فضلو يتكلمو كتير لحد مانعسو وقفلو
نامو شويه والصبح على الساعه 7 اتصلت علا بخالد تصحيه
" الووو "
" صباح الخيييير "
خالد اول ماسمع الصوت الحنين دا ابتسم
" امممم صباح النور ياحبيبي "
" يلا قوم بأه ياكسلان وحشتني اوي "
" ههههههه حبيبة قلبي وانتي وحشتيني ووحشني صوتك
اوي اوي اوي "
" طب يلا قووووم انا قايمه البس ونازله "
" استني متنزليش انا في ظرف نص ساعه هلبس وانزل
اخدك متركبيش تاكسي لوحدك "
" هههههه ماشي مستنياك "
وقفلو مع بعض ..
قام خالد غسل وشه ودخل اوضته يلبس بسرعه وخد مفاتيح
الشقه والمحفظه والموبايل وطلع قفل الشقه ونزل خد تاكسي
وراح على بيت علا
علا كانت مخلصه لبس وواقفه بتعمل كوبايتين كبتشينو عشان
عارفه ان خالد بيحبه
وكمان متأكده انو حتى مفطرش عشان مستعجل وعايز يشوفها
خلصت الكوبايتين ولسه هتطلع من المطبخ لقت موبايلها بيرن
خدت شنطتها والكوبايتين ونزلت
اول لما خالد شافها ابتسملها ومن جواه قلبه طاير من
الفرحه انها قدامه
" حبيبي ايه اللي انتي ماسكاه دا "
" اصل انا متأكده انك نزلت مستعجل ومشربتش حاجه
وانتا نازل وقلت دي تظبطلك يومك عشان نايمين اصلا متأخرين وزمانك تعبان "
" انا اول لما شفتك ياعلا ارتحت اصلا "
ومسك ايدها وركبو تاكسي وطلعو على الموقع
اول لما وصلو سلمو عليهم المهندسين وبدأو يباركولهم ويقولو
لعلا حمدلله على سلامتك
وبحكم ان خالد من البدايه كان مختار علا معاه في تقسيمة
الشغل فـ كانت مش بتفارقو
صح كانو منهمكين جدا في الشغل وتعبانين بس مجرد مابيبصو
لبعض لاي سبب كانو الاتنين بيرتاحو
وحبهم للشغل بيزيد
خلصو شغل وطلعو على بيت علا
" يلا ياخلودي ماما مستنياك انهردا معانا عالغدا
"
" لا ياحبيبت خالد مش هينفع عيب انا اصلا لسه
معملتش شنطتي انا هاكل اي حاجه عالسريع واعمل الشنطه واروح احجزلنا في سوبر جيت
واجي اساعدكو لو محتاجين اي حاجه ونطلع على المحطه "
" مليش دعووووه بكل دا دلوقتي ماما مستنياك يلا بييييينا
"
وشدت ايدو عشان يطلعو ومكنش خالد عارف يتصرف ازاي غير
انه يطلع معاها
طلعو ومامت علا رحبت جدا بخالد وقعدو ياكلو
خلصو اكل وخالد اتفق معاهم انه هيحجز ويسافرو انهردا
ومشي
راح على المحطه حجز سوبر جيت الساعه 8 يتحرك من اسكندريه
وطلع على شقته يحضر الشنطه
خلص الشنطه وخدها وطلع على بيت علا لقاهم جهزو خلاص
بأه شايل هوا وابو علا الشنط ونزلو كلهم خدو تاكسي وطلعو
على المحطه
وصلو ودخلو السوبر جيت وكانت علا قاعده جنب خالد ومامتها
وباباها وراهم
واتحرك السوبر جيت
علا وخالد مكنش في اسعد منهم في اللحظه دي وهما ماسكين ايد
بعض وباصين لبعض وبيتكلمو
شويه وعلا حست انها نعست وخالد قالها تنام شويه
حطت راسها لورا على الكرسي وراحت في النوم وخالد مشالش
عينو من عليها طول الوقت
وجواه كلام كتير اوي نفسو يقولو للملاك اللي شافه قدامه
دا
فجأه وقعت راس علا على كتف خالد بالراحه ومحستش علا بدا
ولا صحيت
حط خالد ايده على خدها ومشاها عليها بالراحه وسند خده
على راسها وابتسم وغمض عنيه
وجواه بيقول بعشقك ياملاكي
شويه ولقاها صحيت وشالت راسها من على كتفه
" ايه ياحبيبي صباح الخير بليل "
" خالد انا بردانه اوي "
" سلامتك من البرد استني ثواني "
كان لابس جاكيت سبور وقميص .. خلع الجاكيت اداهولها
تلبسو وقام طلب من السواق يوطي المكيف شويه ورجعلها
" احسن ؟ "
" ااه تمام بس انتا كدا هتبرد "
" فداكي ياعلا وبعدين انا طلبت من السواق يوطي
المكيف "
" تسلملي ياحبيبي "
مسك ايدها وباسها عليها بالراحه وبصلها وابتسم
" نعسانه؟ "
" لاء انا تمام كدا .. خالد انا خايفه "
" خايفه وانا معاكي!! من ايه ياعلا "
" خايفه مريم متتقبلنيش عشان انا عارفه اد ايه هيا
بتحبك خايفه تغير عليك مني "
" مفيش الكلام دا متقلقيش انا حاسب حساب كل دا
وعارف .. بالعكس دا لما عرفت اني هتجوز فرحت اوي وفضلت تزن عليا انها تشوفك"
" بجد والله ؟ "
" اه والله .. متخافيش هتحبو بعض بسرعه اوي وهتحسو
انكو اخوات "
" يارب ياخالد بجد اتمنى كدا جدا "
" علا انا بجد بحبك اوي .. عملتي فيا ايه "
" نفس اللي انتا عملتو فيا بالظبط لاني كمان بحبك
اوي "
" طب انا معملتش فيكي حاجه "
" ولا انا "
ضحكو وكملو كلام مع بعض وهزار وكل شويه يتعلقو ببعض اكتر
..
وصلو القاهره وكان الوقت متأخر جدا واتفقو انهم هيروحو
بيت علا اللي واخداه وبعد صلاة الجمعه هيروحو يتغدو مع خالد ومريم وجدتهم في البيت
وكل واحد راح على بيته
اول لما خالد وصل كانت علا وجدته نايمين
دخل بالراحه عشان محدش يقلق من نومه ودخل على اوضته كتب
ورقه لمريم ان علا ومامتها وباباها جايين يتغدو معاهم فـ هيجيب اكل جاهز فـ متخليش
نينه تطبخ انهردا حاجه وحطها على باب اوضتها ورجع تاني على اوضته ونام بهدومه من
كتر التعب
تاني يوم صحيت مريم الصبح بدري عشان تنضف البيت لقيت
الورقه دي على باب اوضتها
جريت على اوضة خالد بصت عليه لقيتو نايم في سابع نومه
مرضيتش تصحيه عشان شكلو لسه واصل من شويه ومن تعبه نام
بهدومو
طلعت من اوضته وبدأت تكنس البيت وتنضفه وتمسحو وقعدت في
الموضوع دا لحد صلاة الجمعه
اول لما سمعت الادان دخلت على خالد تصحيه وكانت جدتهم
صحيت وهوت البيت وحطت بخور وفتحت القرآن
" خلووودي قوووم الجمعه يلا "
" سيبيني يامريم مش قادر تعبان اوي "
" لاء مش هسيبك قوم يلا الصلاه "
" الساعه كام دلوقتي "
" 12 الضهر "
" يااااااااه اتأخرت اووووووي "
وقام نط من على السرير جري غسل وشو واتوضى ولبس ونزل على
الجامع
وكان سايب موبايلو في البيت
خلص صلاه وراح يجيب اكل من مطعم مشاوي
في الوقت دا كانت علا بتتصل على خالد
ولان مريم كانت في اوضة خالد بتوضبها لقيت موبايلو بيرن
ولقيت اسم " علا " بيتصل
قالت ترد ..
" الو .. ايوا مين "
" حضرتك اللي مين انا خطيبة خالد "
" اهلا ازيك ياعلا انا مريم اخته "
" مريومه ازيك ياحبيبتي عامله ايه معلش والله
اتخضيت لما سمعت صوت بنوته في التليفون "
" ههههههه حقك طبعا عموما خالد نزل يصلي "
" طب الصلاه خلصت من اكتر من نص ساعه "
" ااه ماهو زمانه بيجيب اكل عشان هتيجو تتغدو معانا
انهردا مش كدا "
" يييييه ليه التعب دا بس .. عموما ادينا بنلبس اهو
وجايين "
" تنورو ياعلا اهلا وسهلا "
" ربنا يخليكي ياحبيبتي يلا مش عايزه حاجه "
" سلامتك تيجو بالسلامه "
" الله يسلمك مع السلامه "
" سلام "
وقفلو والاتنين حاسين انهم ارتاحو لبعض
شويه وخالد طلع البيت ومعاه اكياس كتيره هوا والبواب
وحطوهم ونزل البواب
جت مريم من اوضتها وجدته كانت قاعده في الصاله
" حمدلله عالسلامه ياحبيبي من امبارح مشفتكش جيت
امتى "
" الله يسلمك يانينه لسه جاي عالفجر كدا جيت لقيتكم
نايمين قلت اصبر لحد الصبح اسلم عليكم "
ونزل باسها على راسها
" الله يرضى عليك يابني .. خطيبتك عامله ايه مبروك
عليك "
" الله يبارك فيكي يانينه خطيبتي الحمدلله كويسه
زمانها جايه في الطريق "
" ااه صحيح ياخالد علا اتصلت وانا رديت عليها قلت
بدل ماتقلق عليك "
" والله ؟ طب ايه حصل "
" مفيش سألتني انتا فين وكدا وطمنتها عليك وقفلنا
"
" ماشي يامريومتي يلا افرشي السفره بأه وحطي الاكل
في المطبخ عبال مايوصلو وتعالي عايزك "
" حاضر "
قامت عملت اللي هوا طلبو منها وهوا دخل الاوضه اتصل بعلا
" الو ايه ياحبيبي انتي فين "
" احنا اهو في الطريق جايين "
" بالسلامه حببتي "
" الله يسلمك ماما وبابا بيسلمو عليك "
" سلمي عليهم كتير .. احنا مستنينكم "
" ماشي ياخلودي مسافة السكه "
وقفلو مع بعض
شويه ولقى مريم داخله الاوضه عليه
" ايه ياخالد كنت عايزني "
متألقه يا رنا
ردحذفحلووووه اووووووووووووى
heya 7lwa jdn bs fi mula7'6a bse6a eno 8al mw'9o3 al 56oba 7 y3mlo mufaja2a li jedto bs lma rj3 barktlo 3adi y3ni kan momkin t'3yeri shwia fi elli 7 y79l m3a jedto ... W bi al twfee8 daymn isa :)
ردحذفرووووووووووووووووووووووووووووووعه جدا يا رونى كملىىىىىىىى بسرعه
ردحذفKmliha ana 3ala nar :P
ردحذفمرسي كتير يا جماعه على رأيكو : )
ردحذفويمكن دي فعلا وقعت مني موضوع جدته .. بس انا بعتبر انها عرفت من خالد لما وصل
طيب ازاى هو كان حاجز على 8 ووصل الساعة 4 على الفجر
ردحذف