" بقالي فتره بحس انه بيبص عليا كتير بس بعمل نفسي
مش واخده بالي وبمشي بسرعه لحد المدرسه وهوا مبيعملش حاجه مجرد انه دايما لما بيشوفني
بيفضل باصص عليا "
" وبعدين "
" وبعدين من يومين لما كلمتني وقلتلك اني في حصه
فاكر "
" ااه فاكر "
" بعد ماخلصت ووصلت لحد البيت هنا لقيتو نازل وصادف
اننا وقفنا في وش بعض وطلب مني انو يقف يتكلم معايا "
" ااه "
" وبعدين انا رفضت بس هوا قاللي والله هقولك حاجه
وهمشي . . "
" ايوا ؟ "
" انا حسيت ان في حاجه فـ وقفت اسمعو لقيتو بيقوللي
انو بيحبني وعايز يتقدملي "
" وانتي عملتي ايه "
" قولتلو اني لسه صغيره وان ليا اخ يتكلم معاه في
الكلام دا وسبته ومشيت "
" ايوا "
" وبس .. ايه رأيك "
" رأيي في ايه "
" خالد انتا نمت مني ولا ايه رأيك في اللي قوتهولك
"
" انتي بتحبيه؟ "
" شكلي كدا "
" خلاص .. وانا مستنيه والله لو جه وانتي موافقه
عليه انا معنديش اي مانع عايزه تتخطبي دلوقتي ماشي عايزه تتخطبي لما تخلصي دراسه
ماشي .. اللي يرضيكي ياحبيبتي عشان مكنش بفرض عليكي حاجه "
" خاااااااالد "
" نعم "
" انا بحبك اووووووووي يااحلى اخ في الدنيااااااا
"
" وانا والله ياحبيبتي بحبك اوي "
" معرفش بس تخيلت انك هتقوم مديني على وشي بعد ما
احكيلك "
" مستحيل امد ايدي عليكي حبيبتي تتقطع ايدي قبل ما
افكر بس في كدا .. انا امانك وحمايتك وانا اللي ادافع عنك وبعدين انتي مغلطتيش في
حاجه بالعكس احترمتيني في غيابي ودا خلاكي تكبري في نظري اكتر وفي نظره هوا كمان
لعلمك "
" انتا شايف كدا "
" طبعا "
باسته على خده ورجعت تاني نامت على دراعو ونعست
فضل باصص عليها ومبتسم وهوا من جواه راضي عن موقفه جدا
انه مخوفهاش منه ومتصرفش تصرف يندم عليه وقرر انه يعزم اهل تامر عالخطوبه
شويه وموبايلو رن بسرعه رد عليه وبأه بيتلكم بالهمس عشان
مريم متصحاش
كانت علا بتمسي عليه وبتطمنو انهم وصلو وقفلو ونامو
تاني يوم الصبح مريم صحيت بدري
اول لما صحيت بصت لقيت خالد جنبها ونايم وغرقان في النوم
باسته على خده بالراحه وقامت غسلت وشها وحضرت الفطار
شويه وجدتها صحيت ..
" ايه يامريم مش تصحي خالد "
" هيا الساعه كام يا نينه "
" الساعه 10 يابنتي لازم يلحق يجهز "
" حاضر هقوم اصحيه "
قامت حطت لجدتها الاكل ودخلت تصحي خالد
شويه وقام معاها بص عالموبايل لقى الساعه 10 ونص
لسه هيتصل بعلا لقاها هيا بتتصل بيه
" صباح الخير ياحبيبي "
" صباح النور حبيبتي عامله ايه "
" الحمدلله انتا عامل ايه "
" تمام الحمدلله .. ها هتنزلي امتى "
" يعني عالساعه 2 كدا .. عزمت الناس كلها واتأكدت
من كل حاجه خلاص "
" ااه كلو تمام بس هكلم كام حد من صحابي اأكد عليهم
بقولك ايه انتي هتكوني مخلصه وجاهزه الساعه كام يعني اعدي عليكي فين وامتى "
" يعني ياخالد على مثلا 7 تعلالي عالكوافير نروح
نتصور ونتزف شويه ونطلع عالقاعه انتا حاجزها الساعه كام "
" 9 المفروض نبأه هناك "
" خلاص تمام يادوب اصلا "
" ماشي حبيبتي خدي بالك من نفسك .. صحباتك جايين
تمام؟ "
" ااه كلو تمام اصلا هدى هتيجي معايا الكوافير وسمر
صحبتي هتجيلي على هناك وهيبأو معايا طول الوقت "
" خلاص تمام بينا تليفونات بأه .. بقولك ايه كلي
كويس ها "
" حاضر وانتا كمان .. "
وقفلو مع بعض ...
قام خالد غسل وشو وطلع فطر مع مريم ونزل من البيت
راح على بيت اهل تامر ومعاه دعوه
وخبط عالباب ..
شويه وتامر فتح
اول لما تامر فتح اتخض من خالد وقلق
وخالد حس بقلقه بس حب يطمنه وابتسملو
" سلام عليكم ازيك ياتامر عامل ايه "
" وعليكم السلام اهلا ازيك ياخالد انا تمام اتفضل
تعالى "
ودخل خالد البيت ..
" ايه ياتامر معندكش جامعه انهردا ولا ايه "
" لاء انهردا الخميس مفيش محاضرات "
" طيب انا مش هاخد من وقتكو كتير فين والدك طيب
"
" ليه خير في حاجه "
" هههه لالا مفيش بس خطوبتي انشالله انهردا وجيت
اعزمكم عقبالك ياباشا "
" والله بجد الف الف مبروك لازم اجي انشالله هوا
عموما بابا وماما في الشغل دلوقتي .. لما يجو انشالله هقولهم "
" ماشي ياصاحبي بالسلامه هستناكو بأه "
" انشالله ياخالد والف مبروك "
" الله يبارك فيك "
وسلمو على بعض ومشي خالد
وتامر خد نفس كبير اوي وحس انه ارتاح من قبضة قلبه اللي
حصلت من لما شاف خالد قصاده
دخل قعد عالكنبه وهوا ماسك الدعوه في ايده وباصص عليها
..
" لازم اروح .. عقبالنا يامريم وحياتك لاعملها
"
..
خالد بعد مانزل خد عربيته وراح على الصالون الرجالي حلق
دقنه وشعره وطلع
واتصل بمريم ..
" الو ايوا يا مريومتي .. "
" ايوا يا خلووودي .. "
" بقولك ياحبيبتي انتي فين "
" في البيت "
" طيب انا فضيت تحبي اعدي عليكي اوديكي الكوافير
"
" ياريييت ياخالد دنا محتاسه مش عارفه كنت هتصرف
ازاي اصلا "
" خلاص ياحبيبتي انا معايا بالكتير نص ساعه واكون
عندك ابأي خدي معاكي الفستان متنسيهوش "
" حاضر هبلس عالسريع واستناك "
" مسافة السكه "
قفل وبص في الساعه لقاها 3
راح طلب 3 وجبات غدا وراح عالبيت
اتصل بمريم ونزلتله
" هاااي خلوودي "
" ههه اهلا يادلوعه .. خدي جبتلك الاكل دا عشان
تاكلي قبل ماتروحي القاعه بدل متبأي جعانه "
" طب وانتا ونينه "
" منا جايب وجبتين لينا انا وهيا وانتي اهي بتاعتك
"
" تسلم ايدك يارب "
وصلها عالكوافير واتفق معاها عالساعه 5 بالكتير هيكون
عندها
وقام مروح عالبيت
طلع وحط الاكل واتغدى هوا وجدته وطلب منها تلبس
ولسه هيلبس لقى عمرو بيتصل بيه
" الو "
" ايه ياصاحبي الف مبروك "
" الله يبارك فيك ياحبيبي عقبالك "
" امين يااااااارب .. ايه مين هيزفك "
" والله ماعارف ياعمرو "
" اوبا خلاص اجيلك انا بعربيتي قوللي مكان الكوافير
"
واتفقو يتقابلو عند الكوافير اللي هتتطلع منه علا
كمل لبس البدله وراح
قال لجدته تنزل معاه
بص في الساعه لقاها 4 ونص
نزلو سوا وطلعو عالكوافير اللي فيه مريم خدوها
اول لما خالد شاف مريم فضل مبرق عليها وحس انه ميعرفهاش
" مريومتييييييييي ايه القمرررررررررررر دا ..
ياعمري اناااااا دنتي كدا هتخليني اسيب علا واتجوزك انتي "
" هههههههههههه بطل ياخالد اوعى تقول كدا قدامها
احسن تزعل ولا تاخد موقف مني "
خالد اول لما سمع الجمله دي باسها على راسها
" ربنا مايحرمني من عقلك دا ياكتكوته "
" ولا يحرمني منك ياخالد يارب "
وراحو رايحين على الكوافير اللي علا فيه
اتصل بيها وقالتله انها معاها 10 دقايق وتخلص
شويه ولقى عمرو جاي وكان اصلا سعيد وولادو ومامته وباباه
موجودين
" اهلا ياعريس "
" اهلا ياعمرو حبيب قلبي ازيك "
" الحمدلله الف الف مبروك "
" الله يبارك فيك ياصاحبي "
وبص لمريم وحس ان جمالها خلع قلبو من مكلنه
مدلها ايدو وسلمت عليه وبصت في الارض
وراح خالد خلى جدته تقعد مع حماه وحماته في عربيتهم ..
شويه وكانت علا وسمر صحبتها وهدى طالعين من الكوافير
خالد بص لعلا وابتسم وعمرو ميل عليه وهمس في ودنو
" مين المزه الجامده جدي دي اللي مع علا "
" يابني اهمد بأه يخربيت عينك الزايغه دي سمر
صحبتها "
قربت علا ومسك خالد ايدها وباسها عليها ودخلو عربية عمرو
وبدأت الزفه
خلصو وراحو اتصورو وطلعو عالقاعه
وكل دا لا علا ولا خالد مصدقين نفسهم
دخلو القاعه وكانت مليانه
بعد مالبسو الشبكه ورقصو شويه وصل تامر مع باباه ومامته
اول لما مريم شافته جاي من بعيد اتصدمت
جه هوا ومامته وباباه سلمو عليها وهوا مش قادر يشيل عينو
من عليها
فضل متابعها طول الوقت وهيا حست انها متلغبطه اوي
خلصت الخطوبه وكلو روح وخالد وعلا فضلو سهرانين طول
الليل عالتليفون
وحاسين بفرحه كبيره جدا
واتفقو ان خالد ومريم وجدتهم هيجو يتغدو عند علا في
بيتها
تاني يوم صحيت علا على صوت موبايلها جالها مسج
كسلت تفتحه ورجعت نامت تاني
وعالساعه 11 ونص خالد صحي عشان ينزل يصلي واتصل صحى علا
زي ماطلبت منه ونزل هوا عالصلاه
بعد ماعلا فاقت فتحت المسج لقت مكتوب فيه
" انا اعرف كتير عن خالد وعندي كلام كتير لازم
تسمعيه مني "
علا مفهمتش حاجه من المسج واتصلت بالرقم
فضل يرن كتير وعلى اخر رنه اتفتح الخط
" الو .. ؟ "
" اهلا اهلا ياعلا "
" اهلا بحضرتك .. مين معايا معلش ! "
جميله اوي اكيد الي بعت المسج حد يعرف حكاية نور وخالد
ردحذفلولو