" ليه خير في ايه "
" والله ما عارفه "
" ازاي يعني مش عارفه "
وقامت حكت علا كل حاجه ..!
" اكييييييييييد ياعلا عملتي حاجه .. مفيش راجل
يعمل كدا الا اذا في حاجه كبيره جدا تخليه يتصرف التصرف دا اكيد مش مجنون من دماغه
بيعمل كدا من غير سبب .. وبعدين معنى انه بيقولك مخطوبه لسوسن والكلام دا يبأه
انتي عملتي فعلا حاجه غلط ولازم تفتكري ويلا قومي معايا نروح نتكلم معاه "
" مش رايحه في حته ياسعيد مهما كنت غلطت حقي عليه
اني اعرف مش يرميني في التاكسي بالمنظر دا ! "
" معلش لازم نتكلم مع بعض ونشوف انتي غلطانه في ايه
وبعدين انتو مش متصاحبين انتو مخطوبين يعني مينفعش كلام العيال دا قومي البسي يلا
وخلينا نروحلو "
ومع اصرار سعيد ومراته وباباها ومامتها قامت علا لبست
ونزلت هيا وسعيد راحو على بيت خالد
طلعو لحد شقته وفضلو يخبطو ويرنو الجرس محدش رد عليهم
لسه هيركبو الاسانسير وينزلو لقيو خالد طالع منو
" هوا دا ياسعيد "
" هوا دا ايه "
" هوا دا خالد "
سعيد بص لخالد ومد ايده
خالد وقف مستغرب ومد ايده عشان ميكسفش سعيد وهوا مش فاهم
حاجه
" اهلا وسهلا .. مين حضرتك "
" انا سعيد اخو علا ياخالد "
" ااه اهلا وسهلا حمدلله عالسلامه انا اسف مكنتش في
البيت "
" الله يسلمك ولا يهمك معلش كنا عايزين ناخد من
وقتك شويه "
" لا اتفضلو بس تعالو ننزل نروح كافيه البيت عندي
مبهدل ومش هنعرف نقعد براحتنا "
" اوي اوي اتفضل .. "
ونزلو التلاته وخالد كل دا مجتش عينه على علا خالد اللي
كانت باصه عليه طول الوقت ونفسها تفهم في ايه "
وصلو كافيه وقعدو وطلبو
" ايه ياخالد بأه ايه اخبارك "
" الحمدلله بخير حضرتك عامل ايه "
" لالالالالا حضرتك ايه بس ياراجل احنا خلاص بأينا
نسايب ولا ايه "
وبص عليهم الاتنين لقى كل واحد مكشر وباصص في ناحيه
" طيب .. صلي عالنبي ياخالد "
" عليه الصلاة والسلام "
" مبدأيا كدا .. مهما كانت علا غلطانه .. يرضيك لو
اختك مخطوبه خطيبها يسيبها تركب تاكسي لوحدها بالمنظر دا ويسيبها ويمشي "
" لو محطوط في موقفي .. اه ارضى وبعدين احنا كنا
العصر يعني الدنيا امان "
" طيب .. ممكن نفهم بأه ايه اللي حصل من علا غلط
"
" انا اسف ياسعيد انا كفايه صغرت قدام نفسي وقدام
اللي في الشغل كلهم مصغرش قدامك انتا كمان انا مش عارف ازاي مسكت نفسي "
" ياسيدي فهمني بس ونحلها "
" افهمك ايه بس ياسعيد لما تبأه مع مراتك في مكان
كل اللي فيه يعرفوك وتطلع لثواني تكلم علا في الموبايل وترجع تلقاها واقفه مع واحد
وبيهزرو وبيضحكو ويجي يعدي من جنبك ويبتسملك بسخريه ويمشي شكلك ايه قدام النااس دي
كلها ولا قدام البيه دا ولا قدام مراتك ولا حتى قدام نفسك بذمتك ترضاها "
سعيد بص لعلا باستغراب اوي ..
" ايه الكلام دا ياعلا "
" والله العظيم اللي حصل انو واحد بيشتغل معانا في
الموقع جه وقف معايا بيتكلم عن الشغل وبيسألني عن شوية حاجات وفجأه القاه بيهزر
ويضحك لكن انا التزمت معاه بحدود الشغل لاني بحترمك ياخالد ومحصلش مني اي حاجه غلط
ومكنتش فاكره ان الموضوع كدا لاني محطتوش في بالي لاني اصلا مغلطتش في حاجه "
" مغلطتيش؟ "
" ايوا ياخالد مغلطتش .. اذا هوا بيعمل كدا عشان
يستفزك دي حاجه تانيه انا مليش دعوه بيها اما انا مبكدبش اللي حصل قولته وافتكر ان
عداني العيب وبحفظك في غيابك قبل وجودك ياخالد وانتا عارف كدا كويس اوي عشان كدا
سبتني في التاكسي وانتا مطمن مني "
" علا .. خالد ... واضح ان الموضوع دا كان سوء
تفاهم ولازم يتحل "
" والله ياسعيد انا قلت اللي عندي وانا عارفه اني
مغلطتش "
" وشكلي ايه انا بأه ياعلا "
" شكلك ايه في ايه ياخالد انتا الجمله دي تقولها
لما انا كمان اهزر معاه ونضحك وصوتنا يعلى واسلم عليه بإيدي وانا بضحك لكن ربنا
شاهد على كل كلمه بقولها والله العظيم ماحصل مني اي حاجه من دا "
" ماشي ياعلا وانا مصدقك بس انا دمي فار من الغيره
عليكي "
علا بصتلو ومقدرتش تمسك نفسها وابتسمت غصب عنها وبصت في
الارض
" ههههههه حاسس اني قاعد مع اتنين مجانين بعد كدا خدو
بالكو وحاولو تتفاهمو .. استإذن انا بأه عشان اسيبكو براحتكو واتشرفت بمعرفتك
ياخالد بجد .. خد بالك على علا امانه في رقبتك سايبهالك "
خالد بص لعلا بطرف عنيه ورجع بص لسعيد
" في عنيا الاتنين ياسعيد "
" خلينا نشوفك بأه "
" اكيد "
وسلم عليهم ومشي
خالد بص لعلا وهيا باصاله بتكشيره
" ايه "
" ايه انتا "
" ايه مالك "
" والله ياخالد؟ "
" ااه والله ياعلا .. ايه كان المفروض اني اقف
اسقفلك بعد ما هوا مشي وعادي ولا كأن في حاجه ؟ "
" انا مقلتش كدا بس كمان مش تسيبني وتمشي كدا وتقفل
موبايلك "
" غرت عليكي ياعلا "
علا بصتله جامد اوي وجواها فرحه كبيييييره اوي بالكلام
اللي سمعتو دا
" بجد ياخالد "
" ونبي اومال بعمل كل دا ليه .. "
" اممممم "
" قاللك اممم .. بحبك يابت انتي "
" ههههههه وانا بحبك ياخالد اوي "
" طيب كنت عايز اتكلم معاكي في موضوع مهم "
" سامعاك "
" انا مش هفرض عليكي وانا كان نفسي انو يجي منك
ياعلا بس للاسف مجاش فـ قولت اقولك انا "
" عايزني اتحجب ؟ "
" عرفتي منين "
" من طريقه كلامك "
" امممم طيب وايه رأيك "
" حاضر "
" بجد ياعلا هتتحجبي؟ "
" ااه والله بجد .. انا اصلا كنت ناويه بس كنت
عايزه اشوف هتطلب مني كدا ولا لاء "
خالد مسك ايد علا وباسها فيها من جوا وبصلها وابتسم ..
" متحرمش منك ياحبيبت قلبي "
" ويخليك ليا يارب "
قعدو شويه مع بعض وقامو يتمشو وروحها على بيتها وروح
بيته هوا
تاني يوم نزلو كالعاده الشغل وخلصو وطلعو على بيت اهل
علا
عشان مامتها كانت عازمه خالد عالغدا
دخلو وقعد خالد وسعيد وباباه سوا .. وعلا ومامتها وهدى
مرات سعيد في المظبخ بيجهزو الغدا وبيودوه للسفره
خلصو وقعدو كلهم ياكلو
" ياجماعه انا قررت حاجه وموافقه عليها جدا وعايزه
اخد رأيكو فيها "
كلو بصلها باهتمام وخالد بصلها باستغراب
" ايه ياعلا قولي "
" ها ياعلا شوقتينا قولي قررتي ايه "
" قررتي ايه يابنتي "
" اللي اتكلمنا فيه امبارح ياعلا؟ "
" ااه ياخالد "
" تمام .. قولي يلا "
" ياجماعه انا .. قررت اتحجب "
كلو بص لبعض ومحدش مصدق اللي اتقال الا خالد باصص لعلا
ومبسوط جدا من ثقتها من نفسها وهيا بتتكلم
واضح جدا عليها الاقتناع
وجواه بيقول " الحمدلله "
" بجد ياعلا "
" ااه والله ياسعيد "
" الف مبرووك ياحبيبتي "
" الف مبروك ياعلاااا "
" الف مبروك يابنتي "
" مبروك يابنتي الف مبروك يارب يثبتك "
" الله يبارك فيكو ياجماعه "
" الف مبروك ياخطيبتي "
" الله يبارك فيك ياخالد .. بس قولولي ايه رأيكو في
القرار دا "
" طبعا حلو جدا ربنا يارب يثبتك عليه بس اهم حاجه
يكون عن اقتناع ياعلا "
" اكيد ياسعيد الحمدلله .. من انهردا مش هشيلو
انشالله "
" ربنا يوفقك يارب ياعلا "
" امين يارب ياهدى "
وكانت علا مبسوطه جدا ان الكل عجبو القرار دا
وبعد الغدا قعدو كلهم يشربو الشاي
وندهت علا على خالد وقامو يقفو في البلكونه
" خالد عايزه اقولك على حاجه "
" قولي ياحبيبتي "
" انا هرجع اسكن في الشقه بتاعت الشغل من تاني
"
" ليه هوا في حاجه حصلت تاني هنا "
" ابدا مش كدا بس عايزه استقل مع نفسي وانزل معاك
واطلع معاك وغير كدا هنا مش مرتاحه اوي يعني عشان سعيد ومراته وابنه وبنته فـ مش
عارفه يعني حاسه هناك اريحلي "
" والله ياعلا اللي يريحك بالعكس انا وانتي هناك
هبأه مرتاح اكتر انك معايا "
" خلاص هتكلم مع ماما وبابا وسعيد ونشوف الموضوع دا
المهم دلوقتي عايزه انزل اجيب حجاب عشان البسو وكمان عايزه ادور على فستان الخطوبه
"
" يااااااااه تصدقي فاتتني دي ولا انا جبت بدله
"
" والقاعه والمعازيم يااااااااااااربي ايه التوهان
اللي احنا فيه دا "
" لاء متقلقيش انا حجزت القاعه وانا في القاهره
المرادي بس الدعوات معملتهاش عادي هكلم حد من صحابي هناك وهوا يعملها ويوزعها كمان
وهكلم صحابي وانتي كلمي صحابك ونعزمهم واتحلت المشكله على كدا ويلا من دلوقتي ننزل
ندور عالبدله والفستان "
" هههههه مستعجل اوي "
" حقي طبعا وبعدين معندناش وقت للدلع "
" خلاص يلا تعالى نقولهم "ودخلو اتكلمو معاهم
في كل اللي اتفقو عليه وكان الرفض على انها تمشي بس مع اصرارها مكنش قدامهم الا
انهم يقولو ماشي
ودخلت علا تلبس ونزلت هيا وخالد
وافتكر انه سايب الفلوس في البيت واضطرو انهم يرجعو على
بيته
فتح الباب وعلا دخلت وهوا دخل يجيب الفلوس وطلع لقى علا
ماسكه حاجه في ايدها مركزش فيها وباصه عليها جامد
" يلا ياحبيبي انا خلصت "
علا بصتلو وكانت عيونها لونها احمر ونازل منها دموع
قرب خالد منها بسرعه ومسك ايدها بعدت ايده عنها
" علا مالك في ايه !! ردي عليا في ايه ! "
أزال المؤلف هذا التعليق.
ردحذفالحلقه جامده اوووي بجد وكل حاجه كويسه بس فيه ملحوظه عايزه اقولها بس والله ده مش عيب يعني انا قولت اقوله بس فكرت كيتر عشان متقوليش حاجه بس والله انا مش قصدي حاجه في غلط في الكلامات يعيني خالد لمي يجي يقول يا مريم بيقول يا علا وهي اصلا بتبقي مريم وكمان بيبقي في غلط في شويه حروف والله ده انا مش بعيب في القصه وله حاجه والله انا كل يوم بستني الحلقه علي نار اتمني انك متدايقيش من رائي لو مش عجبك كلامي يبقي متزعليش مني عشان عبرت عن رائي وربنا يوفقك يارب وتكوني في احسن حال
ردحذفهههههههههه على فكره انتي زي العسل ليه كل المقدمه دي : )
حذفانا طبعا مزعلتش بالعكس انا بحب النقد جداااا
وانا اسفه عالموضوع دا بس اصل انا بحب اكتب في الضلمه بروقان كدا ف الحروف ساعات بتتلغبط معايا معلش حقك عليا وعالاسامي انشالله هاخد بالي اكتر بعد كدا
مرسي لكومنتك ياقمر نورتي والله ^^
والله عشان متزعليش بس بجد القصص بتاعتك تحفه اوووي
حذفالحلقة جميله قوي اكيد هي شافت صورة نور وعلي فكرة ROuni Atef بيبقي عندها اخطاء في القصة علشان هي اكيد بتكتب بسرعةواكيد مش فاضية بس للمدونة وعندها بيت وكلية
ردحذفلولو
الحلقه ديه جناااااااااااااااااان واللغز اىل فى الاخر خلنى متشوقه اكتر انى اقرها
ردحذف