جريو عليها مامتها وباباها وحاولو يفوقوها معرفوش طلبو
الاسعاف بسرعه وانتقلت على المستشفى
وهناك خدت حقنه مسكنه وفضلت نايمه
" خير يادكتور طمنا هيا لسه مصحيتش ليه دا كلو
"
" اديناها حقنه مهدئه عشان اعصابها وانشالله هتبأه
احسن بس ممكن اعرف ايه اللي حصل لان جسمها كان منهار تماما "
" انا مديت ايدي عليها يادكتور "
" اااه اكيد دا هيأثر تأثير سلبي عليها وممكن
يتضاعف على نفسيتها ولما تفوق هنقدر نحدد بالظبط التأثير "
" يعني ممكن يحصلها ايه يادكتور "
" لحد دلوقتي مش متأكد خلونا نستنى لحد ماتصحى
ونشوف .. "
" طيب وهيا المفروض تصحى امتى "
" يعني في خلال الـ 12 ساعه الجاين متوقع انها تفوق
فيهم بس هتحس بدوخه شديده شويه ومش هتقدر تسند نفسها بنفسها "
" ماشي يادكتور متشكرين لحضرتك جدا "
" نصيحه مني ليكم .. اوعو حد فيكو يعنفها ولا يعلي
صوته عليها ابدا سواء دلوقتي ولا بعدين .. لان الحالات اللي زي دي نفسيتها بتتأثر
تأثير سلبي وبتتراجع جدا "
" والله يادكتور هيا كانت لحظه عصبيه وربنا يسامحني
اهم حاجه انها ترجعلي بالسلامه "
" انشالله والف سلامه عليها وانا انشالله هتابع
حالتها وخير انشالله "
" متشكرين يادكتور "
" عن اذنكم "
مشي الدكتور ودخلو عليها وهما الاتنين عيونهم مليانه
دموع
وبيتحسرو على منظرها
في الناحيه التانيه كان خالد ومريم وجدتهم روحو البيت
وقعدو يتغدو سوا
" الف سلامه عليكي يانينه كدا بردو تعملي فيا
المقلب دا "
" ههههههه ابدا والله ياحبيبي ما مقلب ولا حاجه انا
كنت حاسه روحي هتطلع بس الحمدلله اني شوفتك "
" بعيد الشر عنك يانينه متقوليش كدا وانا هقعد مع
مين يعني بعدك بعد ما بشمهندس خالد مشي وسابني "
" يابنت ياشعنونه انتي والله وحشتيني بردو انا سبتك
ومشيت والله غصب عني يامريومتي منتي عارفه "
" لولا انه غصب عنك كنت مسكت في رجلك ومخلتكش تمشي
ابدا ابدا "
" ههههههه "
وقام باسها على خدها وباس جدته على راسها وقالهم انه
هيريح شويه في الاوضه عشان تعبان
دخل الاوضه واول حاجه افتكرها هيا علا بص في الساعه
لقاها 4 العصر قال اكيد زمانها لسه مخلصتش شغل في الموقع
حس انها فعلا واحشاه ونفسه يكلمها ويشوفها .. فضل يفكر
فيها لحد مانعس
شويه ولقى مريم بتتنطط على سريره
بص عليها ورجع حط دماغه على المخده وشد الغطى عشان يغطي
بيه وشه
" قوووووووم "
" مش عايز سيبيني يازفته "
" يووووووه يعني اليومين اللي جايلنا فيهم تنام
ياخالد بأه وحشتنييييي "
" بس يامريم بدل ما اقوملك "
" طب قووووووملي "
فضلت تستفز فيه وتشد من على وشه الغطى وتنط على السرير
اكتر واكتر لحد ما قاملها وفضل يجري وراها البيت كلو وهما بيضحكو لحد ما مسكها
وفضل يضرب فيها ويعض ايدها وهيا على اخرها من الضحك
لحد ما سابها وقعد على الكرسي
" اااااااخ "
" هاهاهاهاهاااااا هديت حيلك عشان تعرف انك مش قدي
ياخاااااالد "
" بس يابت ياهبله انتي اومال كل اللي انا عملتو
فيكي دا كان ايه "
" ولا تقدر تعمل حاجه اصلا "
" ايه دا مريم هيا الساعه كام "
" 7 ونص "
" اوباااااا "
وقام بسرعه على اوضته مسك الموبايل واتصل على علا .. مره
واتنين وتلاته محدش بيرد
استغرب اوي وقلق وقال يمكن تكون رجعت من برا تعبانه
ونامت
في الوقت دا كانت علا بتفوق وتفتح عينها شويه ومتقدرش
تكمل وتقفلهم تاني
لحد ما فاقت تماما وجه الدكتور يكشف عليها
حاول انه يتكلم معاها بس هيا مش بتتكلم بس باصه عليه
بحزن وساكته
خلص الدكتور كشف عليها وطلب من باباها يطلع معاه برا
عايزه
وطلع الدكتور وابو علا برا الاوضه
" انا اسف جدا يا استاذ محمد "
" في ايه يادكتور بنتي مالها !! "
" بنتك فقدت النطق "
" ايــــــــــــــــه !! يعني ايه .. انتا بتقول
ايه انا مش مصدق اللي بسمعو "
مامتها سمعت صوته وهوا بيزعق وطلعت جري من الاوضه عليهم
" في ايه يامحمد .. في ايه يادكتور متخوفونيش
"
" انا اسف يا مدام بس البنت فقدت النطق لفتره مؤقته
"
الام ضربت وشها بايدها " يالهووووووي "
" ياجماعه استهدو بالله كدا شويه عشان اعرف اتفاهم
معاكو .. دلوقتي هيا جاتلها صدمه وكان لازم اللي حصل فيها دا يأثر تأثير سلبي على
نفسيتها والحمدلله انها جت على قد فقدان النطق لفتره مؤقته "
" يعني هتتكلم تاني ولا لاء "
" انشالله هتتكلم تاني بس رجاء ياجماعه تحاولو
تحننو قلبكو عليها بأه شويه وتراعوها وهيا مع الوقت والاهتمام والمعامله الكويسه
حالتها هتتحسن اسرع "
" ينفع ناخدها طيب "
" ااه ممكن تاخدوها من دلوقتي لو عايزين هيا
الحمدلله مفهاش اي حاجه مجرد ان نفسيتها تعبانه وانشالله في خلال شهر او اقل حسب
معاملتكم ليها هترجع لطبيعتها واحسن "
" ماشي شكرا يادكتور "
دخلو الاتنين عليها وراح باباها عليها حضنها وهوا بيبكي
" سامحيني يابنتي والله العظيم ما كنت اقصد اعمل كل
دا والله كان غصب عني انا اسف ارجوكي تسامحيني وترجعي تتكلمي زي الاول "
علا سامعه وشايفه كل حاجه ونفسها تتكلم بس مش قادره تعمل
اي حاجه غير ان دموعها تنزل
خدوها على بيتهم واول مافتحو الباب لقو موبايل علا مرمي
على الارض وقاعد بيرن
جريت علا عليه لقيته خالد معرفتش تعمل ايه
نفسها تكلمو وتسمع صوته بس هتقولو ايه وهيا مبتتكلمش
اصلا !!
مسكت الموبايل وفضلت تعيط ودخلت على اوضتها
باباها ومامتها بصو لبعض وهما مش فاهمين حاجه ودخلو على
اوضتهم يغيرو هدومهم
شويه ودخلت مامتها عليها الاوضه وقعدت جنبها على السرير
وخدتها في حضنها
" مش عارفه اقولك ايه ياعلا انا اسفه والله انا
وابوكي سامحينا يابنتي والله ماكان في نيتنا الا الخير ليكي وبس "
علا مسكت في مامتها وحضنتها اكتر وفضلت تعيط اكتر واكتر
لحد مانعست في حضنها
سابتها ومسكت موبايلها وطلعت برا الاوضه
شويه والموبايل رن
معرفتش تعمل ايه غير انها ترد
" الو ؟؟ "
" علا فينك يابنتي خضتيني عليكي الله يسامحك "
" انا مش علا حضرتك مين "
" مش علا؟؟ انا خالد رأيس علا في الشغل مين معايا
"
" انا والدتها .. مش حضرتك اللي جيت عندنا معاها من
فتره "
" بالظبط انا .. اومال علا فين "
" مش عارفه اقولك ايه ولا اعتذرلك ازاي "
" في ايه !!!!! "
واضطرت مامت علا تحكيلو كل حاجه
خالد سمعها لحد الاخر وهوا مش مصدق اللي بيسمعو ولا عايز
يصدق !!
معقوله بجد علا مبقتش تتكلم
قفل معاها ورمى الموبايل قدامه على السرير وقعد مصدوم
وهوا حاطط راسه على ايده ومش مصدق اللي سمعه
فاتو الايام ورجع خالد على اسكندريه وهوا بجد مشتاق لعلا
اوي
اول ماوصل ساب شنطته في شقته وخد تاكسي وطلع على بيت علا
رن الجرس وفتحتلو مامت علا وقالها انه خالد اللي كلمها
ورحبت بيه ودخل وقفلت الباب
" ازي حضرتك ياطنط وازاي استاذ محمد "
" الحمدلله كلنا بخير يابني "
" وعلا عامله ايه دلوقتي "
" اهي احسن شويه بس لسه مش بتقدر تتكلم "
" طب تسمحيلي اقعد معاها شويه بعد اذن حضرتك "
" حاضر هروح اقولها "
" اتفضلي "
دخلت مامت علا وقالتلها انه خالد برا
اول لما علا سمعت اسم خالد قامت من على سريرها بسرعه
وهزت راسها لمامتها انها تشوفه
مامتها قالتلها البسي وهوا مستنيكي برا
وطلعت ..
شويه وعلا كانت لابسه وطالعه لخالد
اول ما شافها حس انه ارتاح بعد كل القلق اللي كان شايلو
عليها كل الوقت دا
سلم عليها وقعدو
" وحشتيني اوي ياعلا وعارف انك مش هتعرفي تردي عليا
وكمان عارف اني وحشتك اوي
واسمحيلي اقول لمامتك اني اخدك وننزل شويه عشان عايزك في
موضوع مهم "
علا هزتلو راسها وابتسمت
وهوا نده على مامتها وطلب منها ان علا تنزل معاه ومامتها
وافقت
وخدها ونزلو
وراحو قعدو على البحر
فضل باصصلها وهيا باصاله ومبتسمه
" مش عارف اقولك ايه ياعلا ..
انا عارف انك مش هتعرفي تردي ودا احسن حاجه عشان اعرف
اتكلم براحتي واحس اني بكلم نفسي "
علا بصتلو باستغراب ومعرفتش بردو ترد عليه
قرب منها ومسك ايدها وبص لعنيها وسرح
علا شدت على ايده عشان يفوق ويتكلم
" ااه معلش سرحت في عنيكي وجمالك ..
بصي ياعلا انا كنت بحب نور والله كنت بحبها اوي بس خلاص
راحت عليها
انتي عرفتي تنسيني كل حاجه ليها دعوه بنور
انتي اللي نورتيلي حياتي بعد ماكانت فعلا ضلمه
بالماضي اللي كان دابحني ومش عارف اعيش بسببو
معرفتش انساها الا لما خدت بالي منك
مبأتش بفكر فيها ولا اشوف صورتها .. بالعكس ياعلا بأيت
افتكرك انتي اول لما اجي افكر اصلا في حاجه
بأيت احب الشغل اكتر واكتر عشان انتي فيه
مبأتش اتخيل يوم يفوت وانتي مش معايا ..
الايام اللي فاتت عليا وانا في القاهره كانت ارخم ايام
لا كنت قادر اكلمك ولا اطمن عليكي ولا انتي اصلا موجوده
معايا ..
كان نفسي اشوفك اوي واسمع صوتك الجميل اللي وحشني دا
"
كل دا وهوا واخد بالو منها ومن ردود فعل وشها عامل ازاي
ابتسملها وطلب منها تغمض عنيها
" علا انا عارف انك انشالله اللي انتي فيه دا فتره
وهتعدي بسرعه
ولو نفسيتك اتحسنت دا هيساعد انك تخفي اسرع
وبصراحه انا بجد عايزك تخفي
علا .. تتجوزيني .. ؟ "
القصة حلوة كتير وكل القصص حلوة والله بس عندي ملاحظة صغيرة يا ريت تكبري الخط وتغيري اللون شوية اغمق كده بوجع العيون ويعطيكي العافية على ابداعك
ردحذفوالله كنت لسه هاقولها كده تكبر الخط احسن عينى وجعتنى ده عاوز ميكرسكوب عشان يتشاف >_<
حذفtslam 2eedak ya Ranosh
ردحذفbs plzz 7awly tfady nafsaak 3shan ana kol ma 7al2a bta5las biab2a nafsy fe 7ala2a 2aly b3daha bs ll2asaf msh btab2a nezlat
l2ano bgaaad kol el storys to7faaa <3
7lwa awiiiii rana teslem idek
ردحذفمنورين كلكم ياجماعه ومن عنيا انشالله هكبر الخط ولا يهمك
ردحذفوحاضر هحاول افضى بس المشكله ان عندي امتحانات من يوم 4 الجاي فـ ربنا يسهل انشالله
وتسلمو كلكو يارب مرسي ليكو :)
ياريت لو تكبرى الخط زى العنوان او حتى اصغر شويه
حذف