علا فتحت عيونها ونزلت دموعها
مد خالد ايده ومسح دموعها
" اوعي اشوف دموعك دي تنزل تاني فاهمه ياعلا ..
انا طول مانا جنبك هفضل عايش عشان متنزلش دموعك دي ابدا
انا هاخدك من ايدك دلوقتي ونروح نجيب دبلتين ونروح اطلب
ايدك من اهلك ونقرا الفاتحه
ونلبس الدبلتين وانشالله بس تخفي نعمل خطوبه وكتب كتاب
وفرح في نفس اليوم
بس قوليلي بعد الابتسامه الجمييييييله اوي اللي انا
شايفها دي .. تتجوزيني ؟ "
بسرعه علا هزت راسها بانها موافقه
مسك ايدها وباسها عليها وخدها من ايدها وطلعو جابو فعلا
الدبل
وراحو على بيت اهل علا
ودخلو وعلا دخلت اوضتها مستنيه تسمع زغروطة مامتها
" السلام عليكم يا استاذ محمد .. تسمحلي بس اطلب
منك طلب "
" اتفضل يابني وانا اسف عاللي حصل مني في المره
اللي فاتت "
" ولا يهمك ياعمي .. انا جاي متقدم لعلا "
" متقدم لعلا ! ازاي "
" بحبها والله ياعمي .. وكل اللي عايزينو تحت امركو
فيه ..
انا بجد طالب من حضرتك القرب وانا فعلا عايز كدا اوي ..
"
" يابني لو هيا موافقه انا معنديش مانع بس اعرفك
الاول "
" انا مهندس معماري .. رأيس علا في المشروع ومعاها
في الشغل في القاهره ..
عندي اخت واحده بس اسمها مريم في اولى ثانوي ووالدي
ووالدتي اتفو وانا في ثانوي
ومليش غير اعمامي وحتى مش بشوفهم غير كل فين وفين ..
وجدتي اللي سايب عندها مريم
وانشالله انا على اتم الاستعداد اني اجيب كل اللي علا
تؤمرني عليه
واللي حضرتك تشاور عليه .. من عنيا الاتنين "
" والله يابني انتا قلت كل حاجه ومدتنيش فرصه حتى
اني افكر ..
انا موافق . اهم حاجه توافق هيا "
" حضرتك ممكن تدخل تسألها ولو موافقه انا معايا
الدبل ونقرا الفاتحه دلوقتي وبس هيا تخف الفرح يتم مع كتب الكتاب على طول "
" انتا داخل سخن اوي ماشالله عليك "
" عشان والله مش عايز اضيع ثانيه وعلا بعيده عني
وبجد عايزها تخف بسرعه "
" وهو كذلك .. روحي يا ام سعيد اسألي علا "
دخلت مامت علا عليها الاوضه وسألتها وعلا ابتسمتلها وهزت
راسها وبصت في الارض
وفي لحظتها كانت مامتها بتزغرط
وطلعت هيا وعلا وفعلا قرو الفاتحه ولبسو الدبل
وشويه وروح خالد على بيته
اول لما دخل الشقه دخل اتوضى وصلى ركعتين شكر لله
وراح كلم مريم يقولها
" مريومتي مبرووووووووك "
" الله يبارك فيك يا خلوودي بس ليه "
" هتبأي عمه قريب "
" ايه!! انتا متجوز ياواد انتا "
" هههههه يلا ياعبيطه انا لسه هتجوز "
" ميييييييييييييين "
" علا .. مهندسه معايا في الشغل "
" بجد والله ياخاااااالد مبروووووووووووووووك
ياحبيبي الف مبروووووك طب وهيا حلووه؟ عايزه اشوفها عايزه اشوفهاااااا "
" هههههههههه ااه يابنتي وانتي تعرفي عني غير اني
اعرف المزز وبس "
" طب اتنيل على عينك هوا انتا ليك فيهم اصلا انا
كدا اتأكدت ان علا مش حلوه ابدا ابدا "
" يلا ياجزمه يامريم "
" طب بجد عايزه اشوفها "
" خلاص انشالله الاجازه الجايه اخدها معايا على
القاهره وانا جاي وتتقابلو "
" تمام اتفقنااااااا "
" متقوليش لنينه حاجه هخليها مفاجأه ماشي "
" اشطاااات يامااان "
" اسمي بشمهندس يابت "
" هههههه ماشي "
" عقبال ما اشوفك عروسه ياحبيبتي يارب "
" امين يارب ياخالد وانتا اللي تمسك ايدي وتديها
لعريس الغفله "
" يابت انتي عمرك ماهتبأي جد كدا خالص "
" هههههه نووووو خالص "
" ماشي يامجنونه اسيبك انا واروح اناملي شويه عندي
شغل الصبح بدري "
" ماشي تصبح على خير "
" وانتي من اهلو "
دخل خالد على سريرو وحط راسه على المخده وشم ريحة علا في
المخده
قربها ليه اووووي وضمها جامد لحضنه وهوا من جواه بيقول
بحبك ياعلا
" معقوله بجد حبيت من جديد وعرفت الحب اللي بجد
يااااااااه كنتي فين ياعلا من زمان كنت بدور عليكي وانا
مش عارف
الحمدلله يارب انك عملت فيا كل دا فعلا اللي يصبر ينول
وفعلا ربنا بيدي الواحد الخير دايما وبيبعد عنه الشر
يارب خليهالي ومتبعدهاش عني ابدا واشفيها يااارب "
ونعس وهوا بيكلم نفسه
تاني يوم قام من النوم واول ما فتح عنيه بص على الدبله
اللي في ايده وباسها وابتسم
غير هدومه ونزل على الشغل واول ماوصل الكل استغرب من
الدبله
" ايه دا يا خالد "
" ايه يا عمرو "
" انتا خطبت يابني "
" لاء انا قريت فاتحه بس لسه الخطوبه انشالله قريب
جدا "
" ياسيدي ياسيدي الف مبرووووووووووك "
" ههههههههه ماشي ياخالد مبروك وانا اللي صاحبك
متقولليش طب حتى اباركلك طيب وافرحلك دحنا عشرة عمر واخوات "
" الله يبارك فيك ياسامي وانتا كمان ياعمرو بس
والله هيا جت فجأه كدا انا اسف "
" وياترى مين سعيدة الحظ بأه "
" اه ياخالد مين هيا "
" مش هتصدقوووووو "
" ياسيدي قوول "
" علا "
عمرو وسامي اول لما سمعو الاسم بصو لبعض وعمرو فتح عينه
واستغرب اكتر من سامي لانه كان فاهم ان خالد مش حاطط علا في بالو ابدا
" انتا بتقول ايه يابني انتا وبعدين احنا عارفين
انها مريضه اليومين دول جامد "
" زي مابقولك كدا ياعمرو .. فجأه لقيت نفسي
مشتاقلها وعايز اطمن عليها وفجأه حسيت اني بحبها وفجأه قولتلها تتجوزيني وهيا
وافقت .. مش عارف ازاي كل دا حصل بس انا طاير من الفرحه يابني والله .. الحمدلله
.. انا مستني تخف عشان نتخطب واكيد معزومين انتو طبعا "
" ياباشا الف الف مبروك "
" مبروك ياصاحبي "
" الله يبارك فيكو ياهندسه يلا بينا عالشغل بأه
"
" تمام يافندم "
وكملو شغل وخلصو متأخر شويه وكل دا مكنش حد اتغدى يادوب
سندوتش لكل واحد كدا في النص عشان يقدرو يسندو طولهم
خالد خلص شغلو وطار عالبيت غير هدومه ونزل راح محل الدهب
اشترى سلسله فيها قلب صغير مكتوب جواه خالد وطلع محل الورد اشترى بوكيه ورد رقيق
جدا وخدو وحط علبة السلسله في نص البوكيه وطلع على بيت علا
وصل وخبط على الباب وطلعت مامتها فتحت الباب
" مساء الخير ياحماتي "
" قوام كدا خلتني حماتك بردو ههههههههه قوللي يا
ماما "
" يااااااه اهو احلى ماما كمان .. "
" ههههههه اتفضل ادخل ياحبيبي "
" تسلمي يارب .. "
ودخل خالد وقعد
" ثواني اقوم اندهلك علا "
" اتفضلي يا ماما خدي راحتك "
قامت الام دخلت اوضة علا وقالتلها ان خالد برا مستنيها
فرحت علا اووي بالمفاجأه الجميله دي واللي بردت نارها
عشان كان نفسها تطمن عليه بس هيا عارفه انه مكلمهاش عشان مش هيسمع صوتها
غيرت هدومها ورفعت شعرها وبصت للمرايه وابتسمت
وطلعت بسرعه لخالد
اول لما شافها ابتسم وحس انه مش عايز يشيل عينه من عليها
" وحشتيني وحشتيني وحشتيني يا ارق ملاك في الكون ياقمري
لوحدي "
علا ابتسمت ونزلت عنيها في الارض
مد ايده ومسك ايده وباسها عليها ورفعلها راسها لفوق
" راسك متنزلش ابدا ياحبيبت خالد "
ومدلها البوكيه
" يارب يعجبك ياحبيبتي "
علا شافت الورد فحرت جدا وبانت فرحتها على وشها جت تقرب
البوكيه عليها تشمو
وقعت علبه على الارض
ميل خالد مسكها وفتحها وادهالها
علا مسكت السلسله ومشت ايدها على حروف اسمه وكانت طايره
من الفرحه
" مبسوطه "
هزت راسها ليه جامد اوي ودا اللي فرح قلبه
" طول منا معاكي ياعمري هفرحك دايما انشالله "
علا ادتله السلسله وشاورتله على رأبتها عشان يلبسهالها
ابتسملها ولفت ادته ضهرها ولبسها السلسله وقرب من شعرها
وفضل بشمها وهوا مرتاااح اوي
لبسها السلسله ورجعت تاني زي ماكانت قاعده ومسكتها وهيا
على رقبتها وباستها وبصتله وابتسمت
" عارفه .. ابتسامتك دي بتهون عليا اليوم كلو بجد
برتاح لما بشوفها يارب دايما اكون السبب فيها
امبارح بعد ماروحت حضنت المخده ونمت على ريحتك اللي
بحبها
مش عارف انتي عملتي فيا ايه وازاي غيرتيني اوي كدا ياعلا
انا بجد فعلا كنت فاكر اني عمري ماهحب من تاني
ولا هتحب .. كنت فاكر اني عمري ماهدوق طعم الفرحه دا ...
"
ولسه هيكمل كلامه مدت علا ايدها وحطتها على شفايفو
وجواها نفسو يقوله انا معاك دايما متخفش
واكتفت انها تحرك شفايفها ولاول مره تقولو بحبك بس من
غير صوت
" اااااااااااااه ياعلا انا اللي بحبك
اوووووووووووووي "
فضلو قاعدين واتعشى خالد معاهم بعد ما بابا علا جه من
برا وخلص قعدته ومشي
فاتو الايام ويوم الاربع بليل بعد ماخالد روح من عند علا
لسه هينام لقى رقمها بيتصل بيه
بص عليه وهوا مستغرب اوي
" الو !!؟؟؟؟؟ "
" خاااالد "
" ياعيووووووووون خالد وقلبه وروحو وعمرو كلو .. مش
مصدق ودني بجد
معقوله انا سامع صوتك احمدك يارب واشكر فضلك والله وحشني
اوووووووووي "
" انا بعد منتا مشيت حسيت اني عايزه اتكلم
فضلت قاعده على السرير مع نفسي وحاولت شويه بشويه
لقيت في صوت بيطلع بس محاولتش اقول اي كلمه مجرد صوت وبس
عشان اول لما انطق من تاني انطق اسمك انتا واول ماسمعت
صوتي اتصلت بيك على طول
ونطقت باحلى اسم ممكن شفايفي تنطقو .. وحشتني ياخالد
"
" علا انا هاين عليا اجيلك حالا احضنك وافضل ابوس
فيكي عالكلام اللي بسمعو من احلى صوت دا
احنا خطوبتنا بكرا مفيش كلام مليش فيه "
" هههههههههههه خطوبة ايه اللي بكرا يامجنون انتا
اصبر على رزقك شويه مقولناش لحد ولا حددنا مكان ولا انا جبت فستان ولا حضرت حالي
لاي حاجه مينفعش "
" وانا مش هستنى كفايه استنيت كتير ياعلا والله
"
" خلاص ياحبيبي احنا نسافر بكرا وماما وبابا يجو
معايا اتعرف على جدتك ومريم وبابا يقعد معاك انتا وحد من اعمامك وتتفقو على كل
حاجه والخميس اللي بعدو تبأه الخطوبه ايه رأيك "
" خلاص ياحبيبي وانا موافق اهم حاجه تكوني معايا
وبس بأي طريقه بأه "
" على قلبك دايما وحياتك ياخالد "
" هههههههه ياعلا انتي اصلا قلبي .. على قلبي زي
العسل ياحبيبت خالد "
جميييييييييلة اووووي يا روني .. يلا مستنيه الباقي على ناااااااااااار .. وربنا يوفقك يا حبيبتي في كتابة القصص بتاعتك :)
ردحذفal 7la2 7lwaaaaa awyyy ya rona bgd to7faaa tslm eadk ya a2mr <3
ردحذفwooooowooooowoooooooo :))))))))))))))
ردحذفgamelaaaaaaaaaaaaaaaaaaaaa ya agmal ensana entyyy :):)
> Gelan <
merci 7baybe mnwareeeeeen <3
ردحذف