" مش مهم انا مين المهم اني عايزه اوعيكي "
" توعيني؟ يعني ايه مش فاهمه حاجه "
" انهردا الساعه 7 عالكورنيش هستناكي واوعي خالد
يعرف حاجه "
لسه علا هترد المكالمه اتقفلت في وشها
فضلت تفكر وهيا مش فاهمه مين اللي كلمتها ولا ايه معنى
اللي حصل دا اصلا
عالغدا كان خالد ومريم وجدتهم عند علا واهلها في البيت
خلصو غدا وقعدو كلهم سوا بعدين خالد طلب من علا يقعدو
لوحدهم
راحو قعدو في الصاله بعيد عن الكل
" علا مالك متغيره ليه "
" انا متغيره !! لالالا ابدا مفيش اي حاجه "
" ياعلا بذمتك ! "
" ياخالد مفيش حاجه قلتلك بس مصدعه شويه من دوشة
امبارح "
" للاسف مبتعرفيش تكدبي وبيبان عليكي اوي بس عموما
سلامتك "
" مش بكدب والله فعلا مصدعه الله يسلمك على فكره
انا وسمر نازلين انهردا مع بعض شويه "
" دا انتي كدا بتستأذني ولا بتعرفيني "
" عادي يعني ياخالد كلمتني قبل ماتيجو فـ قلت اقولك
لما تيجي بدل ما اكلمك وكدا "
" علا في ايه "
" مفيش حاجه ياخالد قلتلك عموما انا نازله معاها
ماشي "
" براحتك ياعلا "
شويه وجدة خالد ندهت عليه عشان يمشو وخدها وخد مريم
ومشيو بعد ماسلمو عليهم
وطول الطريق خالد مش فاهم مالها علا عامله كدا ليه ولا
فيها ايه اصلا ..
في نفس الوقت اللي علا بتعيط فيه انها خبت على خالد
وكدبت عليه واتعاملت معاه وحش
بعد ماهديت بصت في الساعه لقيتها 5 ونص قالت يادوب تقوم
تلبس وتنزل تشوف ايه الحكايه
لبست ونزلت ووصلت الكورنيش ومفيش ربع ساعه وجت عليها
واحده من بعيد
علا مكنتش واخده بالها منها لانها متعرفش اصلا هيا جايه
تقابل مين ولا ايه شكلها اللي هتقابلها دي
واول لما قربت منها شهقت وحست انها عارفاها
مدت لعلا ايدها وعلا مش فاهمه في ايه
" ازيك ياعلا "
" الحمدلله "
" طبعا انتي متعرفنيش .. انا نور "
علا سمعت الاسم من هنا وحست الارض بتدور بيها
وفضلت ساكته ..
" اكيد مش عارفه مين نور انا هقولك "
" لا عارفه "
" اووووه يعني كمان حكالك عني "
" حضرتك عايزه ايه ؟ "
" عايزه حاجتي ترجعلي من تاني لو سمحتي بالذوق
"
" واللي هيا ايه حاجة حضرتك "
" اللي هيا خالد "
" بس هوا مش لعبة عشان تقولي عليه حاجتي ومش لعبة
عشان وقت ماترفضيه ترميه ووقت ماتعوزيه تاخديه وبعدين هوا مش حضرتك متجوزه "
" اتطلقت "
" ايوا والمطلوب يعني ؟ "
" والله قلتلك .. ابعدي عن خالد لانو حبيبي انا
وبتاعي انا وبس .. فكرك بيحبك؟ هههههه لالالا انتي تبأي غلطانه ياحبيبتي هوا بس
بينساني بيكي بس انا متأكده انو لسه منسنيش "
علا بصت لنور من فوق لتحت وهيا مش عارفه المخلوقه دي
مصنوعه من ايه اصلا
" بصي حضرتك انا مش عارفه اقول ايه .. لو هوا فعلا
مش بيحبني فـ انا هقلعله الدبله وهديكي بوسه كمان عليه لكن اللي اعرفه عنه انه
خطبني وربط عمرو بيا وبيحبني اوي .. مفتكرش انه عمل كل دا عشان ينساكي لاني عارفاه
وفاهماه "
" هههههههه عارفه مين وفاهمه مين .. خالد دا انا
اللي اعرفه وانا اللي عشت معاه سنين وانا اللي حبيته .. انا كلامي انتهى ابعدي عنه
بالذوق بدل ماتبعدي عني بالعافيه وكدا كدا هتبعدي عنه .. اصلك متعرفيش يعني ايه
الحب القديم يرجع بالنسبه لخالد .. "
علا مقدرتش تستحمل تسمع كلمة زياده من نور واستأذنت منها
وركبت تاكسي ومشيت
وصلت لحد البيت وهيا قافله موبايلها ومنهاره عياط
فتحت الباب ودخلت لقيتهم كلهم قاعدين وباصين عليها
ومستغربين
بصتلهم وحست انها عاجزه حتى عن انها تصرخ
رمت دبلة خالد في الارض
" مش عايزه اسمع من حد فيكو كلمة ومش عايزه خالد
يعرف حاجه عن اي حاجه ..
مجرد انكو تكلموه تقولولو اني فسخت الخطوبه ومش عايزاه
وانا هكلم رأيس الشغل فرع هنا واقدم استقالتي ومش هشتغل
وهفضل في البيت هكمل عمري في البيت مش هشوف الشارع تاني "
وسابتهم وجريت
على الاوضه ودخلت وقفلت على نفسها بالمفتاح وكل دا محدش فاهم حاجه
جريو وراها وفضلو يخبطو على الباب ومش سامعين صوت من جوا
جه سعيد وباباه وكسرو الباب لقيو علا مرميه علا الارض
مفيهاش نفس
اول لما مامتها شافت المنظر دا صرخت
فضلو يحاولو يفوقوها ورشو برفان على منخيرها لحد مافاقت
اول لما فاقت بصتلهم وفضلت تعيط هدى خدتها في حضنها
وشاورتلهم بايدها انهم يمشو
وفضلت تهدي فيها
كلو طلع برا وعلا في حضن هدى لحد ماهديت شويه
" في ايه ياعلا بأه ممكن تفهميني "
" مش عارفه اقول ايه ياهدى .. مش عارفه اقول ايه
"
" قولي اللي جوا قلبك كل اللي نفسك فيه قوليه انا
سامعاكي "
علا حكتلها كل اللي حصل وحكتلها كل حاجه تعرفها عن نور
وكل موقف بينها وبين خالد حصل بسبب نور
بعد ما علا خلصت كلام فضلت هدى ساكته
" علا .. انتي غلطانه "
" انا غلطانه !!!!!! "
" ايوا "
" ليه ياهدى "
" اولا انك كدبتي على خالد ثانيا انك تقابلي واحده
متعرفيهاش ثالثا انك تستسلميلها كدا بسهوله اوي وغير دا كلو انك تظلمي خالد معاكي
"
" انا ظلمتوووو !؟؟؟ "
" ايوا طبعا ياعلا ظلمتيه "
" ازاي بأه "
" هوا ايه ذنبه ان واحده زي دي قالتلك الكلام دا
وبعدين هوا لو مش عايزك ياعلا هيربط نفسه بيكي ليه يعني "
" عشان ينساها زي ما قالت "
لسه هدى هترد جه سعيد وادى لعلا موبايله
وهمس بصوت واطي " خالد "
علا فضلت تشاورلو بايدها انو لاء بس هوا رمالها الموبايل
وطلع
" الو "
" ايوا ياعلا قافله موبايلك ليه "
" عادي متدايقه شويه "
" من ايه ياعلا انا مش فاهمك انهردا في ايه "
" مفيش "
" طيب انا عايز اقولك على حاجه حصلت معايا من شويه
"
" قول .. "
" نور كلمتني "
علا صرخت بكل ما فيها من قوه " ايــــــــــــــــــــــــــه
"
" اهدي بس ياعلا "
" اهدى؟ اهدى ازاي انتا بتقول ايه .. روحلها
ياخااااااااااااااالد روحلهااااااااااااااااااا "
وقفلت في وشه وقفلت موبايل سعيد وفضلت تصرخ وتزعق وتكسر
في الحاجه اللي حواليها
مقدرتش تستحمل بعد ماكلهم اتلمو حواليها وحاولو يهدوها
ونزلت الشارع جري وسعيد نزل يجري وراها
وسامعاه وهوا بينده عليها وباصه وراها وهيا بتعدي الشارع
جري وبتقولو يبعد عنها
جت عربيه بسرعه وخبطتها
علا طارت من عالارض واترمت بعيد والعربيه جريت ومحدش عرف
يلحقها
سعيد جري عليها وباباها اول لما شاف المنظر من البلكونه
نزل جري وكل الشارع اتلم عليها
كلو قاعد يفوق فيها مفيش فايده
اتصلو بالاسعاف بسرعه وجت شالتها ودي مفيهاش روح
وكان سعيد وباباها معاها
مامتها اتصلت بسعيد لقت موبايله مقفول اتصلت بجوزها رد
عليها وقالها اسم المستشفى وراحت تلبس وسابت هدى مع ولادها ولسه هتنزل
بتفتح الباب لقت خالد في وشها
" سلام عليكم .. ايه ياحماتي مالك بتعيطي ليه في
ايه خير "
" علا عملت حادثه وفي العنايه دلوقتي "
" نعمممممممممممم ازاااااااااي "
" مش وقتو يلا بينا "
ونزلو جري عالمستشفى بعربية خالد
وطول الطريق بيدعو ربنا تكون كويسه
وصلو وسألو عن اسمها وطلعولها لقيو باباها وسعيد واقفين
" سعيد طمني بنتي عامله ايه ونبي تقولي انها كويسه
"
" اهدي بس يا ماما لسه مش عارفين ايه اللي حصل
اصبري على رزقك ارجوكي احنا كلنا اعصابنا بايظه "
واستمرت الام في البكا
شويه والدكتور طلع
كلو راح عليه بسرعه عشان يعرفو ايه اللي حصل
" حضراتكو اهل علا محمد "
" تمام يادكتور وانا خطيبها ودا باباها ودا اخوها
"
" انا اسف ياجماعه بس الحاله على اخرها خلصانه خالص
ادعولها "
مامتها صرخت وباباها حط ايده على راسه
" يعني ايه يادكتور فهمني خطيبتي فيها ايـــــــه
.. ماتت !!؟ "
" لالالا يا استاذ مماتتش عايشه بس حالتها صعبه جدا
جدا وقدامها وقت كبير على ماتكون كويسه "
" ايه اللي حصلها طيب فهمني "
" طيب ممكن اتكلم مع حضرتك واخوها لوحدكو "
خالد وسعيد بصو لبعض وخدو الدكتور وبعدو شويه
" انا مقدرش اقول الكلام دا قدام والدها ووالدتها
.. بس هيا تقريبا مش هترجع تمشي تاني .. عندها كسر في دراعها الشمال ورجلها
الاتنين تقريبا فقدو القدره عالحركه "
خالد سمع الكلام دا من هنا وحس قلبو هيقف معرفش ينطق
سعيد حاول يستجمع اخر قوه كانت فيه " طب يادكتور
انا ممكن اسفرها برا في باريس انا عايش هناك وممكن اخدها معايا اعالجها "
" مفيش امل من العلاج ابدا انا اسف "
" طيب هيا هتفوق امتى "
" لسه مش عارفين لحد دلوقتي وعلى فكره عندها كسر في
الفكين لازم تعمل عملية تجميل سريعه "
" لازم تفوق عشان تعملها "
" اكيد "
" ماشي وهطلع من العنايه امتى "
" حوالي اسبوع او اتنين حسب قدرتها عالتحمل "
" شكرا يادكتور "
ومشي الدكتور وخالد بص للحيطه وفضل يخبط دماغه
سعيد مسكه بكل قوته
" اهدى ياخالد اهدى دي قدرة وارادة ربنا "
" انا عااااااااايز اعرف كل دا حصل امتى وليه
وازااااااااي "
جت مامتها وباباها ملهوفين بسرعه عشان يعرفو في ايه
خالد مقدرش يتكلم وكان لازم انهم يعرفو واضطر سعيد
يحكيلهم
الام سمعت الكلام من هنا ولطمت على وشها وفي لحظه وقعت
في الارض
جريو عليها الممرضات وشالوها وكشفو عليها
ودخلها دكتور بسرعه يشوف الموضوع
وطلع بص لقى سعيد وخالد وابو علا
" البقاء لله .. مقدرتش تتحمل الصدمه جتلها جلطه في
القلب وفي لحظه اتوفت "
الاب فضل يصرخ ومعرفش يعمل ايه حاول يدخل عليها ومنعوه
وخالد وسعيد كل دا بيبكو
بأو مش عارفين يلاحقو عالمصايب منين ولا منين
وبيحاولو يهدو ابو علا اللي كان منهار تماما
وكانت الدفنه ...
خلصوا دفنها وصلو عليها وفي الجنازه كان الكل منهار
وكل دا علا ولا بتفوق ولا تعرف اي حاجه من اللي حصل
فاتت الايام والكل مش قادر يصدق اللي حصل
بأه بيت علا كئيب وحزين ومفيهوش فرحه
خالد كان كل يوم يروح هوا ومريم المستشفى يتطمنو على علا
وخد اجازه من شغلو ليه ولعلا
وفي نفس الوقت سعيد لغى حجزه للسفر وقعد معاهم لحد
ماتبأه علا كويسه
وكان لازم ان علا تعمل العمليه في فكها حتى لو لسه
مفاقتش واتعملت العمليه
وفي يوم كان خالد نايم وصحى على صوت الموبايل
بص لقى سعيد رد بسرعه
" الو ايوا ياسعيد .. ايه !! طب حاولو تتصرفوووو !!
طيب طيب حالا اكون عندك .... "
تسلم ايدك بجد روعة كتيير ومتشوقة اعرف شو يلي صار بس حزنت كتير بلحظة الفرح ضاع وهذه نور فعلا انها ما بتستحي ولازم خالد ما يرجعلها لانه مش لعبة وهي هلا اتزكرت انه حبيبها ..
ردحذفعالعموم تسلم ايدك جد رائعة
القصة بسرعه بقا يارنا ايه عنصر التشويق الفظيع ده بقا
ردحذف