قصة ليه حبيتك الحلقه 1

عبير قاعده زي كل يوم عالنت زهقاانه !!
وفجأه لقت اضافه من واحد اسمه محمد .. قبلت الاضافه واتكلمو .. حست من كلامه انه تافه اوي ....
مفيش حاجه في حياته مهمه ولا في عنده اهتمام لاي حاجه في دنيته
يوم ورا التاني ورا التالت وفاتت 3 شهور .. بيتكلمو عادي جدا
وفي مره وهوا بيكلمها قالها بحبك
معرفتش ترد عليه تقلو ايه .. هيا فعلا مبتحبوش! معرفتش تحرجه وسكتت
مسكت موبايلها وكلمت رحاب
" الو "
" ايوا يارحاب شفتي اللي حصل "
" اللي حصل في ايه "
" محمد قالي بحبك!! "
" انا شفته كاتبلك بوست عالفيس بوك بس معرفش انها وصلت للحب "
" طب اعمل ايه "
" اممممم .. جربي مش هتخسري "
" اجرب ايه يارحاب مانتي عارفه اني مش بحبه واصلا بستتفهه جدا .. مفيش حاجه في حياته عدله ! "
" يابنتي خلاص يبأه تقوليله عشان ميتعلقش بيكي بزياده "
" انتي شايفه كدا يعني "
" ايوا اوي "
" خلاص ماشي هكلمه واقوله "
قفلو مع بعض واتصلت عبير بمحمد وهيا مصره على قرارها اللي هوا هتصارحه بانها مبتحبوش
اول ما سمعت صوته حست انها اتحولت لانسانه تانيه خالص
" اه يامحمد ازيك "
" الحمدلله كويس انتي عامله ايه "
" تمام .. كنت عايزه اقولك حاجه "
" اتفضلي "
غمضت عنيها وفي لحظه طلعت منها الكلمه " انا بحبك اوي !!! "
" بجد؟ "
" اه والله بجد .. مش عارفه ازاي ولا ليه ولا امتى اصلا بس كل اللي عارفاه اني بجد بحبك واوي "
" وانا والله العظيم بموت فيكي "
فضلو يتكلمو كتير سوا وهيا فعلا من جواها حست انها بدأت تحبه
عدى كذا يوم وهيا على نفس الحال .. قربو من بعض جدا وبجد بأو بيحبو بعض اوي ..
وفي يوم دخل محمد على احمد توأمه الاوضه ..
" احمد بقولك ايه "
" ايه يامحمد "
" انا بحب !!! "
" احلف !؟ مين وازاي وامتى احكيلي "
" اه والله .. بص هيا اسمها عبير ... في اولى ثانوي .. بحبها اوي اوي ولو حكيتلك من هنا لبعد سنين مش هعرف اوصفلك حبي ليها .. بحبـهاااااااااااااااااااا "
" اقسم بالله فرحانلك جدا .. ربنا يتمملك على خير ياحبيب قلبي "
" امين يارب عقبالك "
" امين "
طلع احمد من الاوضه وفضل محمد عالسرير نايم لحد مانعس .....
تاني يوم صحي نزل عالكليه وخلص محاضراته وكلم عبير
" الو بيرو وحشتيني مووووووووت "
" حبيبي انتا اللي بجد وحشتني وعايزه اشوفك بأه "
" انا اللي عايز اشوفك اوي والله "
" خلصت محاضراتك؟ "
" ااه الحمدلله اخيرا .. تجاره دي مبترحمش انا زهأت اصلا "
" معلش ياحبيبي كلها السنه الجايه وتخلص بأه على خير انشالله "
" انشالله .. بقولك ايه عندك درس ولا حاجه انهردا ؟ "
" لاء ليه "
" كنت عايز اشوفك "
" امممم .. طب بص انهردا الحد .. نأجلها ليوم الاربع ماشي "
" خلاص ماشي ولا يهمك .. "

قفلو مع بعض وقعدت عبير تذاكر وهوا قعد شويه مع صحابه وروح عالبيت
فاتو الايام بسرعه ويوم التلات بليل ..
" الو يا محمد "
" ايه ياحبيبتي مال صوتك عامل كدا ليه "
" عياااااااانه عندي برد مدهولني خاااالص "
" طب ايه دا خلاص مفيش بكرا خروج خلاص .. اوديكي للدكتور طب ياحبيبي ؟ "
" لالالا يا حبيبي مش مستاهله ولاء هاجي بكرا انشالله .. "
" طيب هكلمك الصبح لو تعبانه مفيش نزول "
" ماشي يلا بأه نام عشان تصحى بدري وننزل "
" طيب اول لما تصحي صحيني "
" حاضر "
قفلو سوا وحست انها فرحانه اوي انه خايف عليها كل الخوف دا
غمضت عيونها وسرحت فيه لحد ما نعست ونامت
الساعه 7 الصبح صحيت لبست وجهزت وفضلت تتصل بيه مش بيرد .. نزلت ووصلت وهوا لحد الساعه 8 ونص مبيردش
شويه واتصل بيها
" فييييييييييييييييييييييييييييييييييينك "
" كنت نايم والله والموبايل كان مع صاحبي غصب عني مسمعتووش "
" وهوا مش عارف يرد عليا يعني ولا يصحيك "
" مهنش عليه يصحيني معلش انا اسف "
" محمد انا في الشاااااارع تعالى يلا !! "
" حاضر "
نص ساعه بالظبط ووصل المكان
كلمها وسألها لابسه ايه عشان يعرفها لسه هتقوله قالها لاء متقوليش
انا شفتك وحسيت بيكي

عيونهم بتحكي عنهم .. كلمة بحبك بتطلع من النفس قبل الشفايف
حست انها مالكه الدنيا من نظرة عنيه
فعلا قدر يخليها تعشقه وتموت فيه
وقفو سلمو على بعض وراحوا لحد وسط البلد فضلو يتمشو وحست انها تعبانه اوي
جم يعدو الشارع عشان يجيبلها دوا من الصيدليه مسك ايدها .. حست انها مرتاحه اوي ومطمنه
وصلو وجابلها الدوا وروحو
اول لما روحت اتصلت بيه
" وحشتني وحشتني وحشتني "
" هههههههههه وانتي اكتر ياحبيبي .. عامله ايه "
" طبعا طبعا كويسه .. الحمدلله .، انتا بأه ازيك "
" مفيش احلى من احساسي اللي انا حاسس بيه .. اكيد مبسوط عشان كنت مع حبيبتي انهردا "
" بس بأه بتكسف "
" يابيرو انتي تتكسفي من اي حد في الدنيا الا انا "
" اشمعنا يعني "
" عشان انا حبيبك يابنتي يعني في يوم من الايام انشالله هتبأي مراتي وام عيالي "
عبير سكتت معرفتش ترد تقول ايه .. اتكسفت اوي بس كمان فرحت اوي
" عبير ..؟ "
" نعم ياحبيبي "
" انتي عارفه .. انا اتغيرت بجد عشانك انتي .. وعشان بحبك انتي وبموت فيكي انتي .. 
حياتي كانت قبلك تافهه اوي بجد .. مكنش ليها لزمه انتي اللي عرفتي بجد تحلي كل حاجه فيها .. قدرتي تخليني بجد ابأه انسان "
" الحمدلله ان التغيير دا للاحسن وانشالله طول مانا معاك هتبأه حياتنا احلى "
" انشالله ياحبيبت قلبي "
" هتسبني يامحمد..؟ "
" مقدرش ياعمري .. حد يبعد عن النفس اللي بيتنفسو!! تقدري تعيشي من غير ماتتنفسي؟ "
" لاء طبعا "
" وانتي بالنسبالي نفسي "
" بحبك اوي "
" بحبك اوي "

شويه ودخلت عليها مامتها عشان تتعشى معاهم ..
قفلت معاه وقامت تتعشى مع مامتها وباباها ودنيا اختها الصغيره .. خلصت عشاها ودخلت تنام

تاني يوم مامتها بتصحيها الصبح
" عبيييييييييييييير "
" ماما ونبي سيبيني اناااااام "
" تنامي ايه بس انتي السنه الجايه ثانويه عامه "
" وانا مالي يا ماما ومال السنه الجايه دلوقتي بس بأه عايزه انام ونبي "
دخلت دنيا عليها وكانت لابسه لبس المدرسه ونازله
راحت باست عبير على خدها وعبير خدتها في حضنها وسلمت عليها ونزلت دنيا على مدرستها
ومجرد ما مامتها طلعت غمضت عنيها وراحت في النوم من تاني
شويه ولقيت صوت بتحبه اوي جاي بيصحيها
فتحت عينها ومش مصدقه نفسها
" مناااااااااااااال "
وقامت في حضنها بسرعه
" حبيبتي وحشتيني بأه ياوحشه "
" انتي اللي وحشتينيييييييييييي .. فينك يابنتي خالتو جت معاكي؟ "
" لاء انا كان عندي كورس خلصته وقلت اجي اسلم عليكي قبل ما اروح "
" ااااه ماشي ياعم .. منال انا عايزه اقعد ارغي معاكي كتير موووووووت "
" في جديد يابت ياشقيه ولا ايه "
" هههههههه فاكره ميمو اللي قلتلك عليه عندي عالفيس بوك "
" ااه اه فاكراه مالو "
" بحبووووووووووووووو "
" انتي عبيطه؟ انتي مش كنتي تقعدي تقولي انه تافه وملوش لزمه وحياته مش مهمه بالنسباله وكلام غريب كدا "
" بس وقعت وقعه بنت لزينا يابنتي وحكيت لماما ودلوقتي ماما ودنيا عارفين "
" ههههههه ياشيخه احكيلي طيب عشان انا كمان عندي ليكي خبر بمليون جنيه "
عبير حكت لمنال على موضوعها مع محمد ومنال فرحتلها جدا وكانت طايره بيها
" طب وانتي بأه ايه موضوعك ..؟ "
" انا يابنتي حبيت واحد اسمه وليد .. بيحبني اوي اوي اوي .. ومستني اخلص السنادي عشان لسه اولى تجاره زي مانتي عارفه وهيجي انشالله يخطبني "
" بجد والله ياحبيبتي الف مبروووووووك طب ودا بيدرس ولا بيشتغل؟ "
" الله يبارك فيكي عقبالك يابيرو .. ااه بيشتغل هوا ظابط مهندس "
" جميل اوي "
" بس في مشكله "
" خيييير بس !!؟ "
" اصل حبيبته الاولى اللي كانت قبلي .. ماتت فـ هوا بأه خايف من الموضوع دا "
" فال الله ولا فالك ربنا يخليكو لبعض يارب ياحبيبتي واهو احنا في اخر شهر 3 اهو كلها كام شهر وتتخطب ياجميل انشالله "
" امين يارب على خير .. بيرو انا لازم امشي بأه عشان انتي عارفه خالتك لما بتأخر بتقلق عليا "
" طب اشوفك بأه ماشي "
" اكيد ياحبيبي .. يلا باي باي "
ومشيت منال .....
في بيت محمد ..
كان لسه راجع من الجامعه وداخل اوضته
دخل وراه احمد
" محمد "
" نعم "
" انتا ايه اللي بينك وبين ساره بنت عمنا "
" ايه !!!!!!؟ "