملت نــــــوم ..
شويه وسمعت سلمى داخله بتعيط .. اتخضت وقامـــــــت
سـهام: مالك ياسلمى في ايه
سـلمى: احمد ياسهام!
سـهام: يابنتي طب استهدي بالله كدا بس وقوليلي في ايه مالو احمد
سـلمى وهي بتمسح دموعها: لا اله الا الله
سـهام خدت سلمى فـ حضنها: ها بأه مالك احمد مزعل توأمي حبيبي ليه!!
سـلمى لسه هتتكلم هما الاتنين سمعو صوت رزع الباب برا
واحمد اخل بيزعأ: سلـممممممى
سـلمى مسكت في سـهام وسـهام اتخضت وطبطبت عليها
احمد دخل الاوضه عليهم لاول مره من غير مايخبط
سلمى رجعت تعيط تاني واحمد واقف بيزعأ
سـهام ولا هيا فاهمه حاجه وقاعده تهديهم
سـهام: احمد في ايه اهدى كدا وفهمني
احمد: سـلمى هانم لسه مقالتلكييييييييش؟
سـهام: يابني انتا ادتنا فرصه اساسا!! في ايه بس
احمد: اسمعي ياسهام عقلي اختك بدل ما والله ماهيحصل طيب المره الجايه
وقام رزع الباب وطلع
سـلمى كل دا منهاره عياط ومش قادره تاخد نفسها
سـهام صعبت عليها ســـلمى وخدتها فـ حضنها لحد ما هديت
سـهام: ها؟ في ايه ارحموني بأه!
سـلمى: احمد مش عايزني اعرف نرمين تاني
سـهام: ليه!؟
سـلمى: عشان عرف انها هتتخطب لوليد وانتي عارفه احمد ووليد في ايه بينهم
سـهام: وانتي قولتيلو ايه؟
سـلمى: قولتلو لاء دي صاحبت عمري ومقدرش استغنى عنها .. وانتي عارفه اخوكي ودماغو فضلنا نزعأ في العربيه طول الطريق وهوا جايبني من الجامعه لحد ما وصلنا وانا جيت جري وانا بعيط
سـهام: طب استهدي بالله انا قولت في حاجه كبيره حرام عليكو نشفتو دمي انتو الاتنين هقوم اعملك لكون واتكلم معاه لحد اما انتي تغيري هدومك
سـلمى: حاضر
سـهام في اوضة احمد: ايه يااحمد هتفضل عصبي كدا لحد امتى وانتا عارف ان العصبيه دي خطر على صحتك!
احمد: عقلي اختك ياسهام انا مش ناقص وجع دماغ
سـهام: طب ماتيجي نتكلم بعقل
احمد: ها!
سـهام: دلوقتي انتا يرضيك تخسر صاحب عمرك عشان بيحب بنت مش عاجباك؟
احمد: لاء!
سـهام: اومال ازاي بتطلب طلب زي دا من سلمى وانتا عارف احنا اد ايه بنحب نرمين واد ايه هيا كويسه وبنت ناس واهلها يعرفو اهلنا من زمان
احمد: بس ياسهام!
سـهام: لا بس ولا حاجه روح صالح سلمى دي زعلانه منك اوي قبل ما بابا وماما يجو يلا بأه!
احمد: ماشي ياستي حاضر
لزيزة :)
ردحذفبس فى غلطات مطبعية (ليمون)
جميله اوى
ردحذف